MATIUS 6:6 - Alkitab Singog In Mongondow Masa In Tanaa

⁶ Táe aka iko bo mosambayang, tuotdon kon gopot, bo kunsíai in ḷoḻingkop bodongka mosambayang kon i Amámu inta kon tampat noibuni. Dá ki Amámu inta nokoontong kon inimu in mobogoibí kon onu inta koibogmu.

MATIUS 6:6 ပူးပေါင်းရင်းမြစ်များ

DATU MITA 2 4:33

Iḻingkopan i Elisa in ḷoḻingkop bodongka nosambayang kon i Tuhan.

MAZMUR 34:15

Poyayúdon in inta moraat, bo aidaidon in inta mopia, ḷongasidon totok in mobiag mododamean.

AMSAL 25:22

Aidmu natua mokopooyámai kon inia bo barakatan i Tuhan in iko.

YESAYA 26:20

Tuotdon kon bonu in baḷoimu, ei bangusaku, bo ḻingkopaidon in ngara. Pogadopdon motoyong modapot in torú i Tuhan mooyongdon.

YESAYA 65:24

Kon tungkuḷ in mosia diápa mopoigum Akuoi in motubag; kon tungkuḷ in mosia diápa mopaḷut mosambayang, Akuoi in notubagdon kon sambayang monia.

MATIUS 14:23

Bo naonda intau mita tatua nobui, ki Yesus notakod kon buḷud bo nosambayang tontaní. Bo naonda in singgai nodoḷomdon dongkadon Sia tontaní in kon tua.

MATIUS 6:18

sinbá diá kotaauan in intau kon iko in koyogot mopuasa, pomayádon mako sinbá tongá ki Amámu inta kon tampat noiadop in mokotaau. Bo Sia inta nokotaau kon inta oaidmu noibuni tatua mobogoi kon onu inta sinayakmu.”

MATIUS 6:4

Ḷongasi bá diá kotaauan in intau ibanea, koḻikudon ki Amámu kon soroga in monotaau. Sin Sia inta nokoontong kon oaidmu natua in mobogoi bui kon inimu.”

YOHANES 1:48

Dá ki Natanael in noḻibó kon i Yesus: “Naonda in kinototaau i Amá kon inakó?” Tubag i Yesus, “Wakutu in diápa inoiní i Pilipus in iko, inontong-Kudon iko kon ḻimonag in pangkoi ara tatua.”

YOHANES 20:17

“Dikapa kadaian in Akuoi,” guman i Yesus kon inia, “sin Akuoi in diápa namonik kon i Amá. Táe bayádon kon i utat-Ku mita, bo potaaudon kon i monia kon tanaa Akuoi in mayá kon i Amá-Ku bo kon i Amá doman monimu, kon i Allah-Ku bo kon i Allah-mu.”

OUMAN IN RASUL MITA 10:30

Dá ki Kornelius in notubag, “Opatdon nosinggai naa, degá orasmaidon nanaa jam intoḷunea moḷoḷabung akuoi in nosambayang kon baḷoiku. Indoianmai yo oyúonbí in ḷoḷaki tobatú in sinimindog kon tayowonkumai. Ḷambungnea in mopouḻi-uḻinag.

OUMAN IN RASUL MITA 10:9

Nopoikoḷomai kon singgai, kon wakutu in bobantungnea mita tatua kon daḷanpa bo motoyongdon moyaput in Yope, degá jammaidon mopuḷú bodoyowá tusinggainea, ki Petrus in noponikdon kon baḷoi sin mosambayang.

OUMAN IN RASUL MITA 9:40

Táe nodaitnea pinoki ḷuaian in mosia kon gopot tatua, bo sia in sinumungkud nosambayang. Nopaḷut mako nosambayang, nobobui in sia kon mayat tatua bo noguman, “Tabita, pobangondon!” Dá ki Dorkas nobukádon kon mata, bo naonda inontongnea in ki Petrus, bango-bangon in sia bo iḻimitú.

SURAT I PAULUS KON JAMAAT RUM 8:5

Intau mita inta nobiag podudui in tabiat intau, umuran morai kon onu inta kinoibog in awak naa. Táe intau mita inta nobiag podudui ibog in Roho i Allah, umuran morai kon onu inta kinoibog in Roho i Allah.

EPESUS 3:14

Manangka intua akuoi in sinumungkud kon tayowon i Amá.