MATIUS 6:2 - Alkitab Singog In Mongondow Masa In Tanaa

² Sin tuamai, aka iko bo mobogoi in sadaka, donaaibí muna poguma-guman mako naonda bo oaid in intau mongomunapik kon baḷoi mita pososambayangan bo kon lorong mita sinbá dayowon intau in mosia. Poguman-Kudon kon i monimu: Mosia tua in notarimadon kon bungai in oaid monia tua.

MATIUS 6:2 ပူးပေါင်းရင်းမြစ်များ

MAZMUR 112:9

Sia in mosila-silaibí mako kon kapunyaannea, bo mobogoi in oogoi kon intau nobogá; sia in umuranbí mogaid kon inta mopia, tuamai in sia nongawasa bo ihoromat.

MAZMUR 37:21

Intau moraat in moḷuan bo diá mopobui kon onu inta iḷuanannea, táe intau mopia in mobogoibí takin pia in gina.

AMSAL 19:17

Motuḷung kon intau bogá notongkaibí in nopoḷuan kon i Tuhan; bain ki Tuhan doman in motuḻí kon tua.

AMSAL 20:6

Mobarong in intau mongaku kon yobayat, táe inta totu-totuu mosatia, in mororigabí in mouḻí.

MOHOHUTUBA 11:2

Paké in doitmu kon bayongan in totayak; kobayongbí in totayak. Sin intau in mustibí kiḷuka-ḷukadmai, kon dodai in bodito diápa moiantug.

YESAYA 10:6

Akuoi in nopotabá mangoi kon Asyur sin monubu kon bangusa-Ku inta nonaḷámai kon i-Nakó bo nopomuká kon torú-Ku. Akuoi in nopotabá in Asyur sin mogagow bo monakow bo moritak kon bangusa-Ku naonda bo ḷobud kon daḷan.”

YESAYA 58:7

Silaidon in kaanonmu takin intau inta gogoyon, tarimadon kon baḷoimu in intau mita inta diá kobaḷoi. Ogoiaidon in ḷambung in intau mita inta diá nogiḷambung, bo dika monoḻikud kon i utatmu inta paraḷu tuḷungan.

YESAYA 9:17

Kororaat in bangusa tatua in nonurub naonda bo tuḷú inta noḷeḷep kon dogami. Dokotnea in naonda bo kayuon noturub inta nopodamonik in poyok mobarong.

HOSEA 8:1

Ki Tuhan in noguman, “Posingogdon in tomponuot in anib! Musung in nonubu kon butá-Ku naonda bo boniá nonampí kon kaanonnea! Umat-Ku in iḻimimpat kon dodandian-Ku takin i monia, bo noḷawang kon totundú-Ku mita.

MATIUS 15:7

Ei intau inta mongomunapik! Totuudon onu inta pinoguman muna i Nabi Yesaya soaḷ moiko,

MATIUS 16:3

Bo aka doḷo-doḷom bo ontongon in ḷangit nopuya táe noungkoḷom moiko in moguman, ‘Monguyan in singgai naa.’ Kaadaan in ḷangit motaau monimu poyoposion táe tanda mita in zaman diá kotaauan monimu!”

MATIUS 22:18

Ki Yesus nonotaau kon raian monia inta diá mopia tatua, dá Sia in noḻibó, “Nongonu sin moiko in monungkuḷbí kon i-Nakó? Ei moiko intau mita inta diá motuḻid in gina?

MATIUS 23:5

Onu inta inaidan monia in tangábí popoontong kon intau. Mosia in momaké in tali moḷoben inta pakéonmai mosambayang bo inta rumbainea mongoḷanggó mita!

MATIUS 23:6

Mosia in moibog totok ḻimitú kon muna totok aka mayá in rame andeka kon baḷoi pososambayangan.

MATIUS 24:51

Dá bobantung tatua in totok binout i tuangnea, bo ḷumbúonnea kon tampat in intau mita inta mongomunapik. Mosia in mongombaḷ bo mororiga kon tua.”

MATIUS 5:18

Poguman-Ku kon i monimu: Kon dodai in ḷangit bo butá naa diápa moingamá yo tobatúmai in hurup andeka titik kon hukum i Musa diábí in inggamáan, kon wakutu in bayongan tua diápa mobaḻí komintan!

MATIUS 6:16

“Aka moiko bo mopuasa, yo donaaibí popokantara kon pogotmu ná intau mita inta mongomunapik. Imonia in popokantarabí kon pogot monia, sinbá kotaauan in intau kon mosia in koyogot mopuasa. Poguman-Ku kon inimu, tuadon bungainea kon i monia.

MATIUS 6:3

Táe, aka iko bo mosadaka, yo tugatdon iko in mokotaau.

MATIUS 6:5

“Bo aka moiko mosambayang, donaai mosambayang ná oaid in intau momunapik. Mosia in simindog bo mosambayang kon baḷoi pososambayangan bo kon poyotangaan in daḷan sinbá ontongon in intau in oaid monia tua. Poguman-Ku kon imonimu, aindon nouḻí monia in onu inta kinoibog monia.

MATIUS 7:5

Ei intau momunapik! Poḷuaipa muna in kayu kon bonu in matamu, sinbá motarang in matamu, bo motaaudon mopoḷuai in puḻing kon mata i utatmu.

MARKUS 12:39

Mosia in moibo-ibog doman ḻimitú kon tampat inta mopia aka kon bonu in baḷoi pososambayangan bo kon poramean mita.

MARKUS 7:6

Ki Yesus in notubag, “Ei moiko intau mita mongomunapik! Noitutui totok in onu inta ain pinotaau muna i Nabi Yesaya soaḷ moiko, inta pinais nanaa, ‘Nanaa in singog i Allah, Intau mita tatua mosumba kon i-Nakó, tongábí kon singog, táe gina monia in noyayúbí kon i-Nakó.

LUKAS 11:41

Nanaa! Onu inta kon bonu in pindan bo palomu tua, tuata inta musti ogoi monimu kon intau mita nobogá. Aka tua in aidanmu, yo modarit komintan onu inta nokotor kon inimu.

LUKAS 11:43

Koboditodon in moiko intau mita in Parisi inta moibo-ibog ḻimitú kon muna totok aka kon baḷoi pososambayangan bo inta totok doman moibog horomaton aka kon pasar.

LUKAS 12:33

Potaḷuidon in bayongan kapunyaanmu bo ogoi kon intau mita bogá. Bo pogaid kon pototaguan kon kapunyaanmu inta diá mogogu-goguyaat, tuata in tobatú kapunyaan inta mononoi, diá koyaputan in mononakow bo inta diá kopoguyaatan in sisik.

LUKAS 12:56

Uḻe, moiko intau inta mongomunapik! Kaadaan in butá bo ḷangit motaau monimu takuseron táe nongonu sin tanda mita in zaman masa in tanaa in diábí motaau monimu takuseron?”

LUKAS 13:15

Táe ki Tuhan in noguman kon inia, “Ei intau mongomunapik, degá diábí kinotaauan monimu kon moikopa momuḻi doman kon sapi andeka keledai monimu nongkon ḷantungnea aka kon singgai in Sabat sin bayáan poinumon.

LUKAS 20:46

“Mokopoingat in moiko kon mototundú mita kon agama. Mosia tua in moibo-ibog mogiḷambung moonag aka maya-mayá mako, bo moibog doman totok horomaton kon pasar mita. Mosia tua in moibo-ibog doman ḻimitú kon muna totok aka kon baḷoi pososambayangan bo kon bobutungan mita.

LUKAS 6:24

Táe koboditodon in moiko inta nobiag nooyúon in tanaa mako; sin moiko ain nokorasa kon inta mopia kon dunia naa!

LUKAS 6:42

Ná ondabí in moiko motaau moguman kon i utatmu, ‘Uḻe, onda bá inggamáanku in puḻing kon matamu nion’, sedang balak kon matamu in diábí indoianmu muna? Ei intau mongomunapik! Poḷuaipa muna in balak kon bonu in matamu. Bá matamu in motarangdon totok bain tua bo iko in motaau mopoḷuai in puḻing kon mata i utatmu.”

YOHANES 13:29

Oyúon in nosangka kon ki Yesus nopotabá kon i Yudas minayá notaḷui kon tobatú kaparaḷuan pakéon kon pesta, andeka mobogoi in doit topiḻik kon intau bogá, sin ki Yudas tua mokokadai kon doit in kas monia.

YOHANES 5:41

Akuoi in doíbí mokidayow kon intau.

YOHANES 5:44

Naondabí in kopopirisaya monimu aka moiko tongábí motayak kompé dayowon in intau ibanea, diábí moramuji sinbá dayowon i Allah inta totobatú tua?

YOHANES 7:18

Intau inta motundú kon onu in kinoibognea tontaní, sia tua i motayakbí kon bá horomaton. Táe intau inta moramuji sinbá horomaton in ki Inta nopotabá kon inia yo mojujur in sia tua, bo diábí in uboḷ kon inia.

OUMAN IN RASUL MITA 10:2

Intau inta totok in mopia. Sia bo tombunu in baḷoinea komintan motoguondok kon i Allah. Moibog motuḷung kon intau mita in Yahudi inta nongobogá, bo morajing mosambayang.

OUMAN IN RASUL MITA 10:31

Sia in noguman nanaa, ‘Kornelius! Sambayangmu in sinarimadon i Allah bo kinotaauan-Nea domandon in kopopia in ginamu.

OUMAN IN RASUL MITA 10:4

Dá takin ondok, nobobui in sia kon malaekat tatua bo noḻibó, “Nongonu Tuang?” Dá malaekat tatua in noguman, “Bayongan inta pinoigummu kon sambayang bo oaidmu inta mopia kon intau mita bogá, aindon noiyaput kon i Allah bo iko in umuran kon bonu in gina-Nea.

OUMAN IN RASUL MITA 11:29

Dá dumodudui mita in notobatú kon gina bo nosipun kon totuḷung podudui in komampuan tobatú bo tobatú. Totuḷung tatua in inogoi monia kon utat mita inta kon Yudea.

OUMAN IN RASUL MITA 24:17

Bo naonda in tongonumaidon notaong in nonaḷámai kon Yerusalem, akuoi in nobui mangoi kon tua sin modia kon doit inta pinotuḷung kon bangusaku bo mayá doman mobogoi in sosumba kon i Allah.

OUMAN IN RASUL MITA 9:36

Kon ḻipú tatua oyúon doman in bobay, tangoinea in ki Tabita. Sia in tobatú intau inta mopirisaya kon i Yesus. (Aka kon Yunani, ki Dorkas in tangoinea.) Sia in umuran mogaid kon inta mopia bo umuran moibog motuḷung kon intau mita inta nobiag nobogá.

SURAT I PAULUS KON JAMAAT RUM 12:8

Intau inta nokouḻí kon totabi mononggina kon intau ibanea, yo musti in sia totu-totuu mononggina kon intau ibanea. Ki ine in mosila-silai mako kon yagi-yagi, yo musti totu-totuu aidannea intua. Intau inta nokouḻí kon totabi mobaḻí itoi, yo musti in sia mobaḻí itoi totu-totuu. Intau inta nokouḻí kon totabi moponiata in tabi kon tumpaḷa intau, yo mustibí aidannea intua takin sanang in gina.

KORINTUS 1 13:3

Bo umpaka daitonku ogoi kon intau nobogá in kapunyaanku, modapot posarakanku doman in awakku sin tubáan, táe aka diá in tabiku kon tumpaḷa intau, yo tua komintan beresibí diá in baragunanea.

GALATIA 2:10

Tongá topasaḷ in pinoigum monia kon i nami, musti tarukiraan in intau mita bogá. Bo memang tuabí doman inta kinoibo-ibogku aidan.

EPESUS 4:28

Intau inta biasa monakow, musti mogogaidon in monakow, bo mustidon mogaid bá mokouḻí kon onu in pakéonnea bo motaau doman motuḷung kon intau ibanea inta paraḷu tuḷungan.

TESALONIKA 1 2:6

Bo diábí doman dodai onda in kami moramuji sinbá duíon monimu ande duíon in intau ibanea. Umpaka sabanarnea motaaubí aidan nami intua, sin kami in rasul i Kristus, bo motaaubí doman tuntuton nami kon i monimu.

TIMOTIUS 1 6:18

Ponorop domandon kon i monia sinbá mosia in mopoontong in aid inta mopia. Kobayongdon in mogaid kon inta mopia, mokopopia kon gina bo moibog mobogoi.

PILEMON 1:7

Uḻe Pilemon utatku, tabimu kon bayongan in umat i Allah, nokosanangdon totok kon ginaku bo nokodugang domandon kon ropot in pirisayaku! Bayongan in gina in umat i Allah in pinosanangmudon.

IBRANI 13:16

Donaai koḻiongan monimu in mogaid kon inta mopia bo mosituḷungan, sin naabí in kuruban mita inta mokosanang totok kon gina i Allah.

PETRUS 1 4:11

Intau inta mopoyaput in habar, sia mustibí mopoyaput in habar nongkon i Allah, intau inta mobantung kon intau ibanea, mustibí pakéonnea in ropot inta nongkon i Allah, sinbá kon bayongan in yagi-yagi ki Allah in dayowon pongin i Yesus Kristus. Sia tua in kitogi kamuliaan bo kawasa inta mononoi. Amin.

SAMUEL 1 15:30

Ki Saul notubag, “Akuoi ain binaradosa. Tongá tuḷungaipa Amá, pobuidon mangoi moyotakinku sinbá akuoi in motaau moibada kon i Tuhan Allah i Amá. Aka natua dá ki Amá in mohoromat kon inakó kon tayowon in itoi in bangusaku bo kon tayowon in bayongan umat in Israel.”