MATIUS 8:10 - Alkitab Singog In Mongondow Masa In Tanaa

¹⁰ Naonda in dinongog i Yesus tosingogon in porwira tatua, noherang totok in Sia. Dá Sia in noguman kon intau mita inta dinumudui kon i-Nia, “Diápa kon dodai in onda in kinodungkuḷan-Ku in koḷoḷoben pirisaya ná tanaa kon sigad in intau in Israel!

MATIUS 8:10 ပူးပေါင်းရင်းမြစ်များ

KINOBAḺIAN 43:33

Ki utat mita i Yusup pinoki ḻitúan kon meja inta noyogintayowan i Yusup, mosia iḻimitú podudui in umur monia, pinangkoi kon inta guya-guyang totok nodapot kon inta ai-ai totok. Naonda inontong monia in pinononampat natua, mosia in nooindoian takin herang.

MATIUS 15:28

Bo ki Yesus in notubag takin noguman kon i-Nia, “Uḻe iná, moḷoben totok in pirisayamu! Manangka intua yo mobaḻídon kon inimu ná inta kinoibogmu!” Bo dodaipa doman in tuata nopia in ki adínea.

MATIUS 8:11

Poguman-Ku kon i monimu! Mobayong in intau inta mamangoi nongkon pomukaan bo toyopan bo ḻimitú mongaan moyotakin i Abraham, i Ishak, bo i Yakub kon bonu in Dunia Mobagu i Allah.

MATIUS 8:9

Sin koḻimonikanku naa oyúon doman in itoiku. Táe koḻimonaganku oyúon doman in prajurit. Aka akuoi moguman kon prajurit tatua, bayá, dá mayábí doman in sia. Bo aka akuoi moguman kon prajurit ibanea, ‘Angoi!’ dá mamangoibí doman in sia, andeka akuoi mopotabá kon bobantungku, kon aidai in naa dá aidanneabí intua.”

MARKUS 6:6

Ki Yesus noherang sin mosia in diá mopirisaya. Onda intua ki Yesus nopobayá in ḻipu-ḻipúannea inta nodiug kon tua, bo nobogoi in topotundú.

LUKAS 5:20

Naonda in ki Yesus nokoontong kon námai tua in pirisaya monia, dá Sia in noguman kon intau tatua, “Utat, taḷámu inampungandon.”

LUKAS 7:50

Ki Yesus in bui noguman kon bobay tatua, nanaa, “Pirisayamu ain nokosaḷamat kon inimu. Bayádon iko takin saḷamat!”

LUKAS 7:9

Nokodongogmai kon koyow tatua, noherang totok in ki Yesus. Sia in nobobui kon intau mita inta dinumudui kon i-Nia bo poḷat nosingog, “Pirisaya námai naa in koḷoben diápa dodai onda in nouḻí-Ku kon sigad in intau Israel!”

OUMAN IN RASUL MITA 2:7

Nongoitongau bo nongoherang in mosia bo noguman, “Kinotaauan nami intau mita inta nosingog tanion in intaubí in Galilea?