MATIUS 6:25 - Alkitab Singog In Mongondow Masa In Tanaa

²⁵ Manangka intua Akuoi in moguman kon inimu: donaaidon mohawatir kon kobobiagmu, kon onu inta kaanonmu andeka inumonmu, bo onu in pakéonmu. Sin mobiagbí in moponti-ponting nongkon kaanon andeka pakeang?

MATIUS 6:25 ပူးပေါင်းရင်းမြစ်များ

MAZMUR 55:22

Tosingogonnea mita mopia in kodongogan modondouḷug, táe kon bonu in ginanea oyúon in yaat in gina. Potosingognea in moḷukó, táe monurak naonda bo tosilad inta moḷanit.

YEREMIA 45:5

Nongonu sin iko in moibogbí popoḷontúon? Dika natua, Barukh! Bayongan in intau in hukumon-Kubí in bodito, táe iko, iko in mosaḷamatbí. Kon ondaka in bayáanmu, iko in umuranbí mobiag. Akuoi, ki Tuhan ain nosingog.”

MATIUS 10:19

Táe aka moiko diaan sin adilon, yo donaaidon mohawatir bo momikir kon onu in singogon monimu kon tayowon monia. Sin komintan tua, in ogoi bidon kon i monimu aka wakutuneadon.

MATIUS 13:22

Bibit inta noḷabú kon yua-yuak in díat, tua in mangaḻenea, intau inta nokodongog kon Pirman tatua tongá mohawatir kon kapunyaan kon dunia naa bo moibog mobiag mooyúon. Ibog monia kon in dunia tua in monisí kon Pirman tatua, dá diá momungai.

MATIUS 6:31

Tuamai moiko in donaaidon mohawatir bo poḷat mosingog nanaa, ‘Onu in kaanon nami’ andeka ‘onu in inumon nami’ andeka ‘onu in pakéon nami’?

MATIUS 6:34

Manangka intua, donaaidon mohawatir moiko kon singgai ikoḷom. Sin singgai ikoḷom torupabí doman in roriganea. Roriga singgai naa tugatdon, donaaidon dugangan in roriganea.”

MARKUS 13:11

Bo aka domokon bo diaan in moiko kon pongadilan, yo dikabí mohawatir kon soaḷ onu in musti singogon monimu. Aka wakutudon monimu mosingog, yo singogdon onu in poporoho kon i monimu kon wakutu intua. Sin deemanbí moiko in mosingog, táe Rohobí i Allah.

MARKUS 4:19

táe mohawatir kon soaḷ kobobiag monia bo moibog mooyúon totok. Ibog monia kon bayongan yagi-yagi in tumuot doman kon gina monia. Tuamai in habar nongkon i Allah inta kon bonu in gina monia sisionnea sahingga diá momungai.

LUKAS 12:11

Aka moiko bo diaan kon baḷoi mita pososambayangan sin sidangon kon tayowon pomarenta andeka kon tayowon in mongongawasa, yo dikabí in moiko mohawatir in momikir kon onu in potubagmu.

LUKAS 8:14

Bibit inta noḷabú kon yua-yuak in díat, tua in ibarat intau inta ain nokidongog kon Pirman, tongá gina monia umuran sinisí in kapunyaan inta inanggap monia mokosanang kon kobiagan monia kon dunia naa, sahingga diá notuoi in bungainea.

SURAT I PAULUS KON JAMAAT RUM 8:32

Ki Adí-Nea tontaní in diá bidon irekeng-Neamai, táe pinosarakan-Neadon sin kopontingan naton komintan; yo diábí kumaan kon akaḷ aka kita diá ogoian in bayongan yagi-yagi?

KORINTUS 1 7:32

Ibogonku moiko komintan moiyayúdon kon bayongan roriga. Tuamai, intau inta diá kobuḷoi in musti mokopotantú kon raiannea bo mogaid kon onu inta kinoibog i Tuhan, bo moposanang in ginanea.

PILIPI 4:6

Donaai moḻia-ḻiaw in ginamu kon bayongan yagi-yagi. Onukabí in aidanmu umuran posambayang bo pogumandon kon i Allah onu in igumonmu. Onu in paraḷumu umurandon potaau kon i Allah bo dika mokoḻiong in mopoyaput in sukur kon i-Nia.

TIMOTIUS 2 2:4

Tobatú prajurit inta koyogot in moparang diá bidon morai kon kopontingannea tontaní, sin moibog in sia moposanang in gina i tuangnea.

PETRUS 1 5:7

Posarakaidon kon i Allah in bayongan inta mokoḻia-ḻiaw kon ginamu, sin Siabí in umuran moindoi kon inimu.