MATIUS 28:7 - Alkitab Singog In Mongondow Masa In Tanaa

⁷ Ḷagidon bayá bo pogumandon kon murí-Nea, ‘Kon ki Yesus in nobiagdon bui nongkon sigad in intau mita minatoi. Sia aindon inumuna kon i monimu minayá in Galilea; bain kon tua bo ontongon monimu in Sia!’ Akuoi in moguman kon i monimu kon onu inta totuu.”

MATIUS 28:7 ပူးပေါင်းရင်းမြစ်များ

YESAYA 44:8

Bangusa-Ku, dika moondok andeka moitaḻikokog; sin nongkon dungkuḷmaipabí nodapot in tanaa Akuoi in nonoḻindapdon kon onu in mobaḻí? Moiko in sakusi-Ku mita. Moḷoḷukad ibanea in diábí bo diábí kinotaauan-Ku.”

YESAYA 45:21

Pongadu in pelekaramu, poontong in buktinea mita, oo, biódon mako in mosia moyopakat moyotakin. Ki ine in nopotaau intua bo nopotaau intua nongkon dungkuḷmai? Akuoibí naa, ki Tuhan? Diábí in ilah koḻikudbí in Akuoi. Akuoibí in Allah inta moadil bo Mopoposaḷamat, diábí in ibanea mako koḻikudbí in Akuoi!

MATIUS 24:25

Tarukira inta pinoguman-Ku muna kon i monimu.

MATIUS 26:32

Tongá naonda in Akuoi mobiag bui, Akuoi in umuna kon i monimu mayá in Galilea.”

MATIUS 28:10

Bo ki Yesus in noguman kon i monia, “Dika moondok! Bayádon bo poguman kon i utat-Ku mita sinbá mosia in mayádon in Galilea; bain kon tua bo ontongon monia in Akuoi.”

MATIUS 28:8

Mosia ḷagi minayá nongkon poḷoḷobongan tatua, takin ondok bo pia in gina. Mosia noribatuk in minayá nopotaau kon murí mita i Yesus.

MARKUS 14:28

Táe naonda in biagondon bui in Akuoi, Akuoi in umuna kon i monimu mayá in Galilea.”

MARKUS 16:10

Dá ki Maria Magdalena in minayá nopotaau in onu inta nobaḻí tatua kon intau inta dumuduimai kon i-Nia inta koyogot monahangmai, kon gina bo mongombaḷmai popisí in kinopatoian i Yesus. Nopaḷut mako kon tua, ki Yesus tontaní pinongin murí-Nea nopotaau pinangkoi kon pomukaan nopobayá in toyopan in habar inta motusi bo mononoi soaḷ kasaḷamatan inta mononoi.]

MARKUS 16:13

Dá nobui in mosia bo nopotaau in soaḷ tatua kon murí mita i Yesus ibanea. Táe diá in mosia mopirisaya.

LUKAS 24:34

Noiyaputmai kon tua mosia in noguman nanaa, “Totuubí kon ki Tuhan aindon nobiag bui! Sia ain nokipogontong kon i Simon!”

YOHANES 14:29

Tanaa in muna-Kudon potaau kon i monimu wakutu intua diápa mobaḻí, sinbá mopirisaya in moiko aka soaḷ tatua bo mobaḻídon.

KORINTUS 1 15:4

Sia ain iḷobong, táe onda intua biniag bui kon singgai intoḷunea. Natua doman in pinais kon bonu in Buk Motusi.

KORINTUS 1 15:6

Noiduduimai kon tua, Sia in minayá doman nokipogontong kon intau mita inta nopirisaya kon i-Nia, degá ḻimamai nogatut in kobayong monia. Bo nobayongpabí in kon sigad monia tua in nobiagpa nodapot in masai naa. Tongá oyúon domandon in minatoi kon sigad monia tua.