MATIUS 6:34 - Alkitab Singog In Mongondow Masa In Tanaa

³⁴ Manangka intua, donaaidon mohawatir moiko kon singgai ikoḷom. Sin singgai ikoḷom torupabí doman in roriganea. Roriga singgai naa tugatdon, donaaidon dugangan in roriganea.”

MATIUS 6:34 ပူးပေါင်းရင်းမြစ်များ

OMBAḶ 3:23

umuranbí mobagu pomuḷoi in doḷo-doḷom totuu, ki Tuhan in totokbí in motoḷutui!

MATIUS 6:11

Ogoiaidon kaanon in kami in singgai naa, inta tugat kon inami.

MATIUS 6:25

Manangka intua Akuoi in moguman kon inimu: donaaidon mohawatir kon kobobiagmu, kon onu inta kaanonmu andeka inumonmu, bo onu in pakéonmu. Sin mobiagbí in moponti-ponting nongkon kaanon andeka pakeang?

MATIUS 6:27

Oyúon degá intau kon sigad monimu inta popisí in mohawatir, dá sia in modugang kon umurnea biar tongá topiḻikmai?

LUKAS 10:41

Táe ki Tuhan in noguman, “Marta, Marta! Iko naa in totokbí mohawatir bo mopoyoyiga in awakmu tontaní bo tongá umuran morai kon bayongan rupa-rupa.

LUKAS 11:3

Ogoiaidon in pomuḷoi in singgai in kaanon inta tugat kon inami.

LUKAS 12:11

Aka moiko bo diaan kon baḷoi mita pososambayangan sin sidangon kon tayowon pomarenta andeka kon tayowon in mongongawasa, yo dikabí in moiko mohawatir in momikir kon onu in potubagmu.

LUKAS 12:22

Ki Yesus in noguman doman kon murí-Nea mita, “Tuamai Akuoi in moguman kon i monimu, ‘Dika mohawatir kon soaḷ kobobiagmu, onu in kaanon andeka onu in pakéon monimu.’

YOHANES 14:27

Kobiagan moonow bo motompia taḷaan-Ku kon i monimu. Dodamean-Kubí tontaní in ogoi-Ku kon inimu. Onu in ogoi-Ku tua deemanbí ná inta inogoi in dunia naa kon i monimu. Dika moḻia-ḻiaw in gina bo dika moondok.

YOHANES 16:33

Naa komintan in poguman-Ku sinbá moiko in mokouḻí kon kobiagan motompia bo moonow sin notobatú-Kudon. Kon dunia naa moyoyangpabí in moiko, táe korotonbí in ginamu, sin Akuoi in diábí taḷowon in dunia naa!”

OUMAN IN RASUL MITA 14:22

Kon kotá mita tatua mosia in minayá noginrigon kon gina in intau mita inta mopirisaya kon i Yesus bo nononggina sinbá umuran mopirisaya kon i Yesus. Nanaa in tonggina monia tua, “Munapabí moantó in roriga mouḻí naton, bain tua bo mokorasa kon kopiaan kon Dunia Mobagu i Allah.”

ULANGAN 33:25

Igumon mako kotánea mita in oḻingoian in ḷoḻingkop mita in ngara nongkon bitú bo uatoi sinbá kobiagannea in umuran moaman bo motompia.”

PILIPI 4:6

Donaai moḻia-ḻiaw in ginamu kon bayongan yagi-yagi. Onukabí in aidanmu umuran posambayang bo pogumandon kon i Allah onu in igumonmu. Onu in paraḷumu umurandon potaau kon i Allah bo dika mokoḻiong in mopoyaput in sukur kon i-Nia.

PETRUS 1 5:7

Posarakaidon kon i Allah in bayongan inta mokoḻia-ḻiaw kon ginamu, sin Siabí in umuran moindoi kon inimu.