MATIUS 4:23 - Alkitab Singog In Mongondow Masa In Tanaa

²³ Ki Yesus minaya-mayá mako in bayongan ḻipú kon Galilea. Sia in sinumuot bo notundú kon bonu in baḷoi pososambayangan poḷat nopotaau in Habar Mopia soaḷ naonda in ki Allah mamangoi momarenta saḷaku Datu. Kon tua Sia nongundam doman kon bayongan panyaki in intau mita inta kon tua.

MATIUS 4:23 ပူးပေါင်းရင်းမြစ်များ

MAZMUR 103:3

Sia inta mongampung kon dosamu, inta nongundam kon bayongan in takitmu,

MAZMUR 74:8

Mosia in moibogbí mopotungkud kon inami komintan, bo moturub komintan kon tampat pooibadaan kon butá tanaa.

MATIUS 11:5

Moiko ain nokoontong: intau bilog mokoindoi, intau ḻempeng mokobayá, intau pinanyaki kuḻit inta mokorongó nopia, intau bongoḷ mokodongog, intau minatoi in nobangon bo Habar Mopia pinoyaput kon intau mita bogá.

MATIUS 12:9

Naonda in minayá nongkon tua, ki Yesus sinumuot kon baḷoi pososambayangan monia.

MATIUS 13:19

Batoḷ inta noḷabú kon daḷan tua mangaḻenea in intau inta nokodongog kon Pirman kon naonda in ki Allah momarenta, táe diá kinomangaḻean monia. Kon tua namangoidon in Ibilis bo nogagow kon inta ain inambor kon bonu in gina monia.

MATIUS 13:54

Noiyaputmai in ḻipú-Nea. Sia minayá notundú kon intau mita kon tua kon bonu in baḷoi pososambayangan monia, intau mita nongoherang in nokoontong kon inta pinomia-Nea. Sahingga mosia in noḻibó nanaa, “Degá nouḻí-Nea kon onda in hikmat ná tatua? Bo nouḻí-Nea kon onda in kawasa inta pinogaid-Nea kon mokoherang mita tatua?

MATIUS 14:14

Naonda in mosia sinumubu ki Yesus nokoontong kon intau nobarong totok, dá noḻiai in gina-Nea popisí in tabi-Nea kon i monia. Bo inundaman-Nea in mosia inta notakit.

MATIUS 24:14

Bo Habar Mopia kon ki Allah in mamangoi momarenta saḷaku Datu in popotaaudon kon bayongan intau kon dunia naa, sinbá bayongan in intau mokodongogdon kon tua. Bain mobaḻí komintan intua bo moiangoidon in kiamat.”

MATIUS 3:2

“Pogogaidon mogaid kon dosamu mita, sin diádon moonggot bo mamangoi in ki Allah momarenta saḷaku Datu!”

MATIUS 9:35

Natuata in inaidan i Yesus kon wakutu in Sia minaya-mayá mako in bayongan kotá bo ḻipu-ḻipúannea. Sia in nobogoi in totundú kon bonu in baḷoi mita pososambayangan bo nopoyaput in Habar Mopia kon naonda in ki Allah momarenta saḷaku Datu. Sia in nongundam doman kon bayongan takit bo yoyiga.

MARKUS 1:14

Naonda in ki Yohanes dinomok pinobonu kon ponjara, ki Yesus minayá in Galilea, bo nopotaau kon tua in Habar Mopia inta nongkon i Allah.

MARKUS 1:21

Ki Yesus bo murí-Nea mita noidapotdon kon kotá in Kapernaum. Kon singgai in Sabat noiduduimai, ki Yesus sinumuot kon baḷoi pososambayangan bo nomangkoidon notundú.

MARKUS 1:39

Dá ki Yesus minaya-mayádon mako kon bayongan in ḻipú kon Galilea bo nopotaau in Habar Mopia kon bonu in baḷoi pososambayangan monia bo noguntun kon dimukud mita moraat.

MARKUS 3:10

Bo nobayong totok in intau inundaman-Nea, dá bayongan in intau notakit komintan moḷongasi dimiug kon i Yesus bo moḻiai kon i-Nia.

MARKUS 6:2

Kon singgai in Sabat Sia in nomangkoidon nobogoi in topotundú kon bonu in baḷoi pososambayangan. Nobayong intau kon tua. Kon dodai in mosia nokodongog kon totundú-Nea tua, noherang totok in mosia. Mosia in noguman, “Kon onda in kinouḻían intau tanaa kon bayongan tua? Kabijaksanaan naonda in kon i-Nia nion? Naondabí sin motaaubí in Sia mogaid kon inta mokoherang?

MARKUS 6:6

Ki Yesus noherang sin mosia in diá mopirisaya. Onda intua ki Yesus nopobayá in ḻipu-ḻipúannea inta nodiug kon tua, bo nobogoi in topotundú.

LUKAS 10:9

Tuḷungai bo undamai in intau mita inta notakit kon kotá tatua bo poguman kon intau mita kon tua, ‘Ki Allah in mamangoidon momarenta saḷaku Datu kon yua-yuak monimu.’

LUKAS 13:10

Kon singgai in Sabat, ki Yesus minayá in baḷoi pososambayangan bo nobogoi in totundú.

LUKAS 16:16

Hukum i Musa bo buk in nabi mita umuranpabí pinaké nodapot kon masa i Yohanes Mobobaptis. Bo pinangkoidon nongkon wakutu intua Habar Mopia kon naonda in ki Allah mamangoi momarenta saḷaku datu tantúdon pinotaau. Bo intau mita umuran moramuji totok sinbá mobaḻí umat i Allah.

LUKAS 20:1

Kon singgai tobatú, ki Yesus yogot in motundú bo mopoyaput in Habar Mopia nongkon i Allah kon intau mita inta kon bonu in Baḷoi Tuhan. Imang mita itoi, mototundú mita kon agama, bo itoi mita intau Yahudi in namangoi,

LUKAS 4:14

Onda intua ki Yesus minayádon bui in Galilea, bo Sia in umuran kon bonu in kawasa in Roho i Allah. Habar soaḷ ki Yesus noisiardon kon bayongan ḻipú tatua.

LUKAS 5:17

Kon singgai tobatú, wakutu in ki Yesus koyogot motundúmai, oyúon in tongonumai in intau in Parisi bo mototundú kon agama iḻimitú kon tua mokidongog kon onu in poguman-Nea. Mosia tua in namangoi nongkon Yerusalem bo nongkon kotá mita kon Galilea bo Yudea. Kawasa i Tuhan umuran kotaki-takin-Nea sahingga in Sia mokopia kon intau mita inta notakit.

LUKAS 6:17

Onda intua ki Yesus nosiḻig nongkon buḷud tatua takin rasul-Nea mita, bodongka sinumogon kon tampat inta notondodai. Kon tua nobarong doman in dumodudui-Nea mita ibanea bo intau mita inta namangoi nongkon ḻipú mita inta kon butá in Yudea, Yerusalem, bo kon kotá mita in Tirus bo Sidon inta kon bingkí in dagat.

LUKAS 6:6

Kon Sabat ibanea, ki Yesus in sinumuot in Baḷoi Pososambayangan bo notundúmai kon i monia kon tua. Kon tua oyúon doman tobatú intau inta ḻimanea tosimpaḷ minatoi.

LUKAS 7:21

Kon wakutu intua ki Yesus nongundam kon noyagi-yagimai in takit bo roriga kon moantó intau bo noguntun doman kon dimukud mita moraat, bo nongundam kon intau mita bilog sahingga in mosia nokoontongdon.

LUKAS 7:22

Dá ki Yesus in noguman kon dumodudui i Yohanes tatua, “Bayádon bui kon i Yohanes bo oumandon onu inta ain inontong bo dinongog monimu: intau bilog mokoontong, intau ḻempeng mokobayá, inta pinanyaki kuḻit mokorongó mopia, intau bongoḷ mokodongog, intau matoi mobiag, intau bogá pinopoyaputan in Habar Mopia.

LUKAS 8:1

Diá noonggot kon tua ki Yesus minaya-mayá mako in kotá-kotáannea bo ḻipu-ḻipúannea, bo mopoyaput in Habar Mopia kon soaḷ naonda in ki Allah mamangoi momarenta saḷaku Datu. Rasul-Nea inta mopuḷú bodoyowá kotaki-takin-Nea doman.

LUKAS 9:11

Táe naonda in kinotaauan in intau mobayong tatua, dinuduian monia in Sia. Dá pinomayá-Neadon mako mosia in dinumudui kon i-Nia. Kon tua ki Yesus nopoyaput in Habar kon naonda in ki Allah momarenta saḷaku Datu bo nongundam doman kon intau mita inta notakit kon tua.

LUKAS 9:60

Táe ki Yesus in noguman kon inia, “Pomayádon mako in intau minatoi moḷobong kon intau minatoi; táe iko in bayádon bo poyaputdon in Habar Mopia kon bayongan intau kon ḻipu-ḻipúannea. Poguman kon ki Allah in mamangoidon momarenta saḷaku Datu.”

YOHANES 18:20

Ki Yesus in notubag, “Akuoi in umuran taran-tarangan kon tayowon intau mobayong. Akuoi umuran doman mobogoi in totundú kon bonu in baḷoi pososambayangan bo kon bonu in Baḷoi Allah inta nobaḻí tampat poyoyosipunan intau in Yahudi. Diábí kon dodai onda Akuoi tongá umuni-uni in mosingog.

YOHANES 6:59

Tua komintan in pinoguman i Yesus dodai in Sia nobogoi in totundú kon baḷoi pososambayangan kon Kapernaum.

YOHANES 7:1

Nopaḷut mako kon tua, ki Yesus minaya-mayá mako in Galilea. Doí in Sia minayá in Yudea, sin itoi mita in Yahudi nonomayádon mako moḻimod kon i-Nia.

OUMAN IN RASUL MITA 10:38

Bo kinotaauanbí domandon monimu kon ki Allah ain nomiḻí kon i Yesus intau in Nazaret tua bo nobogoi kon i-Nia in Roho i Allah bo kawasa. Kinotaauan domandon monimu kon ki Yesus tuata inta minayá in ḻipu-ḻipúannea bo nogaid kon inta mopia poḷat nongundam kon bayongan in intau inta kinawasa in Ibilis, sin ki Allah in umuran kotaki-takin-Nea.

OUMAN IN RASUL MITA 18:4

Táe aka kon singgai in Sabat, yo tantúbí in ki Paulus mayá in baḷoi pososambayangan bo moyoyosingoganmai in bayongan intau Yahudi andeka intau mita in Yunani, sinbá mopirisaya in mosia kon i Yesus.

OUMAN IN RASUL MITA 20:25

Bo tanaa in kinotaauanku bidon kon kita in diá bidon moyodungkuḷ bui. Moiko komintan aindon binayáanku pinopoyaputan in Habar kon naonda in ki Allah momarenta saḷaku Datu.

OUMAN IN RASUL MITA 28:31

Bo taran-tarangan doman in sia in nopotaau in Habar Mopia kon naonda in ki Allah momarenta saḷaku Datu bo moginsilang kon soaḷ ki Tuhan Yesus Kristus. Onu in inaidan i Paulus tatua diá bidon in noḷambo-ḷamboi mako.

SURAT I PAULUS KON JAMAAT RUM 10:15

Bo naondabí intau mayá mopotaau in habar tatua, aka mosia in diá potabá? Ain doman pinais kon Buk Motusi nanaa, “Mopiadon totok in koangoian in intau mita inta nodia kon Habar Mopia nongkon i Allah!”