MATIUS 8:14 - Alkitab Singog In Mongondow Masa In Tanaa

¹⁴ Nodapotmai kon baḷoi i Petrus, inontong i Yesus in ki guyá i Petrus noitosiug mako sin pinonikan patú.

MATIUS 8:14 ပူးပေါင်းရင်းမြစ်များ

MATIUS 17:25

Ki Petrus in notubag, “Uboḻianbí.” Bo naonda in ki Petrus sinumuot kon baḷoi, ki Yesus in muna noḻibó kon inia, “Aka podudui in raianmu yo naonda, Simon? Ki ine in musti moguboḻi kon bea andeka pajak kon datu mita in dunia naa? Intau kon ḻipú tatua andeka intau mokokiangoi?”

MATIUS 8:15

Dá dinimiug in Sia bo nokadai kon ḻima in bobay tatua, bo poḷatdon nopia in patúnea. Dá bango-bangon in sia bo nobantung kon i-Nia.

MATIUS 8:20

Ki Yesus in noguman kon inia: “Serigala oyúon in bubúnea, bo ḷagapan oyúon in pugadnea, táe ki Adí Intau diá in tampat posiugan-Nea.”

KORINTUS 1 9:5

Eta degá diá motaau in akuoi in modia kon i buḷoiku inta mopirisaya kon i Kristus saḷaku takinku kon baya-bayáan mako, ná inta inaidan i utat mita i Tuhan Yesus bo in rasul mita ibanea ná tai Petrus?

TIMOTIUS 1 3:2

Tuamai intau inta mobaḻí itoi kon jamaat in mustibí intau inta motuḻid in gina, tongá tobatú in ki buḷoinea, mokokawasa kon ibog in gina, mobijaksana, mopia in oaid, moibog motuḷung kon bayongan in intau bo motaau motundú kon inta mopia kon intau ibanea;

TIMOTIUS 1 4:3

Mosia in motundú kon intau bá diá mobuḷoi bo diá doman mokaan kon kaanon inta ain sinantú monia. Bokaka kaanon tatua in pinomia i Allah sin kaanon takin mosukur kon i-Nia in intau mita inta ain nopirisaya kon i Kristus bo inta ain nonotaau kon totundú inta mobanar nongkon i Allah.

IBRANI 13:4

Mustibí untuon mako in mangaḻe in tonibuḷoi, tuamai doyowa motonibuḷoi musti mososatiaan tobatú bo tobatú. Sin intau inta mogaid kon mokotor bo inta mononuaḻing in adilonbí i Allah.