MATIUS 6:14 - Alkitab Singog In Mongondow Masa In Tanaa

¹⁴ Aka moiko bo moibog mongampung kon taḷá in intau, yo ki Amá monimu inta kon soroga in mongampungbí doman kon taḷámu.

MATIUS 6:14 ပူးပေါင်းရင်းမြစ်များ

AMSAL 21:13

Ki ine in doí mokidongog kon amui in intau inta kinodaitan diábí doman pandungonmai aka sia in mopoigum in totuḷung.

MATIUS 5:7

Pia in kamang in intau inta mopia in gina; sin mosia i motarima doman kon kopopia i Allah.

MATIUS 6:12

Bo ampungaidon taḷá nami, ná doman kami ain nongampung kon intau inta kotaḷá kon inami.

MATIUS 7:2

Sin naonda in pohohakimmu kon intau ibanea, tua doman in pohakim kon inimu.

MARKUS 11:25

Bo aka moiko mosambayang, táe oyúonpa intau diá kinosanang in ginamu, yo ampungaipa muna in intau tatua, sinbá ampungan doman i Amámu inta kon soroga in bayongan dosamu. [

LUKAS 6:37

“Donaai in moiko mohakim kon intau, sinbá diá doman hakimon i Allah in moiko. Bo donaai doman mohukum kon intau. Sinbá diá doman hukumon i Allah in moiko. Ampungaibí in intau inta kotaḷá kon i monimu, sinbá ampungan doman i Allah in taḷá monimu.

EPESUS 4:32

Táe mokopopia kon gina kon tumpaḷa intau, bo moiko in musti domandon mototabian, bo mosiampungan naonda bo ki Allah inta ain nongampung kon i monimu pinongin i Kristus.

KOLOSE 3:13

Mokoposabar kon tumpaḷa intau, mosiampungan aka oyúon intau in motagú kon yaat in ginanea kon intau ibanea. Nosanangbí in gina i Tuhan nongampung kon i monimu, tuamai in musti doman mosiampungan in moiko.

YAKOBUS 2:13

Sin diábí poontong i Allah in tabi-Nea kon intau inta diá nonotaau in totabian. Táe tabibí in moḷobe-ḷoben nongkon hukuman!

YOSUA 22:15

Dá nodapotdon in mosia kon tampat in suku i Ruben, i Gad bo suku i Manasye kon butá in Gilead.

YOHANES 1 3:10

Naabí in nokoyoposi kon sigad in adí mita i Allah bo adí mita in Ibilis. Ki ine in diá mogaid kon onu inta kinoibog i Allah, andeka diá motabi kon i utatnea, sia tua in deemanbí ki adí i Allah.