MATIUS 6:4 - Alkitab Singog In Mongondow Masa In Tanaa

⁴ Ḷongasi bá diá kotaauan in intau ibanea, koḻikudon ki Amámu kon soroga in monotaau. Sin Sia inta nokoontong kon oaidmu natua in mobogoi bui kon inimu.”

MATIUS 6:4 ပူးပေါင်းရင်းမြစ်များ

MAZMUR 139:12

yo doḷom tatua in diábí mokosindip kon ini-Mu; doḷom tatua in mobayag naonda bo singgai, bo sindip tatua in naonda bo bayag.

MAZMUR 17:3

Aka ujion-Mu in ginaku bo mamangoi monaridi kon inakó kon dodai in doḷom, yo mouḻí-Mubí kon motuḻid in ginaku; onu in siningogku noitombutungbí kon onu in iraiku.

MAZMUR 44:21

Aka kuma bo kami in diádon nosumba kon i Allah, táe nosambayangdon kon i ilah ibanea mako,

AMSAL 25:22

Aidmu natua mokopooyámai kon inia bo barakatan i Tuhan in iko.

YEREMIA 17:10

Akuoi, ki Tuhan monaridi kon gina, bonu in dodob in intau ujion-Ku kon batúan in intau tuḻían-Ku podudui in dodianea, bo aidan-Ku podudui in oaidnea.”

YEREMIA 23:24

Diábí tobatúmai in mokopogadop kon i-Nakó, sin Akuoi in oyúonbí kon bayongan tampat: kon soroga bo kon dunia.

MATIUS 10:42

Bo ki ine in mobogoi in tubig noanai inumon, umpakabí tongá topalo kon intau inta bogá naa, sin sia in dumodudui-Ku, poguman-Ku kon i monimu, popirisayabí kon sia tua in mokouḻíbí kon boḻi in pinogaidannea!”

MATIUS 6:18

sinbá diá kotaauan in intau kon iko in koyogot mopuasa, pomayádon mako sinbá tongá ki Amámu inta kon tampat noiadop in mokotaau. Bo Sia inta nokotaau kon inta oaidmu noibuni tatua mobogoi kon onu inta sinayakmu.”

MATIUS 6:3

Táe, aka iko bo mosadaka, yo tugatdon iko in mokotaau.

MATIUS 6:6

Táe aka iko bo mosambayang, tuotdon kon gopot, bo kunsíai in ḷoḻingkop bodongka mosambayang kon i Amámu inta kon tampat noibuni. Dá ki Amámu inta nokoontong kon inimu in mobogoibí kon onu inta koibogmu.

LUKAS 14:14

Aka natua yo iko in barakatan sin intau mita tatua in diá mokotuḻí kon oaidmu inta mopia. Oaidmu inta mopia tua in ki Allahbí in motuḻí kon wakutu in intau mita mopia tatua biagon bui nongkon kinopatoiannea.”

LUKAS 8:17

Diábí in tobatúmai noibuni in diá popoontong; bo diábí in tobatúmai in binuni in diá kotaauan bo diá popotaa-taau mako.

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.

IBRANI 4:13

Diábí tobatúmai in mahaḷuk in diá ontongon i Allah. Bayongan yagi-yagi komintanbí ontongon-Nea mako motarang kon tayowon-Nea. Bo mustibí tanggung jawab bo naton kon tayowon-Nea.

YUDAS 1:24

Ki Allah, inta mokosanggup moḷukad sinbá moiko diá moḷabú, bo inta mokosanggup modia kon i monimu mayá in tampat pomomarentaannea inta momulia takin gina mosanang bo modarit.

WAHYU 2:23

Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.

SAMUEL 1 2:30

Akuoi, ki Tuhan Allah in Israel, koḻipod ain nodandi, kon motoḷuadímu bo bui inanakanmu in mogundoi kon i-Nakó mobaḻí imang mononoi. Táe tanaa in kinodoí-Kudon intua! Sin ki inta mohoromat kon i-Nakó in horomaton-Kubí táe inta mopoonagmai kon i-Nakó, in pokoonag-Kubí doman.