MATIUS 28:3 - Alkitab Singog In Mongondow Masa In Tanaa

³ Pogot in malaekat tatua mopouḻi-uḻinag, ḷambungnea in nobudó totok naonda bo salju.

MATIUS 28:3 ပူးပေါင်းရင်းမြစ်များ

MAZMUR 104:4

Tompot in binaḻí totabá-Mu, bo kilat in mobobantung-Mu.

DANIEL 7:9

Koyogotpa in akuoi nonaridipa mako, tongonumai in tampat pomomarentaan koyogot in inukat. Bo Sia inta mononoi iḻimitú kon tudu in tobatú tampat pomomarentaan mita tatua. Pakeang-Nea bo buok-Nea in nobudó nodarit naonda bo kapot. Tampat pomomarentaan-Nea takin rodanea mita in nodoko-dokot popisí tuḷú iḷumekep,

MATIUS 17:2

Indoianmai batangan i Yesus nobaḷuibí kon tayowon monia; Pogot-Nea nonindar ná mata in singgai, bo ḷambung-Nea in nobaḻí nobudó mopouḻi-uḻinag naonda bo bayag.

MATIUS 28:4

Moḷoḷukad mita kon poḷoḷobongan tatua in gugur mako sin noondok totok, mosia tua nádon intau mita minatoi.

MARKUS 16:5

Bo mosia in sinumuot kon bonu in pinoḷobongan tatua. Kon bonu in pinoḷobongan dotá in koḷanan inontong monia tobatú tayowmobiag inta nogi jubah nobudó iḻimitú mako, bo noitaḻikokog in mosia.

MARKUS 9:3

Pakeang-Nea nobaḻídon nobudó mopouḻi-uḻinag. Diábí in tobatúmai intau mokobatá námai tua in kobudónea.

YOHANES 20:12

bo inontongnea in malaekat doyowa nogiḷambung nobudó. Mosia in iḻimitú kon tampat inta pinoguḻidan kon mayat i Yesus. Tobatú kon dotá in uḷuan, bo tobatú kon dotá in sioḷan.

OUMAN IN RASUL MITA 1:10

Bo ḷumangagpa mako in mosia sin moindoi kon kinoonikan i Yesus, yo indoianmai doyowa intau inta nogiḷambung nobudó noisindogbí magí kon diug monia,

WAHYU 10:1

Bo akuoi in nokoontong kon tobatú malaekat ibanea inta moroton noponag nongkon soroga. Sia inoḻiungan in goḷom bo kinobandowan in aḻibobag. Pogotnea in naonda bo mata in singgai, sioḷnea in naonda bo oigi tuḷu.

WAHYU 18:1

Onda intua akuoi in nokoontong kon tobatú malaekat ibanea noponag nongkon soroga. Kon malaekat tatua oyúon in kawasa inta moḷoben, bo kamuliaan nokobayag kon dunia naa.