MATIUS 7:28 - Alkitab Singog In Mongondow Masa In Tanaa

²⁸ Bo naonda in ki Yesus nonimpod kon singog-Nea tatua, nongoherang in intau nobarong kon tua in nokodongog kon pototundú-Nea.

MATIUS 7:28 ပူးပေါင်းရင်းမြစ်များ

MAZMUR 45:2

Tosingogon mita mopia noiḷuai nongkon ginaku, posumbaku in dondongku kon i datu. Naonda bo pomomais in pujangga inta motoḻindat, diláku in nosadiadon mopoyaput in pantun.

MATIUS 11:1

Naonda in ki Yesus nopaḷut nopoyaput in koyow tatua kon murí-Nea mita tatua, nobuatdon in Sia nongkon tua bo minayá nobogoi in topotundú poḷat nopotaau in Habar Mopia kon bonu in kotá mita monia.

MATIUS 19:1

Naonda in ki Yesus nopaḷut notundú kon tua komintan, nobuatdon in Sia nongkon Galilea bo minayá in ḻipú in Yudea inta kon ḷoḷanmai Ongkag in Yordan.

MATIUS 22:33

Intau moantó inta nokodongog kon tua in noibog totok kon onu inta sinundú-Nea.

MATIUS 26:1

Naonda in ki Yesus nopaḷut nobogoi in topotundú natua, Sia in noguman kon murí-Nea mita,

MATIUS 7:27

Onda in nonguyan, inuntag in ḷunud bo tompot in baḷoi tatua, dá noumpag bo nogoguyaat totok.”

MATIUS 7:29

Sin Sia in motundú takin kawasa, diá ná mototundú kon agama monia.

MARKUS 1:22

Intau mita inta nokodongog noherang bo moibog kon pototundú-Nea. Sin pototundú-Nea in mokobangkaḷ, deeman ná pototundú in guru mita in agama.

MARKUS 11:18

Singog-Nea tatua dinongog in imang mita itoi bo mototundú mita kon agama in Yahudi. Dá nomangkoidon in mosia motayak kon naonda in poḷoḻimod kon i Yesus. Mosia in moondok kon i-Nia sin bayongan intau mopia in gina mokodongog kon totundú-Nea.

MARKUS 6:2

Kon singgai in Sabat Sia in nomangkoidon nobogoi in topotundú kon bonu in baḷoi pososambayangan. Nobayong intau kon tua. Kon dodai in mosia nokodongog kon totundú-Nea tua, noherang totok in mosia. Mosia in noguman, “Kon onda in kinouḻían intau tanaa kon bayongan tua? Kabijaksanaan naonda in kon i-Nia nion? Naondabí sin motaaubí in Sia mogaid kon inta mokoherang?

LUKAS 19:48

táe diápa kotaauan monia mongo naonda in pogogaid tua, sin bayongan intau umuranbí moibog mokidongog kon i-Nia, bo totok moibog in mosia in mokodongog kon singog-Nea mita.

LUKAS 2:47

Komintan intau inta mokodongog in mongoherang sin totok mopandoi in Sia motubag kon onu in ḻibóon.

LUKAS 4:22

Onu inta poguman-Nea, komintan mokosanang kon gina monia, sahingga kinoibog monia in Sia bo umuran monia indongogan in poguman-Nea. Bayongan in intau kon tua komintan in noḻibo-ḻibóan, “Degá Siabí naa inta ki adí i Yusup?”

LUKAS 4:32

Pototundú-Nea mokosanang totok kon gina monia, sin mokobangkaḷ totok onu in singogon-Nea.

LUKAS 7:1

Nopaḷut mako in ki Yesus nosingog kon tayowon intau moantó tatua, Sia minayá in Kapernaum.

YOHANES 7:15

Itoi mita in Yahudi totok in noherang bo noguman, “Naondabí in kinototaau-Nea kon soaḷ mita tatua, bokaka diábí kon dodai onda in Sia nosikoḷa?”

YOHANES 7:46

Dá moḷoḷukad mita tatua in notubag, “Uḻe, diápa kon dodai onda in intau in mosingog ná pososingog-Nea tatua!”