MATIUS 8:26 - Alkitab Singog In Mongondow Masa In Tanaa

²⁶ Sia in noguman kon i monia, “Nongonu sin moondokbí in moiko intau inta diá totok mopirisaya?” Onda intua nobangon in ki Yesus bo sinumorú kon tompot bo danow tatua, indoianmai yo diádon nogirup in tompot tatua bo danow in noḷonong totok.

MATIUS 8:26 ပူးပေါင်းရင်းမြစ်များ

MAZMUR 65:7

Pinongin ropot-Mu pinosindog-Mu in buḷud mita, sin mopoontong in kawasa-Mu inta motorindog.

MAZMUR 89:9

Tuhan, Allah Inta Totok in mokawasa, ki ine in ná koropot-Mu? Tuhan, Iko in mosatia kon bayongan in yagi-yagi.

YESAYA 63:12

Kon onda in ki Tuhan inta koyot-yotakin i Musa takin ḻima-Nea inta moropot motorindog, bo nomotak kon tubig kon tayowon monia sinbá tangoi-Nea in kotaauandon modapot in mononoi?

NAHUM 1:4

Sia in nongguak kon dagat bo nobaḻí nogiot, bayongan in ongkag iningkagan-Nea komintan. Buḷud in Karmel bo rawang mita kon Basan nobaḻídon noḷogat bo kon Libanon noḷaḷowdon in bayongan bungang.

HABAKUK 3:8

O Tuhan, popisí degá in dagat bo sinumorú in Iko? Ongkag mita degá in nokopopisí kon ini-Mu sinumorú? Sinakoian-Mu in goḷom naonda bo kabaḷo bo kereta in parang, kon dodai in umat-Mu pinountung-Mu.

MATIUS 16:8

Bo naonda in kinotaauan i Yesus onu in yogot monia yosingogon tua. Sia in noguman, “Nongonu sin moiko in noyosingogbí kon soaḷ diá in roti? Ei intau mita inta diá mopirisaya!

MATIUS 17:20

Ki Yesus in notubag, “Popisí in diá mopirisaya in moiko. Tuamai Akuoi in moguman kon i monimu, ‘Aka oyúon pirisayamu tongá kabí ná koḷoben batoḷ in sesawi’, yo moiko in motaau moguman kon buḷud tanaa, ‘Pomampingdon kon tua!’ Dá buḷud tanaa in dumuduibí doman kon singogmu, bo diábí in tobatúmai in diá motaau monimu aidan. [

MATIUS 6:30

Dá aka ki Allah bo nobogoi kon inta mopia kon bungang mita inta singgai naa oyúon bo ikoḷom in tubáan. Yo tantú moikobí in kotabi-tabi-Nea! Táe moiko in diá totok mopirisaya!

MATIUS 8:27

Mosia in nongoherang bo noguman, “Ki inebí degá in Sia naa, sin tompot bo danow in dumuduibí kon tosingogon-Nea!”

LUKAS 4:35

Táe ginuakan i Yesus in dimukud moraat tatua, “Kibio-biómai bo ḷuaidon iko kon intau tanion!” Dá dimukud moraat tatua nogumpang kon intau tatua kon tayowonmai monia komintan, onda intua sia iḷumuaidon pia-pia nongkon intau tatua.

SURAT I PAULUS KON JAMAAT RUM 4:20

Sia in umuran mopirisaya bo diábí in ḻia-ḻiaw mako in ginanea kon onu inta pinodandi i Allah tatua. Pirisayanea in mokodugang kon ropotnea, sahingga umuran in sia modayow kon i Allah.

WAHYU 10:2

Sia kokada-kadai in ḻitodan buk mointok inta noibuká mako. Sioḷnea koḷanan in nomuntuk kon dagat bo sioḷnea koḷoigi in nomumtuk kon toba.