MATIUS 6:5 - Alkitab Singog In Mongondow Masa In Tanaa

⁵ “Bo aka moiko mosambayang, donaai mosambayang ná oaid in intau momunapik. Mosia in simindog bo mosambayang kon baḷoi pososambayangan bo kon poyotangaan in daḷan sinbá ontongon in intau in oaid monia tua. Poguman-Ku kon imonimu, aindon nouḻí monia in onu inta kinoibog monia.

MATIUS 6:5 ပူးပေါင်းရင်းမြစ်များ

MAZMUR 5:2

O Tuhan, indongogaipa kaasí in tosingogonku mita, taridiaipa in amuiku mita.

MAZMUR 55:17

Táe akuoi in nokuani kon i Allah, ki Tuhan in moposaḷamatbí kon inakó.

AMSAL 15:8

Ki Tuhan in motarima kon sambayang in intau mopia, táe doíbí in Sia kon sosumba in intau moraat.

AMSAL 16:5

Bayongan in intau moḷoḷatú kinodoí i Tuhan; Diábí pomayá-Nea mako in mosia kotaḻiban in hukuman.

YESAYA 1:15

Aka moiko motonggó kon ḻimamu sin mosambayang, doíbí in Akuoi moindoimai. Diábí pandungon-Ku mongo kotongonu in moiko mosambayang, doíbí in Akuoi mokidongog, sin ḻimamu tatua in pinoḻimodmu kon nobayong in intau.

YEREMIA 29:12

Dá moiko in mokituḷungbí kon i-Nakó. Moiko in mamangoibí mosambayang kon i-Nakó, bo tubagan-Kubí in sambayangmu.

DANIEL 6:10

Dá ki Datu Darius in notekengdon kon surat parenta tatua.

MATIUS 21:22

Bo onu kabí in poigumon monimu kon bonu in sambayang takin mopirisaya totok, yo moiko in motarimabí kon onu inta inigummu.”

MATIUS 23:13

“Koboditodon in moiko, ei mototundú kon agama Yahudi! Ei moiko intau inta mongomunapik. Sin moiko in moḷamboi kon intau inta mamangoi kon i Allah. Moiko tontaní in doíbí mobaḻí umat i Allah, bo intau ibanea inta moibog in ḷamboianbí monimu. [

MATIUS 23:5

Onu inta inaidan monia in tangábí popoontong kon intau. Mosia in momaké in tali moḷoben inta pakéonmai mosambayang bo inta rumbainea mongoḷanggó mita!

MATIUS 23:6

Mosia in moibog totok ḻimitú kon muna totok aka mayá in rame andeka kon baḷoi pososambayangan.

MATIUS 6:1

“Pokotoropdon, donaai moiko mogaid kon onu inta pinarenta in agamamu kon tayowon intau sinbá koontongan monia. Sin aka natua yo diábí in mangaḻenea, bo ki Amámu inta kon soroga in doíbí in natua.

MATIUS 6:16

“Aka moiko bo mopuasa, yo donaaibí popokantara kon pogotmu ná intau mita inta mongomunapik. Imonia in popokantarabí kon pogot monia, sinbá kotaauan in intau kon mosia in koyogot mopuasa. Poguman-Ku kon inimu, tuadon bungainea kon i monia.

MATIUS 6:2

Sin tuamai, aka iko bo mobogoi in sadaka, donaaibí muna poguma-guman mako naonda bo oaid in intau mongomunapik kon baḷoi mita pososambayangan bo kon lorong mita sinbá dayowon intau in mosia. Poguman-Kudon kon i monimu: Mosia tua in notarimadon kon bungai in oaid monia tua.

MATIUS 9:38

Manangka intua poigumdon kon i togi gobá sinbá potabá-Neadon mangoi in mokokoyut mita kon onu inta paraḷu koyuton tua.”

MARKUS 11:25

Bo aka moiko mosambayang, táe oyúonpa intau diá kinosanang in ginamu, yo ampungaipa muna in intau tatua, sinbá ampungan doman i Amámu inta kon soroga in bayongan dosamu. [

MARKUS 12:38

Sia in noguman kon i monia, “Mokopoingatdon kon mototundú mita kon agama. Mosia moibog-ibog modondaḷoi bo mogi jubah moḷanggó bo moibo-ibog doman horomaton kon pasar.

LUKAS 11:43

Koboditodon in moiko intau mita in Parisi inta moibo-ibog ḻimitú kon muna totok aka kon baḷoi pososambayangan bo inta totok doman moibog horomaton aka kon pasar.

LUKAS 18:1

Onda intua ki Yesus nongonguman kon tobatú poumpamaan sin potundú kon i monia sinbá mosia in umuran mosambayang bo umuran moropot in gina.

LUKAS 18:13

Táe mononagi kon pajak tatua in sinimindog iyumayú bo diá doman kobaḻí in ḷumangag kon ḷangit in nosambayang. Sia in tongá kopia moyapu kon dodobnea bo nosingog nanaa, ‘O Allah, kotabipa in akuoi naa, sin akuoi naa intaubí baradosa!’ ”

LUKAS 20:47

Mosia tua mongongakaḷ kon intau inta dongkadon boba-bobay bo mogagow kon baḷoi monia. Bo oaid monia inta moraat tatua oḻingoian monia in sambayang inta moḷanggó! Hukuman kon i monia tua in nopastibí kon mobogat totok!”

LUKAS 6:24

Táe koboditodon in moiko inta nobiag nooyúon in tanaa mako; sin moiko ain nokorasa kon inta mopia kon dunia naa!

YOHANES 16:24

Umaai in tanaa mako, moiko in diápa kon dodai onda in noigum kon onu bo onu pinongin tangoi-Ku. Poigumdon, dá motarimabí in moiko, sinbá ḷunganga in ginamu motompodon.”

EPESUS 6:18

Aidai intua komintan takin mosambayang mopoigum kon totuḷung i Allah. Posambayangdon pomuḷoi mako podudui ibog in Roho i Allah kon i monimu. Umuran pobasadia in moiko bo dika umundok. Tantú sambayangai in bayongan umat i Allah.

TESALONIKA 1 5:17

bo dika koḻiongan in mosambayang.

YAKOBUS 4:6

Umpaka natua, totabi Allah inta inogoi kon i naton moropo-ropot nongkon ibog in roho naton tatua. Tuamai kon bonu in Buk motusi in pinais doman, “Ḷawangonbí i Allah in intau inta mokaḷakuang, táe Sia in motabibí kon intau inta moompá in dodia.”