MATIUS 3:11 - Alkitab Singog In Mongondow Masa In Tanaa

¹¹ Akuoi mopobaptis in tubig kon i monimu, saḷaku bukti kon moiko aindon mogogai in mogaid kon inta diá mopia, táe Sia inta mamangoi moiduduimai kon inakó naa, kawasa-Nea moiḻiu totok kon inakó, sedang tongá mobuka kon togot in sapatu-Nea yo diá patus in akuoi. Sia in mopobaptis kon i monimu in Roho i Allah bo tuḷu.

MATIUS 3:11 ပူးပေါင်းရင်းမြစ်များ

YESAYA 4:4

Pongin kawasa-Nea ki Tuhan in monisigbí bo mopomurni kon umat-Nea. Sia in mondaritbí kon Yerusalem nongkon dugú in intau mita inta iḻimod kon kotá tatua.

YESAYA 44:3

Sin Akuoi in mopobutakbí in tubig kon butá inta noingkag, bo mopoiḻig in ongkag mita kon butá inta nongoguang. Akuoi in mobogoibí in kawasa-Ku kon buímu, bo momarakat kon adí bo ompumu.

ZAKHARIA 13:9

Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”

MATIUS 3:6

Mosia nongaku muna kon taḷá monia bodongka binaptis i Yohanes kon Ongkag in Yordan tatua.

MARKUS 1:4

Naonda inta pinais dá natua domandon in ki Yohanes noiangoi kon padang gurun. Sia in nobaptis kon intau bo nopotaau in Habar nongkon i Allah. Ki Yohanes noguman, “Moiko in musti mogogaidon in mogaid kon dosamu mita bo musti baptison, sinbá ampungan i Allah in moiko.”

LUKAS 1:17

Sia in mobaḻí totabá i Tuhan inta moropot bo mokawasa ná ki Elia. Sia mopoyodame kon gina in guyanga bo adí, bo intau mita inta raian monia diá moitutui in potutuionnea bui. Tua in mangaḻenea kon sia in moposadia kon umat inta moibog dumudui kon parenta i Tuhan.”

LUKAS 3:16

Tuamai in ki Yohanes noguman kon i monia komintan, nanaa, “Akuoi in Mopobaptis kon i monimu in tubig, táe moiangoibí in intau inta moḷobe-ḷoben nongkon inakó. Umpaka tongá mobuká kon togot in sapatunea yo diá kobaḻí in akuoi. Sia tua in mopobaptis kon i monimu in Roho i Allah bo tuḷu.

LUKAS 3:3

Ki Yohanes minaya-mayá mako in bayongan ḻipú inta kon diugmai in Ongkag in Yordan bo nopobaḷú, “Pogogaidon in mogaid kon dosa mita bo pokibaptisdon sinbá ampungandon i Allah in bayongan taḷámu.”

YOHANES 1:15

Ki Yohanes in namangoi saḷaku sakusi-Nea, sia in nopohabar: “Naadon in Sia inta pinogumanku: Moiduduimai kon inakó, moiangoi in Sia inta mokawa-kawasa nongkon inakó, sin Sia in oyúondon kon wakutu in akuoi diápa.”

YOHANES 1:30

Sia tuata inta imakusud in singogku, moiduduimai kon inakó mamangoi in Sia inta mokawa-kawasa nongkon inakó, sin kon wakutu in akuoi diápa pinolahir, Sia koyongandon oyúon.

OUMAN IN RASUL MITA 1:5

Sin ki Yohanes in nopobaptis in tubig, táe diádon moonggot in moiko baptison in Roho i Allah.”

OUMAN IN RASUL MITA 19:4

Ki Paulus in noguman, “Ki Yohanes nobaptis kon intau mita tatua sinbá mogogaidon in mosia in mogaid kon dosa. Táe wakutu intua ki Yohanes in nopotaau domandon kon intau mita in Israel kon mosia in musti mopirisaya kon Intau inta mamangoi moidudui kon inia, makusud in singognea tua in ki Yesusbí.”

OUMAN IN RASUL MITA 8:36

Kon binayáan monia tatua, mosia noidapot in tobatú tampat inta oyúon in tubig. Pogawai tatua noguman, “Indoiaika, kon tua oyúon in tubig! Motaau degá aka akuoi baptisondon kon tua?” [

OUMAN IN RASUL MITA 8:38

Dá pinoki potogonnea in keretanea tatua; bo minayá in taya dua. Ki Pilipus bo pogawai tatua, tumpaḷa noponang kon bonu in tubig bo binaptis i Pilipus kon tua in sia.

KORINTUS 1 12:13

Natua doman in kita komintan, intau in Yahudi ande deeman, ata ande deeman; kita komintan ain bidon binaptis in Roho inta kotangoianmai naa, sinbá motobatúdon in kita kon awak i Kristus bo mokorasa doman kon Roho inta notongkai doman tatua.

EPESUS 3:8

Kon sigad in bayongan umat i Allah, yo akuoibí naa in totok in mokooyá. Táe ki Allah ain noponotabi in oaidan tanaa kon inakó; oaidan mopoyaput in Habar Mopia soaḷ kaoyúonan i Kristus inta diá modai-dait;

TITUS 3:5

Sia in noposaḷamat kon i naton, táe deemanbí popisí in kita ain nogaid kon inta mopia, táe popisíbí in tabi-Nea kon i naton. Sia in noposaḷamat kon i naton takin Roho i Allah inta ain nobogoi kon i naton in kolahiran bo kobiagan mobagu takin cara nondarit kon i naton.

PETRUS 1 5:5

Ná doman tua, utatku mita inta nongomudapa, mokopotoindudui kon guyanga mita. Moiko in musti mokopoompá kon dodia bo moibog doman mosibantungan sin kon Buk Motusi ain pinais nanaa: “Ki Allah in mohukum kon intau inta mokaḷakuang, táe motabibí kon intau inta moompá in dodia.”