MATIUS 5:43 - Alkitab Singog In Mongondow Masa In Tanaa

⁴³ “Aindon dinongog monimu in Pirman nanaa: kotabibí in yobayatmu bo kodoídon in saturumu.

MATIUS 5:43 ပူးပေါင်းရင်းမြစ်များ

MAZMUR 41:10

Nodapot in yobayat inta totok in pinirisayaku, intau inta nongaan noyotakinku, ain noningkuḻe kon inakó.

IMAMAT 19:18

Dika mopotuḻí in yaat in ginamu bo dika moyaat in gina kon intau ibanea, táe kotabibí in tumpaḷa intau ná kototabimu kon awakmu tontaní. Akuoi in ki Tuhan.

MATIUS 19:19

horomatbí in ki iná bo ki amámu; bo kotabibí in tumpaḷa intau naonda bo kotabimu kon awakmu tontaní.”

MATIUS 5:21

“Moiko ain nokodongog kon onu inta ain pinoguman kon mogoguyang naton, nanaa: Donaai moḻimod; ki ine in moḻimod, yo hukumon.

MATIUS 5:27

“Moiko ain nokodongog kon Pirman inta noguman nanaa: Donaai monuaḻing.

ULANGAN 23:3

Intau in Amon bo Moab takin bui mita monia modapot in buí noginpuḷú diábí motaau in poyoiapon umat i Tuhan,

ULANGAN 23:6

Kon bonu in kobiagan monimu bo modapot in toonuka, dikabí motuḷung kon bangusa mita tatua ande baḻíon monimu mobiag motompia in mosia.

ULANGAN 25:17

“Toropdon naonda in pinogogaid in intau Amalek kon i monimu kon dodai in moiko kon binayáan iḻumuai nongkon Mesir.

YAKOBUS 2:8

Moiko in mogaid kon inta moitutui, aka aidan monimu in hukum inta totok in moponting inta pinais kon bonu in tontagá in Buk Motusi nanaa: “Kotabibí in tumpaḷa intau ná kotabimu kon awakmu tontaní.”

YOHANES 1 4:21

Tuamai, naa in parenta inta inogoi i Kristus kon i naton: Ki ine in motabi kon i Allah yo musti motabi kon i utatnea doman.