MATIUS 5:8 - Alkitab Singog In Mongondow Masa In Tanaa

⁸ Pia in kamang in intau inta motuḻid in ginanea; sin mosia tua inta mokoontong kon i Allah.

MATIUS 5:8 ပူးပေါင်းရင်းမြစ်များ

KINOBAḺIAN 32:30

Onda intua ki Yakub noguman, “Akuoi ain noyodungkuḷ noyopogotmai i Allah, bo akuoi nobiagpa.” Tuamai tampat tatua sinangoiannea Pniel.

SAMUEL 2 22:27

Bo kon intau inta motusi mokipogontong in Iko inta motusi, táe intau inta moraat in kinodoí-Mu.

MAZMUR 15:2

Intau inta nobiag diá in bogit bo nogaid kon inta mopia, bo takin gina motuḻid moguman kon inta totuu;

MAZMUR 18:26

Tuhan, Iko in mosatia kon intau inta mosatia bo mopia kon intau inta mopia.

MAZMUR 24:4

Intau inta diá in bogit in raian bo oaidnea, inta diá nongibot ubo-uboḷ bo diá nosumba kon berhala.

MAZMUR 51:10

Biódon mako in akuoi mokodongog kon habar mokopia kon gina, sinbá gina inta binutuk-Mu naa in buidon monggiow.

MAZMUR 51:6

Tongábí kon ini-Mu, tongábí kon ini-Mu binaradosa in akuoi, bo pinomiaku in onu inta inanggap-Mu moraat. Dá patusbí hukumon-Mu in akuoi, moadilbí in pononantú-Mu.

MAZMUR 73:1

Mazmur i Asap. Totuubí mopia in ki Allah kon umat-Nea, kon intau inta motuḻid in ginanea.

AMSAL 22:11

Intau inta moibog kon inta motuḻid bo inta mopia in pososingognea, in mobaḻíbí yobayat in datu.

OUMAN IN RASUL MITA 15:9

Ki Allah tua in diábí mopoyo-poyoposi kon intau. Dinaritan-Nea in gina monia sin mopirisaya in mosia.

KORINTUS 1 13:12

Sin onu in inontong naton tanaa, ná bí onda bo oḻinow kon posilag inta diá totok motarang. Táe kon singgai moiduduimai ontongonbí naton motarang. Tanaa akuoi in diápa nonotaau kon rupa-rupa, táe kon singgai moiduduimai kotaauankubí, ná ki Allah nonotaau kon bayongan in yagi-yagi kon inakó.

KORINTUS 2 7:1

Utat mita inta kinotabiku! Dandi mita tatua in pinopomakusudbí kon i naton komintan. Tuamai koḻigai in kita mondaritdon kon oaid mita naton inta mokokotor kon awak naton. Bo koḻigai mobiag motoguondok kon i Allah, sinbá mobiagdon motompia takin-Nea in kita.

TITUS 1:15

Bayongan in yagi-yagi in nodaritbí aka kon intau mita inta nodarit in raian. Táe aka kon i monia inta raian mokotor bo inta diá mopirisaya kon i Tuhan, yo diábí in tobatúmai in modarit, sin raian bo gina monia in komintan domandon mokotor!

IBRANI 10:22

Tuamai, koḻigai dimiugdon in kita kon i Allah takin gina motuḻid bo totu-totuudon mopirisaya sin gina naton in dinaritandon nongkon raian mita inta mongoraat, bo awak naton in dinaritan domandon in tubig inta modarit totok.

IBRANI 12:14

Poramuji umuran mobiag motompia takin bayongan intau. Poramuji doman mobiag mokudus takin i Tuhan. Sin diábí in tobatúmai intau mokoontong kon i Tuhan aka diá mobiag natua.

IBRANI 9:14

Dá aka dugú bo ḷobud mokodarit kon onu inta nokotor kon intau mita tatua, yo bambíkabí dugú i Kristus! Pinongin Roho inta diá mato-matoi, ki Kristus ain noposumba in awak-Nea tontaní kon i Allah saḷaku kuruban inta nosompurna. Tuabí in nondarit kon gina naton nongkon upacara mita inta diá in baragunanea, sinbá kita umuran mosumba kon i Allah inta nobiag.

YAKOBUS 3:17

Táe intau inta nokouḻí kon kabijaksanaan nongkon i Allah, yo sia in muna-munamai totok modarit, onda intua moibog in sia kon dodamean, mobahasa mako, bo motoindudui. Moḷoben in tabinea bo oaidnea mongopia. Diábí in sia momiḻí kon intau bo diábí tongá ki ubo-uboḷmai mopia.

YAKOBUS 4:8

Diugaidon in ki Allah, bo ki Allah in dimiugdon kon i monimu. Daritaidon in ḻimamu, moiko inta binaradosa! Bo insilangaidon in ginamu, moiko inta nonanga in gina!

PETRUS 1 1:22

Popisí in moiko bo umuran dinumudui kon onu inta sinundú i Allah, dá tabidon in nondarit kon i monimu sahingga in totu-totuudon in moiko motabi kon intau mita inta tumpaḷa mopirisaya kon i Kristus. Pogumanku bui, totu-totuudon positabian in moiko kon tobatú bo tobatú takin gina motuḻid.

WAHYU 22:4

Mosia in mokoontong kon pogot-Nea, bo tangoi-Nea in paisondon kon pogot monia.