MATIUS 5:30 - Alkitab Singog In Mongondow Masa In Tanaa

³⁰ Ná tua doman aka ḻimamu koḷanan mokobaradosa kon inimu, yo pongkó mako bo ḷumbúdon intua! Sin maníka bo diá koḻima tosimpaḷ dika in awakmu komintan moibonu kon naraka.”

MATIUS 5:30 ပူးပေါင်းရင်းမြစ်များ

MATIUS 11:6

Pia in kamang in intau inta totu-totuu mopirisaya kon i-Nakó.”

MATIUS 13:21

Táe Pirman tatua in diá nonguakat kon bonu in ginanea, sahingga in diá nonahang. Aka koantugan in yoyiga andeka pomogutúan popisí in Pirman tatua, yo intau tatua in baḷú mobaḷui in pirisaya monia kon i Yesus.

MATIUS 16:23

Ki Yesus nobobui bo nosingog kon inia, “Bayádon iko, Ibilis! Sin iko in umuran moḷamboi kon i-Nakó, iko in deemanbí momikir kon onu inta pinikir i Allah, táe tongábí momikir kon inta popikiron in intau!”

MATIUS 17:27

Táe bá kita in diá mobaḻí ḷonggai kon i monia, dá bayádon bo pongail kon danow. Onda in toyá inta moaḷapmu muna, domokdon bo buká in bibignea dá mouḻímu in doit opat nodirham kon bonunea. Gamá in doit tatua bo uboḻiaidon in pajak natonda kon Baḷoi Tuhan.”

MATIUS 18:8

Aka ḻimamu andeka sioḷmu bo mokobaradosa kon inimu, yo pongkó bo ḷumbúdon intua. Sin maníka bo iko in mobiag takin i Allah takin diádon ḻima ande sioḷ tosimpaḷ, dika in oyúonpa in ḻima bo sioḷ doyowa táe pogonag kon bonu in tuḷu in naraka.

MATIUS 22:13

Dá datu tatua in noguman kon bobantungnea mita, ‘Tokig in sioḷ bo ḻimanea bo pogarab in intau tanion kon tampat inta nosindip totok, kon tua kodongogan in amui bo rokokot in ingipon.’ ”

MATIUS 25:20

Simpaḷ inta notarima kon ḻima noribu, namangoi bo nodia kon kauntungan ḻima noribu doman, bo sia in noguman, ‘Tuang doit ḻima noribu inta pinoki kadai i tuang kon i nakó, indoiaika, aindon pinopobaragunaku dá nokouḻí kon kauntungan ḻima noribu doman.’

MATIUS 26:31

Kon tua ki Yesus in noguman kon i monia, “Doḷom naa moḻiai in pirisaya monimu komintan kon i-Nakó; sin aindon pinais: Ki Allah noguman, ‘Akuoi in moḻimod kon gombala, bo domba mita tatua in moḷagui posibayá.’

MATIUS 5:22

Táe Akuoi in moguman kon i monimu, pomuḷoi intau inta tumorú kon i utatnea, yo musti hukumon; bo ki ine in moguman kon i utatnea kaper yo musti popotayow kon Itoi in Agama. Bo ki ine in moguman, ‘Pompuḷong,’ yo musti (pogonag) kon naraka inta kodoko-dokot.

MATIUS 5:29

Manangka intua aka matamu koḷanan bo mokobaradosa kon inimu, yo maníka kuil bo ḷumbúdon intua, sin maníka bo koinggamáan in mata tosimpaḷ dika in awakmu komintan in pogonag kon bonu in naraka.

MARKUS 9:43

Aka ḻimamu mokopopisí kon inimu mogaid kon mokobaradosa, yo pongkó in ḻimamu tatua! Sin mopira-pirabí kon diá koḻima tosimpaḷ iko bo mobiag takin i Allah, dika in oyúonpa in ḻima doyowa nosimpaḷ táe tumuot iko kon naraka, tuata in tuḷu inta diá mopio-piong. [

LUKAS 12:5

Naa in poguman-Kudon kon i monimu mongo ki ine in musti koondok monimu. Kotoguondokbí kon i Allah! Sin aka Sia yo mopaḷut mako moḻimod, yo oyúon doman in kawasa-Nea mopogarab kon bonu in naraka! Popirisayadon, Siabí tua in musti koondok monimu.

LUKAS 17:2

Intau natua in maníka bo popotogotan in gantung kon sigogownea, bo ḷadungon kon dagat dika in mobiag in sia bo tongá mokopopisí kon intau mita mointok tanaa mogaid kon dosa.

SURAT I PAULUS KON JAMAAT RUM 9:33

Kon Buk Motusi ain pinais nanaa soaḷ batu tatua, “Tarukiradon in naa: Ain inukatan-Ku in Sion tobatú batu inta mokopopisí kon intau moipintud; tobatú batu moḷoben inta mokopopisí kon intau moidompaḷak. Táe intau inta mopirisaya kon i-Nia in diábí pokopooyáan-Neamai.”

KORINTUS 1 8:13

Tuamai aka mokobaradosabí kon i utatku mita in kaanon tatua, dá doí bidon in akuoi mokaan kon ponoyá tatua. Sin dikabo baradosaan in ki utatku tua popisí akuoi.

GALATIA 5:11

Bo aka soaḷ akuoi utat mita, nongonubí sin umuranbí saturuon monimu in akuoi aka moguman kon atorang in sunat tua in diábí moponting? Aka akuoi mopotaau in natua, dá onu inta pinotaauku soaḷ kayu pinoyotaḻempang i Kristus, diá bidon mokopomuká kon bobayowan.

PETRUS 1 2:8

bo “Tuata in batu inta nobaḻí kopopintudan in intau, batu inta mokopopisí kon i monia moḷabú.” Mosia in moipintud sin mosia diá mopirisaya kon singog i Allah. Natuabí in sinantú i Allah kon i monia.