MATIUS 4:5 - Alkitab Singog In Mongondow Masa In Tanaa

⁵ Onda intua ki Yesus in dinia Ibilis minayá in Yerusalem inta sinangoi kotá motusi tua bo sinimindog kon binubungan Baḷoi i Tuhan,

MATIUS 4:5 ပူးပေါင်းရင်းမြစ်များ

TAWARIKH 2 3:4

Kobanat in yuang kon dotá in muna notongkai in kooḷad in baḷoi tatua 9 nometer. Koḷantudnea in 54 nometer. Kon dotá in bonu in yuang tatua inaipan in buḷawan taakan.

NEHEMIA 11:1

Itoi mita in nogutun notantú kon Yerusalem bo rayat in nopogonik in undi sin momiḻí kon motoḷuadí nongkon batúan in motoḷuadí mopuḷú inta musti mogutun kon kotá motusi, Yerusalem. Inta diá kinopiḻían in motaaubí mogutun kon kotá mita ibanea.

YESAYA 48:2

Umpaka natua, iko in mongaku doman takin pia in gina kon iko in intau in kotá motusi; bo iko in inumandoḷ kon i Allah in Israel inta sinangoi ki Tuhan inta Totok in mokawasa.

YESAYA 52:1

Pobangondon, ei Yerusalem, pobangondon! Korigon in ginamu! Paké in ḷambung kahoromatanmu! Ei Yerusalem, kotá inta motusi, intau nonajis in diá bidon tumuot mongin bonawangmu.

DANIEL 9:16

Iko in noduḷudon kon inami in dungkuḷmai, tuamai in dikadon bui tumorú kon Yerusalem, kotá-Mu tontaní, tombuḷud-Mu inta motusi. Popisí in dosa nami bo aid moraat in mogoguyang nami, dá bayongan in intau kon diugmai nami in mopoompámai kon Yerusalem bo kon umat-Mu.

DANIEL 9:24

Pitu pokali kon pitu nopuḷú notaong in sempo inta ain sinantú i Allah sin mopoḷuat kon bangusamu bo kotámu inta motusi tatua nongkon dosa bo aid moraat. Bayongan in dosa in ampunganbí bo kooadil inta mononoi in posindogonbí, dá oontongon bo toḻindap tatua in moniatadon, bo Baḷoi Tuhan inta motusi tatua in posumba bui kon i Tuhan.

MATIUS 27:53

Bo naonda in ki Yesus nobiagdon bui, mosia iḷumuai nongkon poḷoḷobongan, bo sinumuot kon kotá in Yerusalem. Bo noantó intau nokoontong kon i monia.

LUKAS 4:9

Dá Ibilis in nodia kon i Yesus minayá in binubungan Baḷoi Tuhan kon Yerusalem bo noguman kon i-Nia, “Aka Iko in ki Adí i Allah? Yo ḷandukka monag nongkon naa.

YOHANES 19:11

Ki Yesus in notubag, “Aka ki Allah diá mobogoi in kawasa tatua kon inimu, yo beresibí diá in kawasamu kon i-Nakó. Tuamai intaubí inta noposarakan kon i-Nakó kon inimu in moḷobe-ḷoben in dosanea nongkon inimu.”

WAHYU 11:2

Táe donaaidon ukuron in palas kon dotá in ḷuai Baḷoi i Allah tatua, sin tua in inogoi bidon kon intau mita inta diá nonotaau kon i Tuhan. Mosia in mamangoi morita-ritak mako kon kotá motusi tatua kon bonu in opat nopuḷú bodoyowá nobuḷan.