MATIUS 4:13 - Alkitab Singog In Mongondow Masa In Tanaa

¹³ Sia nonaḷámai kon Nazaret bo minayá nogutun kon Kapernaum, kon bingkí in Danow Galilea, kon butá in Zebulon bo Naptali,

MATIUS 4:13 ပူးပေါင်းရင်းမြစ်များ

MATIUS 11:23

Bo iko Kapernaum, degá kainimu kamai iko in diaanbí mamonik in ḷangit? Diápa, sedang bo moiko in pogonagbí kon naraka! Sin aka soaḷ mita inta mokoherang inta ain nobaḻí kon yua-yuak monimu bo nobaḻí kon Sodom, yo kotá tatua in umuranpabí oyúon nodapot in masa in naa.”

MATIUS 17:24

Naonda in ki Yesus bo murí-Nea mita noidapot kon Kapernaum, namangoidon in mononagi kon pajak in Baḷoi Tuhan kon i Petrus bo noguman, “Ki Gurumu noguboḻi degá kon pajak in Baḷoi Tuhan andeka diá?”

MATIUS 4:14

sinbá motompodon Pirman inta pinoyaput i Nabi Yesaya:

MATIUS 4:15

Nanaa: “Butá in Zebulon bo Naptali, daḷan mayá in danow, ḻipú kon ḻimako Ongkag in Yordan, Galilea, tampat in bangusa mita ibanea deeman Yahudi!

MATIUS 9:1

Onda intua ki Yesus sinumakoidon kon uangga bo iḷumeag minayá in ḷoḷan danow. Bo noidapotdon in Sia kon ḻipú-Nea tontaní.

MARKUS 1:21

Ki Yesus bo murí-Nea mita noidapotdon kon kotá in Kapernaum. Kon singgai in Sabat noiduduimai, ki Yesus sinumuot kon baḷoi pososambayangan bo nomangkoidon notundú.

MARKUS 2:1

Tongonumai nosinggai noiduduimai kon tua, ki Yesus in minayádon bui in Kapernaum bo noisiardon in habar kon Sia in oyúon kon baḷoi.

LUKAS 10:15

Bo moiko, Kapernaum! Degá kainimu kamai dá poḷantudonbí in iko dapot in soroga? Bá pogumanku, Diábí! Sedang bo moiko nion in pogonagbí kon naraka!”

LUKAS 4:23

Dá ki Yesus in noguman nanaa, “Tantú nanaabí in singogon monimu kon i-Nakó, ‘Ei mongongundam, undamaidon in awak-Mu tontaní. Bo aidai domandon kon naa, kon ḻipú-Mu tontaní in onu inta ain dinongog nami inaidan-Mu kon Kapernaum!’ ”

YOHANES 2:12

Nopaḷut mako kon tua ki Yesus minayá in Kapernaum noyotakin i iná-Nea, i utat-Nea bo in murí-Nea mita. Mosia in nogutunpa kon tua tongonupamai degá nosinggai.

YOHANES 4:46

Noiduduimai kon tua ki Yesus in buidon minayá in Kana inta kon Galilea, kotá inta pernadon pinomiaan-Nea kon inta mokoherang, “Tubig nobaḻí anggur.” Kon kotá tatua oyúon in tobatú pogawai kon komaḻig, dodai intua ki adínea in notakit kon Kapernaum.

YOHANES 6:17

Bo mosia in sinumakoi kon uangga bo minayá in Kapernaum. Nodoḷomdon, táe ki Yesus in diápa doman namangoi kon i monia.

YOHANES 6:24

Naonda in intau moantó tatua diádon nokoontong kon i Yesus bo murí-Nea mita kon tampat tatua, mosia in sinumakoi kon uangga tatua bo minayá in Kapernaum motayak kon i Yesus.

YOHANES 6:59

Tua komintan in pinoguman i Yesus dodai in Sia nobogoi in totundú kon baḷoi pososambayangan kon Kapernaum.