MATIUS 6:19 - Alkitab Singog In Mongondow Masa In Tanaa

¹⁹ “Donaaidon moiko mosipun kon kapunyaan kon dunia, sin poguyaaton in sisik bo kaḻiotá, ná doman tua, mononakow mamangoi momulingkar bo monakow.

MATIUS 6:19 ပူးပေါင်းရင်းမြစ်များ

AYUB 24:16

Mononakow in noḻisik kon baḷoi kon dodai in doḷom, kon dodai in singgai sia mogadop kon bayag.

AYUB 31:24

Diábí kon dodai in onda akuoi in nopongata in kapunyaanku,

MAZMUR 39:6

Totuu mopoḷok in kobiaganku inta sinantú-Mu! Aka kon ini-Mu wakutu kinobiaganku diábí in mangaḻenea. Totuu, intau naa in tongábí naonda bo poginaan,

MAZMUR 62:10

Intau in tongábí gabut in poginaan, moḷoben mointok tumpaḷa diá koboḻi. Aka simbangon, noniata magí nogaanbí in mosia, mogaa-gaanbí kon tompot poginaan.

IḶUAIAN 22:2

Sia in musti monoḻiu kon bayongan inta ain sinakownea tatua. Aka sia diá koonu bo onu, yo sia tontaní in potaḷui mobaḻí ata sin ponoḻiu kon barang inta ain sinakownea tatua. Aka sinakownea tatua bo sapi, keledai ande domba, bo ain nouḻí kon intau tatua kobia-biagpa, yo mustibí in sia monoḻiu kon batúan bobiagon tatua tobatú toḻiuan in doyowa. Aka kon wakutu in doḷom bo mononakow tobatú kinodomokan kon tobatú baḷoi, bo sia in kinoḻimodan, yo intau inta noḻimod kon inia tua in diábí kotaḷá. Táe aka tua bo nobaḻí singgai, yo intau inta noḻimod tua iniapbí kotaḷá.

AMSAL 11:4

Aka tumayowdon kon popatoi, yo kapunyaan in diá bidon in mangaḻenea; mosaḷamatbí in iko aka motuḻid in ginamu.

AMSAL 16:16

Mokouḻíbí kon hikmat in mopia-pia kon mokouḻí kon buḷawan; mokouḻí kon sinotaau in mobara-baraguna in mokouḻí kon saḷaka.

MOHOHUTUBA 2:26

Ki Allah nobogoi in hikmat, pongotahuan bo kasanangan kon intau inta mokosanang kon gina-Nea. Táe intau baradosa in pinotabá-Nea mogaid motayak kon pakéon bo mosipun kon onu inta nouḻí sin ogoi kon intau inta mokosanang kon gina i Allah. Dá, tua komintan diá in mangaḻenea naonda bo modomok kon tompot.

ZEPANYA 1:18

Kon singgai inta motoyang tatua ki Tuhan in mopoontongbí in torú-Nea, dá bayongan in buḷawan bo saḷaka monia in diábí mokoposaḷamat kon i monia. Sinangkub in dunia in morimumudbí moḷoḷayat tubáan in tuḷú in torú-Nea. Bo daḻi-daḻíbí rabuton-Nea in bayongan nyawa kon butá tanaa.

MATIUS 19:21

Tubag i Yesus kon inia, “Aka iko bo moibog motompod totok, yo bayádon potaḷui komintan onu inta kon inimu bo silaidon tua komintan kon intau mita inta bogá dá iko in mokouḻídon kon kapunyaan kon soroga, onda intua angoidon kon naa bo dudui kon i-Nakó!”

MATIUS 6:20

Manangka, intua posipundon maní kon kapunyaan kon soroga, sin kon soroga diábí in sisik bo kaḻiotá inta momoguyaat, ná doman tua, kon tua diábí in mononakow inta mamangoi momulingkar poḷat monakow.

LUKAS 12:21

Natua in mobaḻí kon intau inta moibog mooyúon bo rinut. Mosia in diábí moramuji bá mooyúon kon tayowon i Allah.”

LUKAS 12:33

Potaḷuidon in bayongan kapunyaanmu bo ogoi kon intau mita bogá. Bo pogaid kon pototaguan kon kapunyaanmu inta diá mogogu-goguyaat, tuata in tobatú kapunyaan inta mononoi, diá koyaputan in mononakow bo inta diá kopoguyaatan in sisik.

LUKAS 12:39

Torop in singog-Ku tanaa! Aka kuma bo kotaauandon muna i togi baḷoi in jam koangoian in mononakow, yo diábí pomayá mako i togi baḷoi in mononakow tatua tumuot kon baḷoinea.

LUKAS 18:22

Nokodongogmai kon tua in ki Yesus, noguman in Sia nanaa, “Tobatúpa in musti aidanmu: Potaḷuidon in bayongan kapunyaanmu bodongka sila-silaidon mako in doit tatua kon intau mita bogá, dá mokouḻíbí in iko kon kapunyaan kon soroga. Mopaḷut mako kon tua angoi bo duduidon kon i-Nakó.”

LUKAS 18:24

Dá ki Yesus in nobobui kon i monia komintan inta kon tua bo nosingog, “Mororiga totok intau inta kodoit mobaḻí umat i Allah!

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.

IBRANI 13:5

Aka mobiag yo dikabí kawasaan in ibog kon doit, táe kosanangbí in momaké kon onu inta nouḻímu sin ki Allah nogumandon nanaa, “Akuoi in diábí mopomayá mako andeka monaḷámai kon inimu.”