MATIUS 5:41 - Alkitab Singog In Mongondow Masa In Tanaa

⁴¹ Bo ki inekabí in momakisa kon inimu mayá toribu nometer, yo dugangaidon mako mayá takinnea doyowa noribu nometer in koyayúnea.

MATIUS 5:41 ပူးပေါင်းရင်းမြစ်များ

MATIUS 27:32

Naonda in mosia kon ḷuai in kotá, mosia noyodungkuḷ in tobatú intau inta nongkon Kirene ki Simon in tangoinea. Pinakisa monia in intau tatua pinoki potaanan in kayu pinoyotaḻempang inta popopakúan kon i Yesus.

MATIUS 5:40

Bo kon intau inta moibog mopongadu kon inimu kon hakim, sin sia moibog in ḷambungmu, yo ogoidon doman in jubahmu.

MATIUS 5:42

Ogoiai monag in intau inta moigum bo donaaidon mogindoí kon intau inta mamangoi moḷuan kon inimu.”

MARKUS 15:21

Kon daḷan mosia noyodungkuḷ in intau. (Ki Simon in tangoinea, – nongkon Kirene – ki amá i Aleksander bo i Rupus.) Noitongkanábí in sia nongkon ḻipú bo mopobayá in kotá. Intau tatua pinakisa monia pinoki potaanan in kayu pinoyotaḻempang inta popopakúan kon i Yesus.

LUKAS 23:26

Dá ki Yesus in diniadon monia. Kon daḷan mosia noyodungkuḷ in tobatú intau, tangoinea in ki Simon. Sia in nongkon ḻipú in Kirene bo mopobayá in kotá tatua. Dinomok monia in sia bo pinakisa pinoki potaanan in kayu pinoyotaḻempang bo dumuduianmai kon tumi i Yesus.

KORINTUS 2 5:14

Tabibí i Kristus in nongawasa kon i nami, bo kinomangaḻean bidon nami kon aka tobatú intau inta ain minatoi sin motobut kon taḷá in bayongan intau, yo tua in mangaḻenea komintan intau ain bidon minatoi.