MATIUS 8:2 - Alkitab Singog In Mongondow Masa In Tanaa

² Kon sigad monia oyúon doman tobatú intau inta pinanyaki kuḻit inta mokorongó. Sia in namangoi bo sinumungkud poḷat nosumba kon i Yesus, takin noguman, “Tuang, aka ki Tuang moibog mongundam, yo mopiabí in akuoi.”

MATIUS 8:2 ပူးပေါင်းရင်းမြစ်များ

SAMUEL 2 3:39

Umpakabí akuoi naa in datu moḷoben inta piniḻí i Allah, táe korasaanku in tanaa kon moyangkóbí. Ki adí mita i Zeruya tua in moiḻiudon in romú. Diá in akuoi mokotongod in mongawasa kon i monia. Igumon mako ki Tuhan in mohukum kon intau mita moraat tatua, podudui kon oaid monia!”

DATU MITA 2 15:5

Pinopoumaan i Tuhan in sia in takit kuḻit inta mokoondok, bo nodapot in sia minatoi, takit tatua in diá bidon nopia-pia. Sia in pinotontanídon kon baḷoi tobatú pinopoyayú bo pinoḷuat kon oaidannea mita. Ki Yotam ki adínea ḷoḷaki in nomarenta saḷaku oḻitnea.

DATU MITA 2 5:1

Ki Naaman naa in tongguḷu totokan in tontara in Siria inta kinotabi totok bo ihoromat i datu in Siria. Sin, pinongin i Naaman, ki Tuhan ain nopountung kon tontara in Siria. Ki Naaman naa in tongguḷu totokan in tontara inta motorindog, táe sia in kinotugatan in takit in kuḻit inta mokoondok.

DATU MITA 2 5:27

Popisí in iko in notarima kon tombuinag tatua, dá tarimaanmu domandon in takit i Naaman. Bo modapotbí in buímu umuran mononoi in mokouḻí kon takit natua!” Naonda in ki Gehazi iḻumuai nongkon tua, nokouḻídon in sia kon takit in kuḻit – kuḻitnea in nobaḻídon nobudó totok.

PINOGIAPAN 12:10

Naonda in goḷom tatua minayá nonaḷámai kon Ḷoḷaigan i Tuhan, indoianmai yo ki Miryam kinotugatandon in takit kuḻit inta mokobodito; kuḻitnea inumudó naonda bo kapot. Naonda inontong i Harun kon ki Miryam kinotugatandon in takit tatua,

MATIUS 10:8

Undamaidon in intau notakit; biagdon bui in intau minatoi; undamai doman in intau inta pinanyaki kusta, bo untun in dimukud mita moraat. Naa komintan in inogoi pinonotabi kon i monimu. Manangka intua yo ponotabi domandon.

MATIUS 13:58

Bo popisí in diá in pirisaya monia, dá diá nobayong in soaḷ inta mokoherang in pinomia-Nea kon tua.

MATIUS 14:33

Intau mita inta kon bonu in uangga nosumba kon i-Nia. Kai monia, “Totu-totuu kon Iko naa in ki Adíbí i Allah.”

MATIUS 15:25

Bobay tatua in dinimiug bo nosumba kon i-Nia bo noguman bui, “Tuhan tuḷungaipa in akuoi.”

MATIUS 18:26

Dá sinumungkudon in simpaḷnea tatua kon tayowon i datu bo nosumba takin noguman kon inia, ‘Posabarpa muna, sin bayongan boḻiku in daitonkubí uboḻianan.’

MATIUS 2:11

Bo sinumuotdon in mosia kon bonu in baḷoi tatua bo noindoi kon Adí tatua takin ki Maria ki iná-Nea. Mosia sinumungkud bo nosumba kon i-Nia. Mosia nobuká kon tampat pobobonuan kon pakakat monia bodongka nobogoi in barang pinosumba kon i-Nia. Barang inta inogoi monia tua in buḷawan, kamania, bo taḷong mobondu.

MATIUS 20:20

Bo ki iná in adí mita i Zebedeus takin ki adínea mita tua namangoi kon i Yesus, bo sinumungkud kon tayowon-Nea sin oyúon poigumon monia kon i-Nia.

MATIUS 26:6

Naonda in ki Yesus kon Betania, kon baḷoi i Simon inta koḻipod pinanyaki kusta,

MATIUS 28:17

Naonda in inontong monia, sinumba monia in Sia, táe oyúon in topiḻik diá mopirisaya.

MATIUS 28:9

Bo ki Yesus in noyodungkuḷ monia bo noguman, “Salam kon inimu!” Dinimiug in mosia kon i-Nia bo ginumakap kon sioḷ-Nea bo nosumba doman kon i-Nia.

MATIUS 4:9

bo Ibilis in noguman kon i-Nia: “Tanaa komintan daitonku ogoi kon ini-Mu, aka Iko tumungkud mosumba kon inakó.”

MATIUS 8:1

Naonda in ki Yesus nosiḻig nongkon buḷud, intau mobarong dinumudui kon i-Nia.

MATIUS 8:25

Bo namangoidon in murí-Nea mita noguḷung kon i-Nia, kai monia, “Tuhan Tuḷungaipa! Sin mobodito in kita.”

MATIUS 9:18

Koyogotpa in ki Yesus nongonguman natua kon i monia, namangoidon in tobatú itoi in baḷoi pososambayangan, bo nosumba kon i-Nia poḷat noguman, “Ki adíku bobay bagupa minatoi, táe akuoi mopoigum kon i Guru mamangoi bo mokadai kon inia, dá mobiagbí bui in sia.”

LUKAS 4:27

Natua doman in kon tungkuḷ i Nabi Elisa, tungkuḷ intua nobayong in intau Israel in kinotugatan in panyaki kuḻit inta mokorongó, táe diábí tobatúmai in kon sigad monia tua in inundaman, koḻikudbí in ki Naaman intau in Siria tua.”

YOHANES 9:38

Dá intau tatua in sinumungkud kon tayowon i Yesus bo poḷat noguman, “Akuoi in mopirisaya, Tuhan.”

OUMAN IN RASUL MITA 10:14

Ki Petrus in notubag, “Doí in akuoi, Tuhan! Sin diápabí dodai onda in akuoi in nokaan kon inta pinoton, andeka onu inta monajis.”

OUMAN IN RASUL MITA 10:25

Naonda in noiyaput in ki Petrus, baya-bayá sinomu i Kornelius poḷat sinumungkud in sia kon tayowonmai i Petrus.

KORINTUS 1 14:25

Onu inta noibuni kon bonu in ginanea komintanbí poontong, sahingga in mokopoompá kon dodia in sia bo moibog mosumba kon i Allah. Sia in mobaḻí mopirisaya totok kon ki Allah in umuranbí kotaki-takin monimu.

WAHYU 19:10

Dá sinumungkud in akuoi kon tayowonnea sin mosumba kon inia, táe sia in noguman kon inakó, “Donaai! Donaai mosumba kon inakó, sumbadon in ki Allah! Sin akuoi naa in tongábí doman bobantung ná iko nion bo notongkai doman i utatmu mita inta umuran kinumadai norigon kon onu inta pinoguman i Yesus!” Sin onu inta pinoguman i Yesus, tuatabí inta nopogonú kon gina in intau mita inta nopotaau in koyow i Allah.