MATIUS 5:46 - Alkitab Singog In Mongondow Masa In Tanaa

⁴⁶ Táe aka moiko bo tongá motabi kon intau inta motabi doman kon inimu, onubí in mangaḻenea? Diá kinotaauan monimu degá kon mononagi mita doman kon pajak mogaid doman kon natua?

MATIUS 5:46 ပူးပေါင်းရင်းမြစ်များ

MATIUS 11:19

Onda intua Adí Intau namangoi, Sia nongaan bo nonginum kon anggur, táe kai monimu, ‘Indoiaika, Sia in intau! Moturá bo yobayat in moigum kon pajak bo intau inta baradosa.’ Táe kawasa i Allah pinoponiata kon i-Nia.”

MATIUS 18:17

Aka sia bo doípa doman mokidongog kon tonggina monia tatua, yo poyaputdon intua komintan kon jamaat. Bo anggapdon in sia naonda bo intau inta diá nonotaau kon i Allah andeka naonda bo intau inta mononagi kon pajak.”

MATIUS 5:47

Bo aka moiko bo tongá doman mohoromat kon i utat mita, onubí in noiḻiu kon oaid in intau ibanea? Intau doman inta diá monotaau kon i Allah in mogaid doman kon natua!

MATIUS 6:1

“Pokotoropdon, donaai moiko mogaid kon onu inta pinarenta in agamamu kon tayowon intau sinbá koontongan monia. Sin aka natua yo diábí in mangaḻenea, bo ki Amámu inta kon soroga in doíbí in natua.

MARKUS 2:15

Wakutu in ki Yesus koyogot nongaan kon baḷoi i Lewi, nobayong mononagi mita kon pajak bo intau mita inta inanggap diá mopia i intau moantó, nongaan noyotakin i Yesus bo murí-Nea mita. Sin nobayong in kon sigad monia tua in dinumudui kon i Yesus.

MARKUS 2:16

Wakutu intua tongonumai in mototundú kon agama in Yahudi inta nongkon golongan Parisi nokoontong kon i Yesus nongaan noyotakin in mononagi mita kon pajak bo intau mita inta inanggap diá mopia tua. Dá mosia in noḻibó kon murí mita i Yesus, “Nongonu sin gurumu in nongaanbí noyotakin in mononagi mita kon pajak bo intau mita inta diá mopia tua?”

LUKAS 15:1

Kon singgai tobatú, nobayong in mononagi kon pajak bo intau mita baradosa ibanea namangoi kon i Yesus, sin mokidongog kon i-Nia.

LUKAS 18:13

Táe mononagi kon pajak tatua in sinimindog iyumayú bo diá doman kobaḻí in ḷumangag kon ḷangit in nosambayang. Sia in tongá kopia moyapu kon dodobnea bo nosingog nanaa, ‘O Allah, kotabipa in akuoi naa, sin akuoi naa intaubí baradosa!’ ”

LUKAS 19:2

Kon tua oyúon in intau tangoinea in ki Zakheus. Sia naa, itoi in mononagi kon pajak.

LUKAS 19:7

Táe intau mita inta nokoontong kon tua in nomangkoidon mongunsingog kai monia, “Ih! Sia in mongandupbí kon baḷoi in intau inta diá mopia!”

LUKAS 3:12

Wakutu intua oyúon doman in intau mita inta mononagi kon pajak in namangoi nokibaptis kon i Yohanes. Mosia in noḻibó, “Pak guru, onu in musti aidan nami?”

LUKAS 5:29

Naonda intua ki Lewi nomia kon bobutungan kon baḷoinea sin pinotomuannea kon i Yesus. Kon tua noantó doman in mononagi kon pajak bo intau doman baradosa ibanea nongaan noyotakin monia.

LUKAS 5:30

Tongonumai degá intau in Parisi bo mototundú mita kon agama noyaat in gina in nokoontongmai kon natua, dá mosia in noḻibó kon murí-Nea mita, “Nongonu in moiko sin nongaanbí noyotakin in mononagi kon pajak bo intau mita inta diá mopia?”

LUKAS 7:29

Komintan intau inta kon tua nokodongog kon onu inta siningog i Yesus tatua, intau doman inta mononagi kon pajak; mosia tua inta ain dinumudui kon onu in pinarenta i Allah bo inta ain binaptis i Yohanes.

LUKAS 7:34

Noiduduimai kon tua, Adí Intau namangoi – Sia tua nongaan bo nonginum – táe siningog monimu: ‘Indoiaika, intau tatua! Totok in turá bo moḷoḷangu, bo yobayat in mononagi kon pajak bo in intau mita baradosa.’