MATIUS 5:15 - Alkitab Singog In Mongondow Masa In Tanaa

¹⁵ Apa doman diábí intau inta mopoyongkit mako in togá bo tungkubannea in belek, yo tantú tuduonneabí kon tampat pototuduan kon togá dá mokosimbayag kon bayongan intau inta kon bonu in baḷoi tatua.

MATIUS 5:15 ပူးပေါင်းရင်းမြစ်များ

IḶUAIAN 25:37

Pomiaai kon togá pitu in kon batúan in sioḷ in totuduan kon togá tatua bo aidai ukuron kon bayongan sindarnea moisindar ná muna.

ZAKHARIA 4:2

“Onu in inontongmu?” iḻibónea. “Totuduan in togá tobatú nongkon buḷawan,” tubagku. “Kon popodnea monik oyúon in pobobonuan kon ḷananea, bo kon ḻibuneamai pitu in togá, inta kon batúannea tumopopitu in sumbu.

PINOGIAPAN 8:2

“Potaaudon kon i Harun kon dodai in sia mopotudu in togá pitu kon totuduan in togá tatua, musti ukatonnea kopiraan sinbá monimbayag kon dotá in muna in sioḷ in totuduan togá tatua.”

MARKUS 4:21

Noidudui kon tua noguman bui in ki Yesus nanaa, “Nokoimontandon degá intau in mopoyongkit mako in togá bo tungkubannea in tampayang ande bayáannea ukaton kon ḻimonag in pososiugan? Umpaka yo diá bayáannea ukaton kon tampat pogogukatan kon togá tatua?

LUKAS 11:33

“Diábí in tobatúmai intau mopoyongkit mako in togá bodongka tungkubannea in tampayang, tantú tuduonneabí kon tampatnea. Sinbá komintan intau inta tumuot in mokoontong kon bayagnea.

LUKAS 11:36

Aka awakmu bo mobayag komintan, diábí tobatúmai in mosindip, bo mobayagbí doman komintan in awakmu, naonda bo sindar in togá nonimbayag kon inimu.”

LUKAS 8:16

“Diábí intau in mopoyongkit mako in togá bo tungkubannea in tampayang andeka tagúonnea kon siup in ḷantaan. Tantú togá tatua in tuduonneabí kon tampatnea, sinbá komintan intau inta tumuot kon baḷoi tatua mokoontong kon bayagnea.

PILIPI 2:15

Sin aid natua in mopoontongbí kon moiko in ki adí mita i Allah inta diá kotaḷá, inta nobiag kon yua-yuak in intau mita masa naa inta gina diá mongotuḻid bo nobiag diá mongotoḷutui. Sahingga in moiko umuran monimbayag kon yua-yuak monia tua, naonda bo tundi mita kon ḷangit, táe dika taḷaan in pirman i Allah inta nobaḻí dodoyonan in kobiagan, sinbá oyúon in mokosanang kon ginaku aka moiangoidon singgai i Kristus, sin moniatadon kon onu inta iramujiku tua in komintanbí nobaraguna bo oyúon in mangaḻe irorigaankumai tua.

IBRANI 9:2

Kon ḷoḷaigan tatua in inaidan domandon in tobatú yuang inta sinangoian “Yuang Motusi.” Kon tua oyúon in tampat pototuduan kon togá, bo oyúon doman meja bo roti inta pinosumba kon i Allah.

WAHYU 2:5

Tuamai, torop kon totuudon moyayú in kinoḷabúan monimu! Dá pogogaidon in mogaid kon dosa mita bo aidaidon in onu inta inaidan monimu muna. Aka diá, yo angoion-Kudon rabuton sioḷ in togámu tua nongkon tampatnea.