MATIUS 6:13 - Alkitab Singog In Mongondow Masa In Tanaa

¹³ Donaaidon pomayá mako in kami kobuḻian in pirisaya kon dodai in kami koantugan in totungkuḷ, táe pilataidon in kami nongkon kawasa i inta Moraat! [Sin Ikobí in Datu inta mokawasa bo momulia dapot in mononoi. Amin.]’

MATIUS 6:13 ပူးပေါင်းရင်းမြစ်များ

KINOBAḺIAN 22:1

Diá noonggot kon tua, kotoindudui Abraham sinungkuḷan i Allah. Ki Allah in nogoiní, “Abraham!” Bo ki Abraham sinumubag, “Ya Tuhan.”

DATU MITA IMITÁNEA 1:36

“Mopia, Inta Momulia,” tubag i Benaya, “igumon mako ki Tuhan, Allah i tuang datu, moginrigon kon parenta i tuang datu tua.

TAWARIKH 1 16:36

Dayowdon in ki Tuhan Allah Israel, tanaa mako modapot in mononoi! Onda intua bayongan in umat in Israel moguman, “Amin”. bo nodayow in mosia kon i Tuhan.

TAWARIKH 1 29:11

Iko in totuu moḷoben, bo nongawasa. Iko in momulia, ponango-nangoian bo moagung. Bayongan in yagi-yagi kon ḷangit bo kon butá Ikobí in kitogi. Iko in Datu Moḷoben, pongawasa kon bayongan in yagi-yagi.

TAWARIKH 1 4:10

Táe ki Yabes in nosambayang kon i Allah inta sinumba in intau in Israel, kainia, “Oo Allah, barakataidon in akuoi bo pobanatdon in butáku. Oḻiungaidon in akuoi bo poyayúdon in bodito sinbá diá moyoyiga in akuoi.” Bo inindogogan i Allah in igumnea tatua.

MAZMUR 10:16

Ki Tuhan in momarenta modapot in mononoi; bangusa mita inta diá nonotaau kon i-Nia in moinggamábí nongkon butá-Nea.

MAZMUR 106:48

Dayowdon in ki Tuhan, ki Allah in Israel, tanaa mako dapot in mononoi. Biódon mako bayongan in intau moguman, “Amin!” Dayowdon in ki Tuhan!

MAZMUR 22:28

Bayongan in bangusa in mokotoropbí kon i Tuhan bo mobuibí mangoi kon i-Nia, bayongan in suku bangusa in tumonsiupbí mosumba kon i-Nia.

MAZMUR 41:13

Iko in motuḷung kon inakó popisí in ginaku motuḻid, bo binaḻí-Mu in akuoi nobiag moyotakin-Mu modapot in mononoi.

MAZMUR 47:2

Ponggoḷokapdon takin pia in gina, ei bayongan in bangusa! Dayowdon in ki Allah takin yogiow!

MAZMUR 47:7

Podondongdon in dodayow kon i Allah, podondongdon in dodayow kon i Datu naton!

MAZMUR 72:19

Dinayo-dayowdon in tangoi-Nea inta moḷantud dapot in mononoi; igumon mako sinangkub in butá mopuḻing in kamuliaan-Nea! Natuadon in mobaḻí. Amin!

MAZMUR 89:52

Musung-Mu mita in noningkuḻe kon datu inta piniḻí-Mu, o Tuhan, norebeg kon inia kon ondakabí in bayáannea.

IḶUAIAN 15:18

Ikodon ki Tuhan, Datu, inta tantú momarenta.”

AMSAL 30:8

Dika modapot in akuoi mopoyaput in tosingogon mita inta motombogá bo uboḷ, bo dika pomayá mako in akuoi mobaḻí bogá andeka mooyúon. Tongádon ogoiai in akuoi in onu inta pakéonku.

YEREMIA 15:21

Poḷuaton-Ku in iko nongkon kawasa in intau moraat inta moromú. Akuoi, ki Tuhan, ain nosingog.”

YEREMIA 28:6

“Mopia! Igumon mako toḻindapmu tua in moniata, bo ki Tuhan in totu-totuu modiadon bui mangoi nongkon Babel in pakakat mita in Baḷoi Tuhan takin bayongan intau inta ain iḷumbú kon tua.

DANIEL 4:25

Ki Tuangku in poguntunon nongkon yua-yuak in intau bo mobiagdon kon sigad in mahaḷuk mita kon rawang. Pitu notaong in koonggotnea ki Tuangku in mokaan kon bonok naonda bo sapi bo mosiug kon rawang inta diá in oḻi-oḻingoinea, modapot in mobuntad kotugatan in oḷú. Mopaḷut mako kon tua ki Tuangku in mongakudon kon ki Allah Inta Totok in moḷantud in kitogi kawasa kon dodatuan in intau, bo dodatuan tatua in ogoi-Nea kon i inekabí in piḻíon-Nea.

DANIEL 7:18

Táe umat i Allah Inta Totok in moḷantud in motarimabí kon hak momarenta bo pomarentaannea in modapotbí in mononoi.”

PINOGIAPAN 5:22

Tubig inta mokopoangoi kon butung tanaa in tumuot kon sianmu bo mokobunsit kon sian bo mokointok kon paamu.” Bobay tatua musti motubag, “Moibog in akuoi; Igumon mako ki Tuhan momia kon natua.”

MATIUS 26:41

Umuran poḷukad bo posambayang sinbá moiko in diá mokorasa kon sobaan, sin kinotaauan-Ku bidon in moiko, moiko in moibogbí mogaid kon inta kinoibog i Allah, táe moiko in tongábí intau moyangkó.”

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

MATIUS 5:37

Aka totuu, yo poguman kon ‘totuu’, bo aka diá, yo poguman doman ‘diá’ – sin onu in noiḻiu kon tua yo nongkon inta moraatbí.”

MATIUS 6:10

Ikobí in Datu nami. Igumon mako Iko in momarenta kon dunia naa, bo inta koibog-Mu in duduian naonda bo kon soroga.

YOHANES 17:15

Deemanbí Akuoi in mopoigum konbá gamáandon i Amá in mosia nongkon dunia naa, táe poigumon-Ku sinbá ḷukadan i Amá in mosia nongkon kawasa i inta moraat.

KORINTUS 1 10:13

Bayongan in totungkuḷ inta korasaan monimu tua in bagubí totungkuḷ inta biasamai korasaan in intau. Táe ki Allah in tantúbí mosatia kon dandi-Nea. Diábí pomayá-Nea mako in moiko in koantugan totungkuḷ inta moiḻiudon kon komampuan monimu. Kon dodai in koantugan in sobaan in moiko, Sia in umuranbí mobogoi in daḷan kon i monimu, sinbá umuran moropot in moiko bo mokotahang.

KORINTUS 1 14:16

Sin aka tongá rohonea in mosukur kon i Allah, bo oyúon in intau in diá nonotaau in bahasa pinakému tua, yo intau tatua in diábí moguman, “Amin” kon dodai in nokodongog kon sukurmu tatua, sin diá kinotaauannea in siningogmu tatua.

KORINTUS 2 1:20

Sin ki Allah nopototuu in dandi-Nea pinongin i Yesus. Tuabí in nobaḻí dodoyonan sahingga intau moguman “Amin” kon i Allah sin ki Yesus Kristus. Tua in inaidan nami sinbá dayowon in ki Allah.

GALATIA 1:4

Ki Kristus in dinumudui kon koibog i Allah, ki Amá naton, sahingga in Sia noposarakan in awak-Nea tontaní nobaḻí kuruban potobut kon taḷá mita naton, sinbá kita in posaḷamaton nongkon kaadaan masai naa inta diádon mopia naa.

ULANGAN 8:16

Kon padang gurun Sia nobogoi in manna kaanonmu, kokaanon inta diábí kinotaauan in mogoguyangmu. Inaidan i Tuhan intua sin monungkuḷ kon i monimu bo motundú sinbá mokopoompá kon gina, bá kon buitnea Sia mopoaid in mopia kon i monimu.

ULANGAN 8:2

Toropdon! Opat nopuḷú notaong koonggotnea in ki Tuhan Allahmu nodia kon i monimu kon bonu in binayáan moyayú sinumaḻib kon padang gurun. Binayáan tatua imakusud i Tuhan monungkuḷ kon i monimu, sinbá koontongan-Neadon onu in kon bonu in ginamu bo indoian-Nea mongo moiko mokopotoindudui kon parenta-Nea mita.

TESALONIKA 1 1:10

Inouman doman monia in kososatia monimu in mogoḷat mako kon koangoian bui i Adí i Allah inta ki Yesus Kristus nongkon soroga. Sia inta ain biniag bui i Allah nongkon sigad in intau mita minatoi. Sia tuata inta moposaḷamat kon i naton nongkon hukuman i Allah kon singgai moiduduimai.

TESALONIKA 2 3:3

Táe ki Tuhan in umuranbí mosatia. Moginrigon kon gina bo moḷukad kon i monimu nongkon Inta Moraat.

TIMOTIUS 1 1:17

Ki Allahbí tua in Datu inta nongkon pinomangkoianmai modapot in kopaḷutan in dunia naa, inta patus horomaton bo dayowon sin tongábí Sia in Allah inta mononoi, inta diá koontongan bo inta totobatú! Amin.

IBRANI 11:36

Oyúon in irupa-rupamai, sinambok, sinogot in rante bo pinobonu kon ponjara.

PETRUS 1 5:8

Mokopoingatdon bo umuran pobasadia in moiko! Sin Ibilis inta saturumu in maya-mayá mako naonda bo singa inta sindaḷan moganggor motayak kon onu inta motaaunea kaanon.

PETRUS 2 2:9

Dá kotaauanbí i Tuhan in moposaḷamat kon intau mita inta dinumudui kon ibog-Nea aka mosia koantugan in sobaan mita. Bo kotaauanbí doman i Tuhan in motagú kon intau mita inta moraat sin sikisaan kon Singgai Ponantúan,

YOHANES 1 3:8

Táe intau inta umuran mogaid kon dosa, mosia tua in ki adí mita in Ibilis, sin Ibilis tua in nongkon pinomangkoianpabímai umuran nogaid kon dosa. Tuabí in mangaḻe inangoian i Adí Allah, Sia in morimumud kon oaidan mita in Ibilis.

WAHYU 1:18

Akuoi naa in Sia inta nobiag tua! Akuoi ain minatoi, táe indoiaika, Akuoi in nobiagbí bo diá bidon mato-matoi. Popatoi bo dunia in intau minatoi kon bonu bidon in kawasa-Ku.

WAHYU 19:1

Nopaḷut mako kon tua, akuoi in nokodongog kon naonda bo giow in intau mobayong inta nongkon soroga, noguman, “Dayowdon in ki Allah! Ki Allah naton inta mopoposaḷamat; Sia in Allah inta Moḷoben bo Mokawasa!

WAHYU 19:4

Dá doyowa nopuḷú boopat in itoi mita tatua bo mahaḷuk opat inta iḻimibu kon tampat pomomarentaan tatua sinumungkud bo nosumba kon i Allah inta iḻimitú kon tampat pomomarentaan tatua. Mosia in noguman doman, “Amin! Dayowdon in ki Allah!”

WAHYU 2:10

Dikabí moondok kon yoyiga inta diádon moonggot in musti korasaan monimu. Pokotorop, oyúon in tongonumai intau kon sigad monimu in potuoton Ibilis kon bonu in ponjara sin mosoba kon i monimu. Moiko in mokorasa kon yoyiga kon bonu in mopuḷú nosinggai. Táe kotoinduduibí tantú in moiko kon i-Nakó modapot in matoi, dá moiko ogoian-Ku in kobiagan mononoi saḷaku tombuinag sin nountungdon.

WAHYU 21:4

Paḻitandon i Allah in bayongan ḷuá kon mata monia. Diá bidon in popatoi. Diá bidon in mokoajar kon gina. Amui ande ombaḷ onu inta mokonakitpa kon gina in diá bidon. Soaḷ mita inta nokoyongandon ain noinggamá.”

WAHYU 3:10

Lantaran moiko ain dinumudui kon parenta-Ku kon bá umuran mosabar mogoḷat mako kon i-Nakó. Dá umuran-Ku doman ḷukadan mako in moiko nongkon kasusahan inta moiantug kon dunia naa. Soaḷ tatua in mobaḻíbí sin monungkuḷ kon bayongan in intau kon dunia naa.

WAHYU 3:14

“Paisdon kon malaekat in jamaat Laodikia nanaa: Naadon in koyow nongkon i-Nia inta sinumangoi Amin, sakusi inta mosatia bo mobanar, pangkoi in bayongan yagi-yagi inta pinomia i Allah.

WAHYU 5:13

Bo akuoi in nokodongog kon bayongan in mahaḷuk kon ḷangit, kon butá, kon ḻimonag in butá; kon bonu in dagat--singog mopoḷok mako bayongandon mahaḷuk kon dunia naa, nodondong nanaa, “Sia inta iḻimitú kon tampat pomomarentaan tatua bo ki Adí in Domba tatua, mosia tuata inta popoyaputan in bayongan dodayow, horomat, poḷantudon bo mokawasa modapot in mononoi!”