MATIUS 8:20 - Alkitab Singog In Mongondow Masa In Tanaa

²⁰ Ki Yesus in noguman kon inia: “Serigala oyúon in bubúnea, bo ḷagapan oyúon in pugadnea, táe ki Adí Intau diá in tampat posiugan-Nea.”

MATIUS 8:20 ပူးပေါင်းရင်းမြစ်များ

MAZMUR 104:12

Kon diugnea ḷagapan mita momia kon pugadnea; mosia in monontuoḷ kon sigad mita in daun.

MAZMUR 104:17

Kon tua monompugadon in ḷagapan mita, ḷagapan ranggung nonompugad kon ḷuntungnea totok.

MAZMUR 109:22

Sin akuoi naa in nobogá bo nororiga, bo ginaku in kinekeban nodaḷom.

MAZMUR 40:17

Igumon mako in bayongan in intau inta nosumba kon ini-Mu moḷunganga bo mopia in gina, bo bayongan inta motabi kon kasaḷamatan nongkon ini-Mu umuran moguman, “Totuubí moḷantud in ki Tuhan!”

MAZMUR 69:29

Biódon mako in tangoi monia popatan kon buk in intau nobiag; bo diá pinais kon bonu in buk in intau motuḻid.

MAZMUR 84:3

Ginaku in totokbí in mokotanob kon Baḷoi-Mu, dimukud bo awakku monggiow kon i Allah inta nobiag.

DANIEL 7:13

Kon bonu in ontongonku doḷom tua, inontongku in oyúon in naonda bo intau. Sia in namangoi takin iḻibu in goḷom bo dinia minayá kon i-Nia inta mononoi.

MATIUS 12:32

Bo aka intau mosingog kon pomaḷawang kon Adí Intau, sia in ampunganpabí, táe aka sia bo momaḷawang kon Roho i Allah, yo sia in diábí motaau ampungan in tanaa mako andeka kon aherat!”

MATIUS 12:40

Sin naonda in ki Yunus toḷu nosinggai bo toḷu nogobii kon bonu in sian in toyá, yo natua doman in ki Adí Intau in mogutun kon gantog in butá toḷu nosinggai bo toḷu nogobii.

MATIUS 12:8

Sin singgai in Sabat kon bonubí in kawasa i Adí Intau.”

MATIUS 13:37

Sia in notubag, “Intau inta nogambor kon bibit mopia tua in ki Adí Intau.

MATIUS 16:13

Naonda in ki Yesus noiyaput kon Kaisarea Pilipi, Sia in noḻibó kon murí-Nea mita, “Podudui in guman intau ki ine in ki Adí Intau tua?”

MATIUS 16:27

Diádon moonggot bo ki Adí Intau takin malaekat-Nea mita in mamangoi takin kawasa i Amá-Nea. Kon dodai intuata Sia motuḻidon kon pomuḷoi in intau podudui in oaidnea.

MATIUS 17:9

Kon dodai in mosia nosiḻigdon nongkon buḷud tatua, ki Yesus nobogoi in koyow kon i monia, “Donaai oumanon monimu kon i ine kabí in onu inta aindon inontong monimu tatua kon wakutu in ki Adí Intau diápa biagon bui kon sigad in intau minatoi.”

MATIUS 19:28

Guman i Yesus kon i monia, “Popirisayadon: Kon Dunia Mobagu i Allah, Adí Intau in ḻimitúdon kon tampat pomomarentaan-Nea inta momulia. Kon wakutu intua moiko murí-Ku mita in ḻimitú doman kon ḻimonik in mopuḷú bodoyowá in tampat pomomarentaan bo mohakim kon mopuḷú doman bodoyowá nosuku kon Israel!

MARKUS 8:38

Sin ki inekabí in mooyá popisí Akuoi bo popisí in singog-Ku kon yua-yuak in intau mita inta diá mosatia bo binaradosa naa, yo ki Adí intau mooyá doman popisí in intau tatua aka Sia mamangoidon bui kon bonu in kamuliaan i Amá-Nea takin malaekat mita mokudus.”

LUKAS 12:8

“Torop kopira in naa: Intau inta moibog mongaku kon tayowon intau moantó kon sia in dumodudui-Ku, Sia in akúon doman in Adí Intau kon tayowon in malaekat mita i Allah.

LUKAS 18:8

Popirisayabí: tuḷungan-Neabí in mosia! Táe aka Adí Intau mamangoi, yo oyúonpa degá in intau mopirisaya in kon dunia naa?”

LUKAS 2:12

Yo bá kotaauan monimu, yo naa in tandanea: Moiko in mokodungkuḷ kon adí mointok inta binakut in yumbit in daing bo pinouḻid kon bonu in duḷang.”

LUKAS 2:16

Dodaipa doman tatua mosia minayá nokipodungkuḷ kon i Maria bo kon i Yusup takin adí mointok inta pinouḻid mako kon bonu in duḷang.

LUKAS 2:7

Sia nopolahir in adí ḷoḷaki, ki adínea guya-guyang. Adí tatua binakutnea in yumbit in daing bodongka pinouḻid kon bonu in duḷang sin mosia in diá nokouḻí kon baḷoi pinongandupan.

LUKAS 21:36

Tuamai in umuran kiḷuka-ḷukadmai bo posambayang sinbá umuran moropot in moiko bo mokobaḻí simindog kon tayowon Adí Intau.”

LUKAS 8:3

ki Yohana, inta ki buḷoi i Khuza, bendahara i Herodes; ki Susana, bo nobayongpa doman in bobay ibanea. Onu in pakéon monia kon tungkuḷ in nobantung kon i Yesus bo kon murí-Nea mita, sinanggungbí monia tontaní.

LUKAS 9:58

Táe ki Yesus in noguman kon inia, “Uḻe, Serigala oyúon in bubúnea, ḷagapan oyúon in pugadnea, táe ki Adí Intau in diábí in tampat posiugan-Nea.”

YOHANES 1:51

Ki Yesus noguman doman, “Totuu, popirisayadon! Iko mokoontongbí kon ḷangit mobukat bo malaekat mita i Allah moponik-moponag mamangoi kon i Adí Intau.”

YOHANES 12:34

Intau mobayong kon tua noguman kon i-Nia, “Podudui kon Buk Hukum in agama nami, Datu Mopoposaḷamat tua in mobiagbí mononoi. Yo nongonu sin Iko in mogumanbí kon ki Adí Intau in poḷantudonbí kon dunia naa? Ki inebí in ki Adí Intau tatua?”

YOHANES 13:31

Naonda in ki Yudas minayá, ki Yesus in noguman, “Tanaa Adí Intau pomuliaandon, bo ki Allah in pomuliaan pongin i-Nia.

YOHANES 3:13

Diábí in tobatúmai intau inta nokoimontandon namonik in soroga, koḻikudbí in Sia inta ain noponag kon dunia naa, Sia tuata in ki Adí Intau.

YOHANES 3:14

Bo ná doman ki Musa inta nopoponik in uḷag tambaga kon pangkoi in kayu kon padang gurun, dá natua doman in ki Adí Intau musti poḷantudon,

YOHANES 6:27

Donaaibí mogaid sinbá mokouḻí kon kaanon inta modai-daitpa bo inta mobongkog. Táe pogaidbí sinbá mokouḻí kon kaanon inta diá mobongkog bo inta mobogoi in kobiagan mononoi. Kaanon tatua in ogoibí i Adí Intau kon i monimu, sin Sia ain ilantik i Allah inta ki Amá.”

YOHANES 6:53

Bo ki Yesus in noguman kon i monia, “Poguman-Kudon kon i monimu, Aka moiko bo diá mokaan kon awak i Adí Intau bo monginum kon dugú-Nea, yo diábí in moiko mobiag.

YOHANES 6:62

Yo onu degá in mobaḻí aka moiko in mokoontongdon kon i Adí Intau mamonik bui kon tampat-Nea inta muna?

OUMAN IN RASUL MITA 7:56

Ki Stepanus in noguman, “Indoiai, inontongku in soroga nobukat bo ki Adí Intau sinimindog kon dotá in koḷanan i Allah!”

KORINTUS 2 8:9

Sin moiko in totokdon in nonotaau kon kita in totokbí in kinotabi i Yesus Kristus, Tuhan naton. Sia in nooyúonbí, táe sinumon intau bogá sin lantaranbí moiko, sinbá moiko in mobaḻí mooyúon.