MATIUS 5:26 - Alkitab Singog In Mongondow Masa In Tanaa

²⁶ Akuoi in moguman kon inimu: Iko in diápabí poḷuaion monia kon ponjara aka diápa kouboḻianmu in boḻimu kon inia.”

MATIUS 5:26 ပူးပေါင်းရင်းမြစ်များ

MATIUS 10:29

Ḷagapan dui-duit doyowa boḻinea moyakag totok. Táe umpaka natua yo diábí tobatúmai in ḷagapan mita tatua in moḷabú kon butá aka deeman ibog i Amámu kon soroga.

MATIUS 18:34

Bo sinumorú totok in ki tuangnea tatua sahingga in pinobonunea kon ponjara in sia nodapot in nodaitnea inuboḻian in bayongan boḻinea.”

MATIUS 25:41

Bo Sia in noguman doman kon i monia inta kon dotá in koḷoigi-Nea, ‘Bayádon in moiko nongkon tayowonku, sin moiko in intau mita inta binaḷa! Bayádon bo tuotdon kon bonu in tuḷu inta diá mopio-piong sin tua in sinadia in Ibilis bo malaekatnea kon i monimu!

MATIUS 25:46

Bo mosia naa in bonuon kon tampat pohohukuman mononoi, táe intau inta mopia in mokouḻí kon kobiagan inta mononoi.”

MARKUS 12:42

Kon tua namangoi domandon in tobatú intau inta dongkadon boba-bobay inta nobiag nobogá. Sia nopobonu doman in doitnea tambaga doyowa, doit logam inta paling mointok in nilainea.

LUKAS 12:58

Aka iko bo bayáan pongaduon in intau kon pongadilan, yo ramujibí sinbá pelekara tatua in baḷú mopaḷut kon wakutu in diápa mayá in pongadilan. Sinbá diá potayownea kon hakim in iko bo posarakan kon puḻisi sin ponjaraan.

LUKAS 12:59

Pirisayabí! Iko in diábí moiḷuai kon ponjara tatua aka inta sinuntutnea tua bo diápa kouboḻianmu.”

LUKAS 16:26

Apapa doman kon sigad nami bo inimu oyúondon irang inta diá motaau bayáan. Tua in mangaḻenea sinbá intau inta nongkon naa diá motaau mayá in nion bo intau inta nongkon nion diá motaau mamangoi in naa!’

TESALONIKA 2 1:9

Mosia naa inta motarima kon hukuman mokoyoyang modapot in kopaḷutannea bo ḷumbúon koyayúon nongkon tayowon i Tuhan bo nongkon kawasa-Nea inta moḷoben;

YAKOBUS 2:13

Sin diábí poontong i Allah in tabi-Nea kon intau inta diá nonotaau in totabian. Táe tabibí in moḷobe-ḷoben nongkon hukuman!