MATIUS 5:31 - Alkitab Singog In Mongondow Masa In Tanaa

³¹ “Ki Musa ain nomais nanaa: ki ine in mogaat kon i buḷoinea bobay musti mobogoi in surat talak kon i buḷoinea tua.

MATIUS 5:31 ပူးပေါင်းရင်းမြစ်များ

YEREMIA 3:1

Ki Tuhan in noguman, “Aka buḷoi bobay gaaton i buḷoinea ḷoḷaki, bo bobay tatua in mobaḻídon ki buḷoi in intau ibanea, dá ki buḷoinea dungkuḷ in diá bidon motaau mogamá bui kon inia mobaḻí buḷoi, sin aid natua in mokogoguyaatbí kon butá tanaa. Iko Israel, in nobayongdon totok in ki buḷoimu, umpaka yo tanaa iko in moibog bui mamangoi kon i-Nakó!

MALEAKHI 2:16

“Kodoí-Kubí in gogaatan,” guman i Tuhan Allah in Israel. “Kodoí-Kubí aka tobatú kon sigad monimu in mogaid kon ná tatua in koḻingánea kon i buḷoinea bobay. Dá ḷukadaidon in awakmu bo dika mokoimontanmai in momaḻidawan kon i buḷoimu.”

MATIUS 19:3

Bo namangoidon intau mita in Parisi kon i-Nia sin monungkuḷ. Mosia in noḻibó nanaa, “Aka podudui in hukum agama, motaau degá in doyowa motonibuḷoi mogogaatan aka oyúon in binaḻí dodoyonan in soaḷ tatua?”

MATIUS 19:7

Dá mosia in noḻibó bui kon i-Nia, “Aka natua, yo nongonu sin ki Musa in nomarentabí kon mobogoi in surat talak aka intau mogaat kon i buḷoinea?”