MATIUS 8:29 - Alkitab Singog In Mongondow Masa In Tanaa

²⁹ Taya dua nomaḷú noropot, kai monia “Onuon-Mu in kami naa, ei Adí i Allah? Iko mamangoi degá mopoyoyiga kon inami umpaka deemanpa wakutunea?”

MATIUS 8:29 ပူးပေါင်းရင်းမြစ်များ

SAMUEL 2 16:10

Táe noguman in ki datu kon i Abisai bo kon i Yoab ki guya-guyangnea, “Dikadon hirauonmai. Pomayádon mako in sia mogodi-godimai kon inakó. Sin aka ki Tuhan in nopotabá kon inia, yo ki inebí in kohak moḻibó kon inia nongonu sin momiabí natua in sia?”

SAMUEL 2 19:22

Táe ki Daud in noguman kon i Abisai bo kon i Yoab ki guya-guyangnea, “Dika kumapog. Nongonu sin moiko in moposusabímai kon inakó? Kon singgai in naa akuoi in buidon nobaḻí datu kon Israel, bo diá bidon motaau in moḻimod kon intau in Israel.”

DATU MITA IMITÁNEA 17:18

Bo boba-bobay tatua in noguman kon i Elia, “Mogogundoi i Allah, nongonu popoaidbí i Amá in tanaa kon inakó? Degá namangoi in ki Amá sinbá kotoropan i Allah in dosaku, noiyaput in matoi in ki adíku?”

DATU MITA 2 3:13

“Nongonu sin mopoigumbí in totuḷung kon inakó?” guman i Elisa kon i datu in Israel. “Bayádon mako kon nabi mita in guyangamu!” “Diá!” tubag i Yoram. “Sin ki Tuhanbí inta ain nonomayá kon moposarakan kon inami toḷu kon i datu Moab.”

TAWARIKH 2 35:21

táe ki Nekho in nokidia in habar tanaa kon i Yosia, “Parang tanaa in deemanbí soaḷ iko, datu in Yohuda! Akuoi in namangoi deemanbí moḷawang kon inimu, táe moḷawangbí kon musungku mita, bo ki Allah in nopotabá kon inakó ḻimikat in mopobayá in oaidan. Ki Allah in naa kon dotáku, tuamai in dikadon moḷamboi kon i-Nia, sinbá diá in iko rimumudon-Nea.”

YOËL 3:4

Onuon monimu in Akuoi naa, ei Tirus, Sidon bo bayongan in butá in Pilistin? Moibog degá in iko motuḻí kon yaat in ginamu kon i-Nakó? Yo, tarimadon in tontuḻí-Ku inta ḷagidon moiangoi.

MATIUS 4:3

Dá namangoidon Ibilis bo noguman kon i-Nia, kainia: “Aka Iko totu-totuu ki Adí i Allah, yo aidaidon roti in batu mita tanaa”.

MATIUS 8:30

Diá noyayú kon i monia tua, oyúon in paanan boké inta koyogot motayakmai kon kaanonnea.

MARKUS 1:24

“Ei Yesus, intau in Nazaret, onuon-Mu in kami? Mamangoi degá momutú kon inami in Iko? Kotaauankubí in Iko: Iko nion in totabá i Allah inta motusi!”

MARKUS 3:11

Bo intau mita inta kinotoḷangan in dimukud moraat, pomuḷoi in mokoontong kon i-Nia baḷú tumungkud kon tayowon-Nea bo momaḷú in moguman, “Ikobí nion in ki Adí i Allah!”

MARKUS 5:7

Bo nomaḷú noropot, “Yesus, Adí i Allah inta Totok in Moḷantud! Onuon-Mu in akuoi ná? Podoyon kon tangoi i Allah, akuoi mopoigum kon ini-Mu, donaai rorigaan in akuoi!” (

LUKAS 4:34

“Ei Yesus, intau in Nazaret, onuon-Mu in kami? Degá mamangoi in Iko momutú kon inami? Kinotaauankubí in Iko: Iko in totabá inta Motusi nongkon i Allah!”

LUKAS 4:41

Dimukudpa mita moraat in iḷumuai nongkon moantó intau, sindaḷan kumarak bo moguman, “Iko nion in ki Adí i Allah!” Táe totok in sinorúan i Yesus in mosia bo diá inogoi mosingog sin kotaauandon monia kon Sia tua in Datu Mopoposaḷamat.

LUKAS 8:28

Naonda in sia nokoontong kon i Yesus, kinumarak in sia bo sinumungkud kon tayowonmai i Yesus bo nomaḷú, “Ei Yesus, ki Adí i Allah inta Totok in Moḷantud! Onuon i Tuhan in akuoi naa? Poigumonku totok kon i Tuhan, dika rorigaan in akuoi!”

YOHANES 2:4

Ki Yesus in notubag, “Iná, donaaipa mokiaid in onu bo onu kon i-Nakó, sin deemanpa wakutunea Akuoi mopoontong intua.”

OUMAN IN RASUL MITA 16:17

Bobay tatua in dumuduianmai kon i Paulus bo kon inami komintan bo sindaḷan momaḷú, “Intau mita tanaa simpaḷbí mita i Allah Inta totok in Moḷantud! Mosia in mamangoi mopotaau in daḷan kasaḷamatan kon i monimu komintan!”

YAKOBUS 2:19

Tantú moiko in mopirisayabí kon ki Allah in tongábí tobatú toh? Bá kotaauan monimu kon dimukud mita moraat in mopirisayabí doman kon tua bo uyotbí doman mako in mosia sin moondok!

PETRUS 2 2:4

Malaekatpa mita inta nogaid kon dosa, diábí doman pinilatan i Allah nongkon hukuman. Mosia tua in komintanbí doman pinogonag kon naraka. Mosia in pinobonu kon irang inta mosindip sin pogoḷa-goḷatan kon Singgai Ponantúan.

YUDAS 1:6

Torop domandon in malaekat mita inta iḻimimpat kon kawasa inta inogoi kon i monia, sahingga in minayá nonaḷámaidon kon tampat pogogutunan monia. Mosia tua in sinoko togot i Allah in rante inta diá mobonto-bontow kon bonu in tampat inta mosindip kon ḻimonag in butá. Mosia in umuranpabí sinahang kon tua modapot in hukuman popoḷabúdon kon i monia kon Singgai inta ponantúandon.

HAKIM MITA 11:12

Nopaḷut mako kon tua ki Yepta nopotabá in intau minayá kon i datu in Amon sin moguman nanaa, “Onu in taḷá nami nodapot in moiko in monububí kon butá nami?”