MATIUS 3:17 - Alkitab Singog In Mongondow Masa In Tanaa

¹⁷ Bo kinodongogandon in singog nongkon soroga noguman: “Naadon ki Adí-Ku inta kinotabi-Ku, Sia naa inta kinoibog-Ku.”

MATIUS 3:17 ပူးပေါင်းရင်းမြစ်များ

MAZMUR 2:7

Guman i datu, “Akuoi in moibog mopotaau in onu inta ain sinantú i Tuhan. Guman-Nea kon inakó, ‘Iko in ki adí-Ku ḷoḷaki, singgai in naa Akuoi in nobaḻí ki Amámu.

YESAYA 42:1

Guman i Tuhan, “Naa in mogogundoi-Ku inta binaba-Ku, intau inta piniḻí-Ku inta mokosanang kon gina-Ku. Akuoi ain nobogoi in kawasa-Ku kon inia, sin modia kon koadilan kon batúan in bangusa.

YESAYA 42:21

Ki Tuhan in moibog moposaḷamat; Ibogon-Nea hukum-Nea in horomaton bo untuon.

IMAMAT 15:15

Ki imang musti moposumba in ḷagapan tobatú mobaḻí kuruban potobut kon dosa, bo inta tobatú in baḻíon kuruban tubáan. Natuata in pogogaid i imang kon upacara pondaritan kon intau tatua kon tayowon i Tuhan.

MATIUS 12:18

“Indoiaika, tua in simpaḷ-Ku inta piniḻí-Ku, Bo inta kinotabi-Ku, inta kinosanang in gina-Ku, Roho-Ku in ogoi-Ku kon i-Nia, bo sia in mopotaau in atorang kon bayongan intau.

MATIUS 17:5

Koyogotpa in ki Petrus nosingog kon tua, daḻi-daḻí noikoḷubung magí kon i monia in goḷom inta mobunod bo kinodongogan nongkon goḷom tatua in singog inta noguman, “Naadon in Adí-Ku inta kinotabi-Ku, Sia tanaa inta kinoibog-Ku, indongogaidon in Sia.”

MARKUS 1:11

Poḷat kinodongogan in singog i Allah noguman, “Ikobí in ki Adí-Ku inta kinotabi-Ku, Ikobí in kinosanang in gina-Ku.”

MARKUS 9:7

Noiduduimai kon tua, mosia in kinokoḷubungandon in goḷom bo kinodongogan in singog nongkon goḷom tatua noguman, “Naabí in ki Adí-Ku inta kinotabi-Ku. Indongogai in Sia!”

LUKAS 3:22

bo Roho i Allah noponag kon i-Nia naonda bo ḷagapan paḷoma. Bo kinodongogandon in singog nongkon ḷangit noguman nanaa, “Iko in ki Adí-Ku inta kinotabi-Ku. Iko in kinoibog-Ku.”

LUKAS 9:35

Bo kinodongogandon in singog nongkon yuak in goḷom tatua in noguman, “Tanaa in ki Adí-Ku inta piniḻí-Ku. Indongogaidon in Sia!”

YOHANES 5:20

Sin motabibí in ki Amá kon Adí bo poontong-Neabí kon i-Nia in bayongan inta inaidan-Nea tontaní. Modapotbí in poontong i Amá kon i-Nia in oaidan mita inta moḷobe-ḷoben nongkon oaidan mita tatua, dá moiko in moherangdon.

YOHANES 5:37

Bo ki Amá inta nopotabá kon i-Nakó in nobogoi doman in kosakusian soaḷ Akuoi. Moiko in diápa kon dodai onda in nokodongog kon singog-Nea andeka nokoontong kon pogot-Nea.

EPESUS 1:6

Dinayo-dayowdon in ki Allah inta mokawasa, sin tabi-Nea inta totok in moḷoben kon i naton pinoniata-Neadon pinongin i Adí-Nea.

KOLOSE 1:13

Pinilatan-Neadon in kita nongkon kawasa inta nosindip bodongka pinamping kon bonu in dodatuan i Adí-Nea inta kinotabi-Nea.

PETRUS 2 1:17

Kon tuabí in kami wakutu in Sia i horomat bo pinomulia i Allah Amá. Kon wakutu intua kinodongogandon in singog nongkon i Inta Totok Momulia, inta noguman kon i-Nia, “Naabí in ki Adí-Ku inta Kinotabi-Ku. Sia in kinosanang in gina-Ku!”

YOHANES 1 5:9

Kita in mopirisayabí kon kosakusian intau, táe kosakusianbí i Allah in moropo-ropot kon tua. Bo tuata in kosakusian inta ain inogoi i Allah soaḷ ki Adí-Nea.

WAHYU 14:2

Bo dinongogku in singog nongkon ḷangit naonda bo singog in dunuk moḷoben bo ná doman singog in gotup inta totok in moropot. Singog inta dinongogku tua ná doman onda bo singog in kecapi mita inta kinuti in intau inta motaau mokuti.