MATIUS 4:17 - Alkitab Singog In Mongondow Masa In Tanaa

¹⁷ Mulai kon wakutu intua ki Yesus in noguman, “Pogogaidon in mogaid kon dosamu mita, sin ki Allah in mamangoidon momarenta saḷaku Datu!”

MATIUS 4:17 ပူးပေါင်းရင်းမြစ်များ

MATIUS 10:7

Bayádon bo poguman, kon ki Allah in ḷagidon mamangoi momarenta saḷaku Datu.

MATIUS 11:12

Pinangkoipamai ki Yohanes Mobobaptis nopotaau in habarnea noiyaput in tanaa, umat i Allah totok in bayowan in intau mita inta moḷongasi mongawasa kon tua takin aid diá mopia.

MATIUS 13:11

Ki Yesus notubag, “Moiko aindon inogoian in totabi monotaau kon rahasia kon naonda in ki Allah momarenta, táe mosia tua in diábí.

MATIUS 13:24

Ki Yesus in bui nongonguman kon i monia, kon tobatú poumpamaan, kai-Nia, “Aka ki Allah momarenta, yo naonda bo intau inta nogambor kon bibit inta mopia kon gobánea.

MATIUS 13:47

“Natua doman, aka ki Allah momarenta yo naonda bo landará inta binukayad kon danow, bo nokosipun kon norupa-rupamai in toyá.

MATIUS 13:9

“Aka kobongoḷan, yo indongogai!”

MATIUS 25:1

“Kon wakutu in koangoian i Allah saḷaku Datu, in naonda bo poumpamaan tanaa: Mopuḷú in mongodeaga nogamá kon togá, monia bo nonontomu kon nonikaan ḷoḷaki.

MATIUS 3:2

“Pogogaidon mogaid kon dosamu mita, sin diádon moonggot bo mamangoi in ki Allah momarenta saḷaku Datu!”

MATIUS 6:10

Ikobí in Datu nami. Igumon mako Iko in momarenta kon dunia naa, bo inta koibog-Mu in duduian naonda bo kon soroga.

MATIUS 9:13

Manangka intua, bayádon bo balajarpa bui mangaḻe in Pirman tanaa, ‘Koibog-Ku in totabianbí, deemanbí onu inta ogoi monimu’. Sin Akuoi namangoi deemanbí mogoiní kon intau noitutui, táe intaubí baradosa.”

LUKAS 15:10

Natua doman in malaekat mita i Allah, mopia in gina monia aka oyúon tobatú intau inta moraat in mogogaidon in mogaid kon dosa. Tuamai, popirisayabí!”

LUKAS 15:7

Bá poguman-Kudon kon i monimu: natua doman in kon soroga. Moḷoben totok pia in gina sin popisí tobatú intau inta ain nogogai nogaid kon dosa. Pia in gina tatua moiḻiu kon pia in gina kon i monia inta siow nopuḷú bo siow inta ain nopira bo diádon moparaḷu mogogai in mogaid kon dosa.”

LUKAS 24:47

Bo podoyon doman kon tangoi i Datu Mopoposaḷamat tatua mustibí popotaau kon bayongan in bangusa, kon intau in mustibí mogogai in mogaid kon inta diá mopia bo potaau doman kon ki Allah in mongampungbí kon bayongan dosa mita monia. Bo habar tatua in musti popotaau pangkoion kon Yerusalem.

LUKAS 3:23

Ki Yesus in nomangkoidon nogaid kon oaidan-Nea wakutu in Sia umurdon degá toḷu nopuḷú notaong. Kain intau Sia naa in ki adí i Yusup, inta ki adí i Eli,

LUKAS 5:32

Akuoi naa in mamangoi deemanbí mogoiní kon intau inta norai kon mosia intau mobanar, táe mogoiníbí kon intau mita baradosa sinbá mosia in moibog monaḷámai kon oaid monia inta diá mopia.”

LUKAS 9:2

Onda intua nopotabá kon i monia minayá nopotaa-taau mako in Habar Mopia kon naonda in ki Allah mamangoi momarenta saḷaku Datu poḷat mongundam kon intau mita inta notakit.

OUMAN IN RASUL MITA 11:18

Naonda in dinongog monia intua, nopiadon in gina monia komintan poḷat nodayow kon i Allah. Kai monia, “Aka natua, dá intau mita inta deeman Yahudi inogoianbí doman i Allah in kasampatan mogogai in mogaid kon dosa mita bo mokouḻí kon kobiagan mononoi!”

OUMAN IN RASUL MITA 17:30

Oaid mita naton inta diá mopia inta koḻipod ain bidon iḻiong i Allah, asaḷ bo tanaa mako kita bo bayongan intau kon dunia, mogogaidon in mogaid kon dosa mita.

OUMAN IN RASUL MITA 2:38

Ki Petrus in noguman kon i monia nanaa, “Pogogaidon in mogaid kon dosa in moiko bo pokibaptisdon kon bonu in tangoi i Yesus Kristus sinbá modait ampungan in dosa. Bo moiko in motarima kon Roho i Allah.

OUMAN IN RASUL MITA 20:21

Akuoi in umuran doman noponorop kon intau mita in Yahudi bo bangusa ibanea sinbá mosia in mogogaidon in mogaid kon dosa mita monia bo mamangoi kon i Allah poḷat mopirisayadon kon i Yesus Kristus ki Tuhan naton.

OUMAN IN RASUL MITA 26:20

Taran-tarangan in akuoi in mopotaau kon bayongan intau kon musti mogogai in mogaid kon dosa mita in mosia bo moposarakandon in kobiagan monia kon i Allah. Tua komintan in musti poniata kon oaid monia pomuḷoi in singgai. Muna in kon Damsyik in pinopotaauanku kon onu inta nobaḻí tanaa, onda in tua kon Yerusalem bo kon bayongandon in Yudea bo kon sigad doman in intau mita inta deeman Yahudi.

OUMAN IN RASUL MITA 3:19

Tuamai pokoratakdon kon raian bo pogogaidon in mogaid kon dosa mita, sinbá ampungandon in dosamu tatua.

IBRANI 6:1

Tuamai, koḻigai bá mobalajardon in kita kon totundú moiduduimai naa soaḷ naonda in kobobiag saḷaku intau in Keresten inta moguyangdon in pororai. Donaaidon tongá umuran mopobui-buimai kon totundú inta muna. Musti mogogai in mogaid kon inta diá in baragunanea bo musti mopirisaya kon i Allah,