MATIUS 7:26 - Alkitab Singog In Mongondow Masa In Tanaa

²⁶ Táe pomuḷoi intau inta nokidongog kon singog-Ku tongá doí dinumudui, yo sia tua in notongkai in intau bodok, inta noposindog in baḷoinea kon tudu in bungaion.

MATIUS 7:26 ပူးပေါင်းရင်းမြစ်များ

AYUB 22:16

Mosia in irabut kon dodai in deemanpa wakutunea matoi, bo iniḻig in ḷunud inta namuntag.

AMSAL 14:1

Tonibuḷoi in pinosindog dinoyon kon kobobijaksana in bobay, táe irumbun in kobobodoknea.

YEREMIA 8:9

Intau mita mongopandoi kon yua-yuakmu in pokopooyáanbímai. Mosia in koinggamáan bidon in akaḷ bo moibaaḷ. Mosia in doíbí mokidongog kon tonggina-Ku; tanaa, kobobijak onupa inta oyúonpa kon i monia?

MATIUS 7:24

“Pomuḷoi in intau inta nokidongog kon singog-Ku bo aidannea intua komintan, yo sia tua in ibarat intau inta mopandoi, inta noposindog in baḷoinea kon tudu in batu.

MATIUS 7:25

Naonda in nonguyan, inuntag in ḷunud bo tompot in baḷoi tatua, táe baḷoi tatua diábí nongonumai sin ain pinoposindog kon tudu in batu.

MATIUS 7:27

Onda in nonguyan, inuntag in ḷunud bo tompot in baḷoi tatua, dá noumpag bo nogoguyaat totok.”

LUKAS 6:49

Táe ki ine inta nokodongog kon singog-Ku, tongá doí mogaid kon onu in pinoki aid-Ku, intau tatua in naonda bo intau inta noposindog in baḷoi kon tudu in butá inta diá in pondasinea. Naonda in inuntag in ḷunud, baḷoi tatua baḷú noumpag; bo nogoguyaat totok!”

YAKOBUS 2:20

Mobodok totok in moiko! Degá paraḷupa poontong kon i monimu kon diábí in mangaḻenea aka pirisaya diá poyotakinon in oaid?

SAMUEL 1 2:30

Akuoi, ki Tuhan Allah in Israel, koḻipod ain nodandi, kon motoḷuadímu bo bui inanakanmu in mogundoi kon i-Nakó mobaḻí imang mononoi. Táe tanaa in kinodoí-Kudon intua! Sin ki inta mohoromat kon i-Nakó in horomaton-Kubí táe inta mopoonagmai kon i-Nakó, in pokoonag-Kubí doman.