MATIUS 4:7 - Alkitab Singog In Mongondow Masa In Tanaa

⁷ Dá ki Yesus in noguman kon inia: “Oyúon doman in pinais kon Buk Motusi: Donaaidon moiko monungkuḷ kon i Tuhan, ki Allahmu!”

MATIUS 4:7 ပူးပေါင်းရင်းမြစ်များ

MAZMUR 106:14

Kon padang gurun mosia inaputan in ibog, bo nosoba kon i Allah.

MAZMUR 78:18

Mosia in sinumontuonbí nonungkuḷ kon i Allah, pinongin monuntut kon kaanon inta kinoibog monia.

MAZMUR 78:41

Mopobui-buimai in mosia monungkuḷ kon i Allah, moposusamai kon i Inta Mokudus, ki Allah in Israel.

MAZMUR 78:56

Táe nomarontak in mosia bo nonungkuḷ kon i Allah Inta Totok in Moḷantud, parenta-Nea mita diá dinuduian monia.

MAZMUR 95:9

Kon tua mosia in nonungkuḷ kon i-Nakó, umpaka ain nokoontong kon onu in inaidan-Ku.

IḶUAIAN 17:2

Bo nongunsingog in mosia kon i Musa takin noguman, “Ogoiaidon kami in tubig inumon.” Ki Musa notubag, “Nongonu sin moiko in mongunsingogbí bo monungkuḷ kon i Tuhan?”

IḶUAIAN 17:7

Tampat tatua sinangoian Masa sin kon tampat tatua intau Israel nonungkuḷ kon i Tuhan kon tungkuḷ in mosia noḻibó, “Degá sinakinan i Tuhan in kita ande diá?” Tampat tatua sinangoian doman Meriba sin kon tampat tatua intau Israel nongunsingog.

YESAYA 8:20

Tubagai nanaa, “Indongogai in totundú in Tuhan! Intau inta diá nosingog podudui in totundú tatua, diábí in kamang.”

MALEAKHI 3:15

Inontong bidon naton tontaní kon intau mita inta moḷoḷatú in moḷungangabí. Intau moraat in deemanbí tongá modugang motomoman, táe mosia in monungkuḷbí doman kon kososabar i Allah pongin aid monia moraat, bo mosia in moisimparutbí doman.’ ”

PINOGIAPAN 14:22

tongá kon sigad in intau mita tanaa diádon tobatúmai in mosia in mobiagpa bo motaau tumuot kon butá inta pinodandi-Ku kon mogoguyang monia. Sin mosia in diá motoindudui kon i-Nakó, bo umuran monungkuḷ kon i-Nakó. Bokaka mosia ain nokoontong kon sindar nongkon i-Nakó, bo inta mokoherang mita inta pinomia-Ku kon Mesir bo kon padang gurun.

MATIUS 21:16

Bo mosia in noguman kon i-Nia, “Degá dinongog-Mu onu in siningog in mongoadí mita tanaa?” Ki Yesus in notubag kon i monia, “Dinongog-Ku intua! Degá diápa kinobacaan monimu inta pinais kon Buk Motusi nanaa: ‘Nongkon bibig in adí mita mointok bo mongoadí mita inta monetépa aindon sinundú-Mu in mosia mopoyaput in dodayow mita’?”

MATIUS 21:42

Ki Yesus in noḻibó kon i monia, “Diápa kon dodai in onda degá in moiko nokobaca kon bonu in Buk Motusi inta pinais nanaa? ‘Batu inta iḷumbú in mogogaid mita kon bangunan ain nobaḻí batu inta baraguna totok. Oaidan mita inta mokoherang kon mata naton tatua; aindon inaidan i Tuhan!’ ”

MATIUS 4:10

Dá ki Yesus in notubag, “Bayádon iko, Ibilis! Sin aindon pinais nanaa: Iko in musti mosumba kon i Tuhan, ki Allahmu, bo tongábí Sia in motaau poibadaanmu!”

MATIUS 4:4

Táe ki Yesus in notubag nanaa, “Oyúon pinais, ‘Intau deemanbí tongá mobiag in roti, táe mobiagbí doman in pirman inta siningog i Allah.’ ”

LUKAS 4:12

Ki Yesus in notubag, “Ain pinais domandon kon Buk Motusi in nanaa, ‘Donaai in iko mosoba kon i Tuhan, ki Allahmu.’ ”

OUMAN IN RASUL MITA 15:10

Yo nongonu sin tanaa mako moiko in moibogbí moḷawang kon i Allah bo mobogoi in atorang inta totok in mororiga aidan in intau mita inta mopirisaya tanion, bokaka mogoguyangpa naton in diábí doman mokoaid kon tua komintan?

OUMAN IN RASUL MITA 5:9

Dá ki Petrus in noḻibó bui nanaa “Nongonu sin kamunda motonibuḷoi in moibogbí monungkuḷ kon Roho i Tuhan? Indoiaika in intau mita inta bagu noiangoi minayá noḷobong kon i buḷoimu, sinimindogdon mako kon tayowon in ḷoḻingkop sin modia domandon kon inimu poḷuai sin bayáan ḷobongon.”

KORINTUS 1 10:9

Kita in diábí motaau in monungkuḷ kon i Tuhan ná inta inaidan in tongonumai intau kon sigad monia tungkuḷ intua, sahingga minatoi sinobak in uḷag inta mobisa in mosia.

ULANGAN 6:16

Dika monungkuḷ kon i Tuhan Allahmu ná inta pinomia monimu kon Masa.

IBRANI 3:9

‘Kon tua, mosia in nonungkuḷ bo noguji kon i-Nakó,’ guman i Allah, ‘bokaka ain inontong monia in bayongan inta pinomia-Ku kon sigad monia opat nopuḷú notaong in koonggotnea.’