MATIUS 28:6 - Alkitab Singog In Mongondow Masa In Tanaa

⁶ Sia in diá bidon kon naa, sin Sia in nobiagdon bui, ná inta ain pinoguman-Nea, angoi bo indoiaika in tampat inta pinopouḻidan kon i-Nia.

MATIUS 28:6 ပူးပေါင်းရင်းမြစ်များ

MATIUS 12:40

Sin naonda in ki Yunus toḷu nosinggai bo toḷu nogobii kon bonu in sian in toyá, yo natua doman in ki Adí Intau in mogutun kon gantog in butá toḷu nosinggai bo toḷu nogobii.

MATIUS 16:21

Pinangkoidon kon tungkuḷ intua, ki Yesus nopotaau kon murí-Nea mita, kon Sia in musti mayá in Yerusalem bo motarima kon mobayong in roriga inta popoaid in guhanga mita in ḻipú, imang mita itoi bo mototundú mita kon agama. Bain tua bodongka ḻimodon monia, táe kon singgai intoḷunea mobiag bui in Sia.

MATIUS 17:23

Bo ḻimodon monia in Sia, táe kon singgai intoḷunea biagon bui in Sia.” Nokodongogmai kon tua norobonoḷ totok in gina in murí-Nea mita.

MATIUS 17:9

Kon dodai in mosia nosiḻigdon nongkon buḷud tatua, ki Yesus nobogoi in koyow kon i monia, “Donaai oumanon monimu kon i ine kabí in onu inta aindon inontong monimu tatua kon wakutu in ki Adí Intau diápa biagon bui kon sigad in intau minatoi.”

MATIUS 20:19

moiduduimai kon tua mosia moposarakan kon i-Nia kon intau mita inta diá nonotaau kon i Allah. Sinbá poyambáan monia in Sia, rorigaan, bodongka popopakú kon kayu pinoyotaḻempang. Táe kon singgai intoḷunea biagondon bui in Sia.”

MATIUS 27:63

bo noguman, “Tuang, kinotoropan nami, Intau mouboḷ tatua kon wakutu in nobiagpa, perna noguman, ‘Naonda in toḷu nosinggai mobiag in Akuoi bui.’

MARKUS 16:6

Táe tayowmobiag tatua in noguman kon i monia, “Dika moondok! Kinotaauankubí kon moiko in motayak kon i Yesus intau Nazaret inta ain pinopopakú kon kayu pinoyotaḻempang. Diábí in Sia in kon naa. Sia ain nobiag! Indoiaidon naa in tampat pinoguḻidan monia kon i Yesus.

MARKUS 8:31

Noiduduimai kon tua nomangkoidon in ki Yesus nobogoi in totundú kon murí-Nea mita, kon Adí Intau in musti mokorasa kon roriga mobayong, bo bayowan in itoi mita, imang mita itoi bo in mototundú mita kon agama. Ḻimodon in Sia, táe kon singgai intoḷunea biagon bui.

LUKAS 24:12

Táe umpaka natua, ki Petrus in bango-bangon bo noribatuk minayá noindoi kon poḷoḷobongan tatua. Naonda in sia iḷumongow monag kon bonu in poḷoḷobongan tatua, dongkadon pusi inta pinobakut kon i Yesus in inontongnea. Ki Petrus in noherang totok bo nobui sindaḷan morai kon soaḷ onu inta ain nobaḻí.

LUKAS 24:23

táe noiyaputmai diádon inontong monia in mayat-Nea kon tua. Bo nobui in mosia bo noguman kon nokoontong kon malaekat mita kon poḷoḷobongan tatua. Malaekat mita tatua in noguman kon ki Yesus in buidon nobiag kon sigad in intau minatoi.

LUKAS 24:44

Onda intua Sia in noguman kon i monia, “Naadon in soaḷ mita inta ain pinoguman-Ku kon i monimu kon wakutu in kotaki-takinpa monimu in Akuoi: kon bayongan inta ain pinais soaḷ Akuoi kon bonu in buk i Musa bo buk in nabi mita, bo buk Mazmur, tua in mustibí mobaḻí.”

YOHANES 10:17

Ki Amá in motabi kon i-Nakó sin Akuoi moposarakan in nyawa-Ku, sinbá tua buion-Ku tarimaan.

YOHANES 2:19

Tubag i Yesus, “Rumbundon in Baḷoi Tuhan tanaa, bo tongábí kon daḷom in toḷu nosinggai in poposindogan-Ku bui.”

OUMAN IN RASUL MITA 2:24

Táe Sia in biniag bui i Allah. Sia in pinilatan nongkon roriga in popatoi, sin diábí motaau aka Sia in umuran kon bonu in kawasa in popatoi.