MATIUS 5:11 - Alkitab Singog In Mongondow Masa In Tanaa

¹¹ Pia in kamang i moiko, inta popisí in Akuoi, moiko siningkuḻe bo pinogutú takin pinoponapudan inta moraat.

MATIUS 5:11 ပူးပေါင်းရင်းမြစ်များ

MAZMUR 35:11

Sakusi mita inta moraat in sinimindog noḷawang kon inakó, bo noponapud kon akuoi in nogaid kon inta diá kinotaauanku.

MAZMUR 44:22

yo notantúbí kon kinotaauanbí i Allah, sin kodoḷopan-Neabí in onu inta noibuni kon gina nami.

YESAYA 25:8

Ki Tuhan Inta Totok in mokawasa in monginggamábí kon popatoi modapot in mononoi! Sia in momopatbí kon ḷuá nongkon bayongan in pogot, bo mopoyayú in kohohina inta binaba in umat-Nea kon sinangkub in butá. Ki Tuhan ain nosingog, bo tua in notantúbí kon mobaḻí.

YESAYA 51:7

Indongogaidon in Akuoi ei bangusa-Ku, kinotaauanbí monimu onu in totuu; totundú-Ku in noitagú kon bonu in ginamu. Dika moondok aka moiko singkuḻeon in intau, dika moḻia-ḻiaw in gina aka moiko singkuḻeon monia.

YESAYA 66:5

Indongogaidon onu in pinoguman i Tuhan, ei moiko inta moondok bo motoindudui kon i-Nia, “sin moiko in motoindudui kon i-Nakó, oyúon in kon sigad in bangusamu inta morongó kon i monimu, bo doí moyobayat monimu. Mosia in mopoyagi-yagimai kon i monimu pongin moguman, ‘Pomayádon mako in ki Tuhan mopoontong in kamuliaan-Nea, sinbá kami in mokoontong kon ḷunganga in ginamu.’ Táe mosiadon tontaní in bui mooyá.

YEREMIA 37:14

Tubagku, “Diábí totuu! Diábí in makusudku moḷagui mayá kon dotá in musung.” Táe ki Yeria in doíbí mokidongogmai. Dinomoknea in akuoi bo dinia pinotayow kon pojabat mita in pomarenta.

MATIUS 10:18

Moiko in diaan kon tayow in pongawasa mita bo datu mita popisí moiko in dumodudui-Ku. Bo tuata in kasampatanmu mobogoi in kosakusian soaḷ Akuoi kon i monia bo kon intau mita inta diá nonotaau kon i Allah.

MATIUS 10:22

Moiko in saturuon in bayongan intau sin moiko in murí-Ku. Táe ki ine in mokotahang modapot in kopaḷutannea, sia tua in mosaḷamat.

MATIUS 10:25

Mobaḻídon aka tobatú murí motongkai in gurunea, andeka simpaḷ bo motongkai i tuangnea. Aka ki togi baḷoi bo tangoion ki Beelzebul, yo bambíkabí tombonu in baḷoinea tua.”

MATIUS 10:39

Bo ki ine in moramuji mobiag yo sia in matoi, táe ki ine in matoi sin dinumudui kon i-Nakó, yo sia in mosaḷamat.”

MATIUS 19:29

Bo pomuḷoi intau inta nonaḷámai kon baḷoinea, kon i utatnea ḷoḷaki bo bobay, kon i amá bo kon i inánea, kon i adínea mita andeka nonaḷámai kon gobánea sin dumudui kon i-Nakó, yo sia tua in motarima bui kon moiḻiu kon tua. Bo sia in mokodungkuḷ domandon kon kobiagan mopia bo mononoi.

MATIUS 24:9

Kon wakutu intua moiko in poposarakan sinbá rorigaan, bo moiko in ḻimodon bo saturuon in bayongan intau sin moiko in dumodudui-Ku.

MATIUS 27:39

Intau mita inta noitaḻib kon tua moningkuḻe, bo momombiḻing kon i Yesus.

MARKUS 13:13

Moiko in kodoí in bayongan intau sin dumodudui-Ku. Táe mosia inta mokotahang dapot in pangabisan in posaḷamatonbí.”

MARKUS 13:9

Musti mokopoingat in moiko sin domokon bo pokisidang kon mahkama agama. Moiko in bongkugon kon baḷoi mita pososambayangan. Diaan in moiko potayow kon mongongawasa mita bo datu popisí in moiko in murí-Ku mita. Bo tuata in kasampatan monimu mongonguman kon i monia soaḷ Akuoi.

MARKUS 4:17

Táe habar tatua diá nonguakat kon bonu in gina monia, sahingga in diá noonggot in pinonahangannea. Naonda i mosia noyogintayow in roriga ande pomogutúan popisí in habar tatua, baḷú in mosia nonaḷámai kon onu inta ain pinirisaya monia.

MARKUS 8:35

Sin intau inta moibog moposaḷamat in kobiagannea, kobuḻianbí in kobiagannea. Táe intau inta moposarakan kobiagannea sin kopontingan-Ku bo kopontingan in Habar Mopia inta nongkon i Allah, yo tuabí in mokosaḷamat kon inia.

LUKAS 21:12

Táe kon wakutu in diápa mobaḻí intua komintan, moiko in domokondon muna monia bo pogutúon. Moiko in diaan monia pobayá in baḷoi pososambayangan bo adilon poḷat potuoton kon ponjara. Diaan potayow kon datu bo pongawasa sin moiko in murí-Ku.

LUKAS 21:17

Moiko saturuon in bayongan intau sin moiko in murí-Ku.

LUKAS 6:22

Pia in kamang in moiko aka moiko sinaturu, diá sinarima, siningkuḻe bo pinoponapudan doman in uboḷ, sin popisí in moiko dumodudui i Adí Intau!

LUKAS 9:24

Sin intau inta tongá umuran moibog mogaid kon oaidannea tontaní, kobuḻian in kobiagannea, táe intau inta moibog moḻiong kon rupa-rupa sin mogaid kon oaidan-Ku, mosaḷamat in sia.

YOHANES 15:21

Bayongan tua in daitonbí monia popoaid kon i monimu, sin moiko in dumodudui-Ku, bo diábí kinotaauan monia in Sia inta nopotabá kon i-Nakó.

YOHANES 9:28

Dá sinibáan monia in sia bo poḷat noguman, “Ikobí in dumodudui-Nea; kami in deemanbí! Kami in dumoduduibí i Musa.

OUMAN IN RASUL MITA 9:16

Bain Akuoi tontaní in mopoontong kon inia kon bayongan roriga inta musti korasaannea popisí in pirisayanea kon i-Nakó.”

SURAT I PAULUS KON JAMAAT RUM 8:36

Kon bonu in Buk Motusi in pinais nanaa, “Tumongo singgai in kami moyogintayow mako in popatoi popisí in Iko. Kami in pinomiadon naonda bo domba inta diaandon sin ratáan.”

KORINTUS 1 4:10

Kami in sinumon bodok lantaran ki Kristus. Táe moiko in nopandoidon lantaran ain nopirisaya kon i Kristus! Kami in diádon mokopongonu, táe moiko in noropotdon! Kami in tantú irebeg in intau, táe moiko in umuran dinuí!

KORINTUS 2 4:11

Kon wakutu in mobiagpa, kami in umuran noyogintayow in popatoi sin nopotaau in habar soaḷ ki Yesus Kristus, sinbá kobobiag i Yesus moniata doman kon awak inta diá mononoi naa.

PILIPI 1:29

Sin moiko inogoian bidon i Allah in totabi inta deemanbí tongá mopirisaya kon i Kristus, táe poḷatbí doman motanggung kon roriga-Nea.

PETRUS 1 2:23

Wakutu in Sia sinibáan, Sia in diábí nonuḻí nonibá. Wakutu in Sia iroriga, diábí in Sia nodandi motuḻí; tua komintan in tongábí pinosarakan-Nea kon i Allah, Hakim inta totok i moadil tua.

PETRUS 1 4:14

Kopiabí in gina monimu aka singkuḻeon sin popisí in mopirisaya kon i Kristus, tua in mangaḻenea Roho momulia inta Roho i Allah in umuranbí kotaki-takin monimu.

WAHYU 2:3

Moiko in nosabar bo moiko in nokorasa kon yoyiga popisí in nopirisaya kon i-Nakó, táe moiko in diábí kinobuḻian in harapan.