MATIUS 28:5 - Alkitab Singog In Mongondow Masa In Tanaa

⁵ Táe malaekat tatua in noguman kon bobay mita tatua, “Dikadon moondok in moiko! Sin kinotaauankubí kon moiko in mamangoi motayak kon i Yesus inta ain pinopopakú kon kayu pinoyotaḻempang.

MATIUS 28:5 ပူးပေါင်းရင်းမြစ်များ

YESAYA 35:4

Poguman kon i monia inta mointok in gina, “Korigon in ginamu, dika moondok, ki Allahmu in mamangoi mohukum kon musung, Sia in mamangoi sin moposaḷamat kon i monimu.”

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 41:14

Guman i Tuhan, “Dika moondok, Israel, umpaka in iko mointok bo moyangkó. Akuoibí in ki Tuhan inta motuḷung kon inimu, Inta Totok in mokudus, Allah in Israel in mopoposaḷamatmu.

DANIEL 10:12

Bo gumannea kon inakó, “Daniel, dika moondok. Ki Allah in nokidongogdon kon sambayangmu pinangkoi kon singgai muna iko nonantú kon nopoompá kon inimu tontaní sinbá mobaḻí mobijaksana. Akuoi in namangoidon nobaḻí tubag in sambayangmu.

DANIEL 10:19

Sia in noguman, “Ki Allah in notabi kon inimu, tuamai dikadon moḻia-ḻiaw in gina andeka moondok, yo, koropotdon!” Kon dodai in sia noguman natua, kinorasaanku kon nodugangdon bui in ropotku bo noguman, “Posingogdon, Tuangku. Ki Tuang in nodugangdon kon ropotku.”

MATIUS 14:27

Táe ki Yesus ḷagi noguman kon i monia, “Pokopoonow! Sin Akuoibí in naa. Dika moondok!”

MATIUS 28:10

Bo ki Yesus in noguman kon i monia, “Dika moondok! Bayádon bo poguman kon i utat-Ku mita sinbá mosia in mayádon in Galilea; bain kon tua bo ontongon monia in Akuoi.”

MATIUS 28:4

Moḷoḷukad mita kon poḷoḷobongan tatua in gugur mako sin noondok totok, mosia tua nádon intau mita minatoi.

MARKUS 16:6

Táe tayowmobiag tatua in noguman kon i monia, “Dika moondok! Kinotaauankubí kon moiko in motayak kon i Yesus intau Nazaret inta ain pinopopakú kon kayu pinoyotaḻempang. Diábí in Sia in kon naa. Sia ain nobiag! Indoiaidon naa in tampat pinoguḻidan monia kon i Yesus.

LUKAS 1:30

Dá malaekat tatua in noguman kon inia nanaa, “Dika moondok Maria, sin iko in kinosanang gina i Allah.

LUKAS 24:5

Mosia in totok inagían in ondok, bo sinumungkud dapot in butá, táe intau doyowa tatua in noguman kon i monia, “Nongonu sin moiko in motayakbí kon intau inta nobiagdon kon sigad in intau minatoi?

OUMAN IN RASUL MITA 2:24

Táe Sia in biniag bui i Allah. Sia in pinilatan nongkon roriga in popatoi, sin diábí motaau aka Sia in umuran kon bonu in kawasa in popatoi.

IBRANI 1:14

Aka natua, onubí in malaekat mita tatua? Mosia tua in rohobí mita inta mobantung kon i Allah, inta pinotabá i Allah mamangoi motuḷung kon intau mita inta bain motarima kon kasaḷamatan.