MATIUS 5:33 - Alkitab Singog In Mongondow Masa In Tanaa

³³ “Moiko ain nokodongog doman kon onu inta ain pinoguman i Tuhan kon mogoguyang naton: donaai moḷagui kon dandi, Onu inta ain pinodandimu takin ibot kon tayowon i Allah, musti aidaimu intua.

MATIUS 5:33 ပူးပေါင်းရင်းမြစ်များ

MAZMUR 50:14

Posumbadon in kuruban sukur kon i Allah, intompodaidon in dandimu kon i Inta Totok in moḷantud.

MAZMUR 76:11

Umpaka intau mita inta totok in moḻingá modayow kon ini-Mu, bo inta sinumorúpa in momaké in kaeng karong tomponuot nonogumatoi.

IḶUAIAN 20:7

Dika morotag kon tangoi-Ku, sin Akuoi, ki Tuhan Allahmu, in mohukumbí kon i ineka inta mopomia ibo-ibog kon tangoi-Ku.

IMAMAT 19:12

Dika modandi podoyon kon tangoi-Ku aka moiko komakusud kon diá mogintompod kon dandi monimu tatua, sin oaid monimu tatua mopoompábímai kon tangoi-Ku. Akuoi in ki Tuhan Allahmu.

NAHUM 1:15

Indoiaika, in totabá tobatú mamangoi mongin buḷud mita, modia kon habar mopia, habar kountungan. Ei bangusa in Yohuda, ramedon in singgai moḷobenmu bo uboḻiaidon in dandimu kon i Allah. Butámu in diá bidon tonggataan in intau moraat. Mosia in irimumudon komintan.

MATIUS 5:21

“Moiko ain nokodongog kon onu inta ain pinoguman kon mogoguyang naton, nanaa: Donaai moḻimod; ki ine in moḻimod, yo hukumon.

MATIUS 5:27

“Moiko ain nokodongog kon Pirman inta noguman nanaa: Donaai monuaḻing.

ULANGAN 23:21

Aka moiko nopodandi in onuka kon i Tuhan Allahmu, dikabí in umuran momaḷu-maḷui kon wakutu in mogintompod kon dandi tatua, sin umuranbí tuntuton i Tuhan Allahmu intua, bo baradosaanbí in moiko aka diá intompodan monimu intua.

ULANGAN 23:23

Táe aka ibogmubí tontaní in modandi kon i Tuhan Allahmu, yo mustibí intompodan monimu intua.

ULANGAN 5:11

Dika pomuḷoi mako in kinotango-tangoinea kon tangoi-Ku, sin Akuoi, ki Tuhan Allahmu, mohukum kon i ineka inta mopomia ibo-ibog kon tangoi-Ku.

ULANGAN 6:13

Horomat in ki Tuhan, Allahmu bo kosundudon kon i-Nia tontaní, bo aka moiko mongibot, yo aidai intua tongá podoyon kon tangoi-Nea.

TIMOTIUS 1 1:10

pinopomakusud doman kon i monia inta mokotor in oaid, kon i monia inta mongibog kon tumpaḷa ḷoḷaki, kon i monia inta banselang, kon i monia inta mongouboḷ bo kon i monia inta umuran mongonguman kon diá totuu, bo oaid mita inta diá kinoibog in totundú inta mobanar.