MATIUS 28:4 - Alkitab Singog In Mongondow Masa In Tanaa

⁴ Moḷoḷukad mita kon poḷoḷobongan tatua in gugur mako sin noondok totok, mosia tua nádon intau mita minatoi.

MATIUS 28:4 ပူးပေါင်းရင်းမြစ်များ

AYUB 4:14

Dá noitaḻikokog in akuoi bo urot mako; nodait noḻiai in awakku sin ginumugur.

MAZMUR 48:6

Táe mokoontong kon tombuḷud tatua, noitongau in mosia; nodoḻiok in mosia bo noḷagui notoboḻingo.

DANIEL 10:7

Tongábí akuoi tontaní in nokoontong kon oontongon tatua. Intau mita inta noyotakinku in diábí nokoontong kon tua, táe mosia in inangoian in ondok dá noḷagui bo nogadop.

MATIUS 28:11

Naonda in mosia kon yuakdon in daḷan, namangoidon in intau mita inta noḷukad kon poḷoḷobongan. Mosia minayá in kotá bo nopotaau kon imang mita itoi kon bayongan inta ain nobaḻí.

MATIUS 28:3

Pogot in malaekat tatua mopouḻi-uḻinag, ḷambungnea in nobudó totok naonda bo salju.

MATIUS 28:5

Táe malaekat tatua in noguman kon bobay mita tatua, “Dikadon moondok in moiko! Sin kinotaauankubí kon moiko in mamangoi motayak kon i Yesus inta ain pinopopakú kon kayu pinoyotaḻempang.

OUMAN IN RASUL MITA 16:29

Itoi in ponjara tatua noigum kon togá bo binayánea sinuaian bonu in ponjara tatua. Urot mako in sia bo noitungkud kon tayowonmai i Paulus bo i Silas.

WAHYU 1:17

Naonda in akuoi nokoontong kon i-Nia, akuoi noitungkud kon tayowon-Nea naonda bo intau minatoi. Táe ḻima-Nea koḷanan in noyapu kon inakó bo poḷat noguman kon inakó, “Dika moondok! Akuoi naa in ki Inta Totok Muna-munamai bo ki Inta Pangabisan.