MATIUS 7:7 - Alkitab Singog In Mongondow Masa In Tanaa

⁷ “Poigumdon, dá ogoianbí in moiko. Potayakdon, dá mokouḻí bí in moiko. Ponangkokódon, dá pobukatanbí in moiko kon ḷoḻingkop.

MATIUS 7:7 ပူးပေါင်းရင်းမြစ်များ

KINOBAḺIAN 26:32

Kon singgai doman tatua bobantung mita i Ishak namangoi bo nopotaau kon inia soaḷ parigí inta ain kinaḻi monia. Guman monia, “Kami in nokouḻídon kon tubig.”

DATU MITA IMITÁNEA 3:5

Doḷom tua ki Tuhan in nokipogontong kon inia kon bonu in togoindop bo noguman, “Salomo, igumdon onuka in koibogmu, ogoi-Kubí intua kon inimu!”

MAZMUR 10:17

Tuhan, Iko in nokidongog kon sambayang in intau nobogá bo moginropot kon gina monia.

MAZMUR 10:4

Intau binaradosa in diábí mopandungmai kon i Tuhan, popisí in kaḷakuangnea dá norai in sia kon diábí in Allah.

MAZMUR 119:12

Akuoi in modayow kon ini-Mu, o Tuhan, tundúdon in akuoi in atorang-Mu.

MAZMUR 27:8

Iko in noguman, “Angoidon posumba kon i-Nakó.” Sinubagan-Ku, “Akuoi in ḷagidon mamangoi, o Tuhan;

MAZMUR 34:4

Poḷantudon in ki Tuhan takinku, igai moyotakin mopomulia kon tangoi-Nea.

MAZMUR 37:4

Tayakdon in kopiaanmu kon i Tuhan, Pooropon-Neabí in ibog in ginamu.

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

MAZMUR 69:32

Tuabí in kinoibog i Tuhan nongkon kuruban sapi, kuruban sapi koḷakian inta moḷoben.

MAZMUR 70:4

Biódon mako in intau inta kinumosing kon inakó moitaḻikokog bo mooyá.

MAZMUR 86:5

Iko in mopia, o Tuhan, bo moibog mongampung, intau inta mosambayang kon ini-Mu umuranbí kotabi-Mu takin tabi inta moiḻiu.

AMSAL 8:17

Akuoi in motabi kon i monia inta moibog kon inakó; inta motayak kon inakó, in moyodungkuḷkubí.

DONDONG MOḶANTUD 3:2

Akuoi moibog mobangon bo moḻibu kon kotá, modondaḷoi kon bayongan daḷan bo lorongnea. Akuoi moibog motayak kon batoḷ in dodobku; sinayakku in sia, táe diá nouḻí.

YESAYA 30:19

Ei moiko inta nogutun kon Yerusalem, moiko in diábí tantú mongombaḷ. Ki Tuhan in monotabibí, bo ḷagidon motubag kon i monimu aka moiko mokuani mokituḷung kon i-Nia.

YEREMIA 33:3

“Pokuanidon kon i-Nakó, dá tubagan-Kubí; potaau-Kubí kon inimu in soaḷ mita inta mopia bo inta mokotongaw inta diápa kinotaauanmu.

AMOS 5:4

Ki Tuhan in noguman kon intau in Israel, “Pobuidon mangoi kon i-Nakó, dá mobiagbí in moiko.

MATIUS 18:19

Akuoi in bui doman moguman kon i monimu: Aka doyowa in intau kon sigad monimu bo motobatú kon gina bo moigum kon onukabí, yo onu inta pinoigum monia tua, ogoibí i Amá-Ku inta kon soroga.

MATIUS 21:22

Bo onu kabí in poigumon monimu kon bonu in sambayang takin mopirisaya totok, yo moiko in motarimabí kon onu inta inigummu.”

MATIUS 6:33

Táe, tayakpa muna in ki Allah bo aidaidon onu inta kinoibog-Nea. Dá komintan tua in ogoi-Neabí doman kon inimu.

MATIUS 7:11

Dá aka moiko inta moraat bo motaau mobogoi, kon inta mopia kon i adímu mita. Yo bambíkabí ki Amámu kon soroga! Sia in moiḻiubí kon tua, ogoian-Neabí inta mopia totok in ki ine inta moigum kon i-Nia.”

MATIUS 7:8

Sin pomuḷoi in intau inta moigum motarima; bo intau inta motayak in mokouḻí; bo intau inta monangkokó, pobukatan kon ḷoḻingkop.

MARKUS 11:24

Manangka intua yo torop in naa: Aka moiko mosambayang bo oyúon in igumon, yo popirisayabí kon inogoibí i Allah kon inimu onu inigum monimu tua, dá tarimaanbí monimu intua.

LUKAS 13:25

Aka ki togi baḷoi bo simindogdon moḻingkop kon ḷoḻingkop in baḷoinea, yo moiko in dongka bidon simindog mako kon ḷuai bo umuran monangkokó bo moguman, ‘Tuang, bukataipa in ḷoḻingkop sin tuotan nami!’ Táe ki togi baḷoi tatua in motubag kon i monimu nanaa, ‘Diábí kinotaauan-Ku mongo nongkon onda in moiko!’

LUKAS 18:1

Onda intua ki Yesus nongonguman kon tobatú poumpamaan sin potundú kon i monia sinbá mosia in umuran mosambayang bo umuran moropot in gina.

YOHANES 15:16

Deemanbí moiko in nomiḻí kon i-Nakó. Akuoibí in nomiḻí kon i monimu, bo nopotabá kon i monimu mayá sinbá modiamai kon bungai mobayong, bungai mita inta diá moyopú. Dá ogoibí i Amá in onukabí inigum monimu inta pinodoyon kon tangoi-Ku.

YOHANES 15:7

Aka moiko bo umuran motobatú takin-Ku bo totundú-Ku in umuran popotonop mako monimu kon gina, yo poigumdon kon i Amá kon onukabí in koibog monimu; dá onu in pinoigummu tua in ogoi-Neabí.

YOHANES 4:10

Ki Yesus in notubag, “Aka kuma bo kinotaauanmu in totabi i Allah bo kinotaauanmu in ki ine in noigum kon inumon kon inimu, yo nopasti bidon kon iko tontaní in moigumbí kon tubig inumon kon i-Nia tua. Bo ogoian-Neabí iko in tubig kobiagan tatua.”

SURAT I PAULUS KON JAMAAT RUM 2:7

Bo ki Allah in mobogoibí in kobiagan mopia bo mononoi kon i monia inta umuran mogaid kon inta mopia, kon i monia inta motayak kon inta momulia, inta motayak kon kahoromatan bo inta motayak kon inta mononoi.

SURAT I PAULUS KON JAMAAT RUM 3:11

diábí tobatúmai intau inta nomangarti bo diábí doman tobatúmai in intau in nosumba kon i Allah.

IBRANI 11:6

Aka diá in pirisaya, dá diábí in tobatúmai intau motaau moposanang kon gina i Allah. Sin ki ine in mamangoi kon i Allah mustibí mopirisaya kon ki Allah tua in oyúonbí. Bo intau inta totu-totuu motayak kon i-Nia in ogoian-Neabí in onu inta sinayaknea tatua.”

YAKOBUS 5:15

Aka sambayang monia pinoyaput takin noyakin, yo undamanbí i Tuhan in intau inta notakit tatua, bo ampungan-Nea doman in dosa mita inta ain inaidannea.

YOHANES 1 3:22

Bo onu in igumon naton kon i-Nia, tarimaanbí naton, sin kita in umuran dinumudui kon parenta-Nea mita bo nogaid kon onu inta mokosanang kon gina-Nea.