MATIUS 5:14 - Alkitab Singog In Mongondow Masa In Tanaa

¹⁴ Moiko bayag in dunia. Ḻipú inta kon tudu in buḷud diábí moibuni.

MATIUS 5:14 ပူးပေါင်းရင်းမြစ်များ

AMSAL 4:18

Daḷan in intau moraat in mosindip ná kon sindip in doḷom. Mosia in moipintud bo moḷabú diá butungonmai monia. Noyotoḻikud kon tua in daḷan inta bayáan in intau mopia in naonda bo kinobukaan in mata in singgai; koonggot-koonggot kobayag-kobayag, modapot in imbuitnea mobayagdon totok.

YEHEZKIEL 5:5

Ki Tuhan Inta Totok in moḷantud in noguman, “Indoiai, naa in Yerusalem. Kotá tanaa in inukat-Ku kon putod in dunia, bo iḻibu in negara mita ibanea.

YOHANES 5:35

Ki Yohanes tua in naonda bo togá noyongkit inta moponindar in bayag. Bo kon tanaa mako mosanangpabí in gina monimu in motarima kon sindar tatua.

YOHANES 8:12

Ki Yesus in buipa doman noguman kon i monia, “Akuoi naa in bayag in dunia. Intau inta dumudui kon i-Nakó in diá bidon sia mayá kon bonu in sindip, táe oyúondon in bayag kon kobiagannea.”

YOHANES 9:5

Kon dodai in Akuoi kon duniapa naa, Akuoibí naa in bayag in dunia.”

KORINTUS 2 6:14

Donaai moibog mobaḻí yobayat topogaidan in intau mita inta diá mopirisaya kon i Yesus; sin diábí moyokaan in natua. Sin diábí kumaan kon akaḷ aka inta mopia poyokaanon in inta moraat! Diábí doman inta bayag motobatú in sindip.

PILIPI 2:15

Sin aid natua in mopoontongbí kon moiko in ki adí mita i Allah inta diá kotaḷá, inta nobiag kon yua-yuak in intau mita masa naa inta gina diá mongotuḻid bo nobiag diá mongotoḷutui. Sahingga in moiko umuran monimbayag kon yua-yuak monia tua, naonda bo tundi mita kon ḷangit, táe dika taḷaan in pirman i Allah inta nobaḻí dodoyonan in kobiagan, sinbá oyúon in mokosanang kon ginaku aka moiangoidon singgai i Kristus, sin moniatadon kon onu inta iramujiku tua in komintanbí nobaraguna bo oyúon in mangaḻe irorigaankumai tua.

TESALONIKA 1 5:5

Utatku mita moiko nion in komintanbí intau inta nobiag kon nobayag, moiko in noibonu kon bayag inta motarang. Kita in deemanbí intau inta nobiag kon sindip, ande intau inta noituot kon doḷom inta mosindip.

WAHYU 1:20

Naabí in rahasia in tundi pitu inta inontongmu kon ḻima-Ku koḷanan, bo pitu in sioḷ pototuduan kon togá inta pinomia nongkon buḷawan tua: Tundi pitu tatua in malaekat mita in jamaat pitu doman tatua, bo pitu in sioḷ pototuduan kon togá tua in jamaat pitu tatua doman.”

WAHYU 2:5

Tuamai, torop kon totuudon moyayú in kinoḷabúan monimu! Dá pogogaidon in mogaid kon dosa mita bo aidaidon in onu inta inaidan monimu muna. Aka diá, yo angoion-Kudon rabuton sioḷ in togámu tua nongkon tampatnea.