MATIUS 28:20 - Alkitab Singog In Mongondow Masa In Tanaa

²⁰ Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

MATIUS 28:20 ပူးပေါင်းရင်းမြစ်များ

KINOBAḺIAN 39:21

Táe ki Tuhan notuḷung kon i Yusup bo umuran motabi kon inia, dapot in itoi in ponjara motabi kon inia.

DATU MITA IMITÁNEA 1:36

“Mopia, Inta Momulia,” tubag i Benaya, “igumon mako ki Tuhan, Allah i tuang datu, moginrigon kon parenta i tuang datu tua.

TAWARIKH 1 16:36

Dayowdon in ki Tuhan Allah Israel, tanaa mako modapot in mononoi! Onda intua bayongan in umat in Israel moguman, “Amin”. bo nodayow in mosia kon i Tuhan.

MAZMUR 46:11

Kai-Nia, “Pogogaidon moparang; pokotaaudon, Akuoi naa in Allah, Akuoi in momulia kon sigad in bangusa mita, momulia kon sinangkub in butá.”

MAZMUR 46:7

Ki Allah in nonggotup, dá dunia in norimumudon totok; bangusa mita in modoḻiok, dodatuan mita noobat.

MAZMUR 72:19

Dinayo-dayowdon in tangoi-Nea inta moḷantud dapot in mononoi; igumon mako sinangkub in butá mopuḻing in kamuliaan-Nea! Natuadon in mobaḻí. Amin!

IḶUAIAN 3:12

Ki Allah in notubag, “Akuoi in motuḷungbí kon inimu. Bo aka bangusa tatua diaanmudon ḷumuai nongkon Mesir, yo moiko in mosumbadon kon i-Nakó kon buḷud tanaa. Tuadon in mobaḻí tanda kon Akuoibí in nopotabá kon inimu.”

IḶUAIAN 8:27

Kami in mustibí mayá in padang gurun inta toḷu nosinggai kon bayáan in koyayúnea sin mayá moposumba in kuruban kon i Tuhan Allah nami, ná inta ain pinarenta-Nea kon inami.”

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YEREMIA 26:2

Ki Tuhan in noguman kon inakó, “Bayádon sindog kon palas in Baḷoi-Ku bo posingogdon kon intau mita in Yohuda inta namangoi moibada kon tua. Potaaudon kon i monia komintan in bayongan inta pinoki potaau-Ku kon inimu. Dika gaatan tongopiḻikmai.

YEHEZKIEL 46:10

Mongongawasa in mustibí tumuot kon Baḷoi Tuhan moyotakin in rayat bo naonda in mobui mustibí doman moyotakin.

MATIUS 1:23

“Tobatú mongodeaga in modia kon sian bo mopononggadí kon tobatú adí ḷoḷaki bo adí tatua tangoian monia ki ‘Imanuel’, inta mangaḻenea: Ki Allah kotaki-takin naton.”

MATIUS 13:49

Natua doman mobaḻí kon Singgai Tumi, malaekat mita in mamangoi bo mopoyotondí kon intau mita inta moromú bo intau inta mopia.

MATIUS 18:20

Sin kon onda in oyúon doyowa andeka toḷu intau moyosipun mosumba kon i-Nakó, yo Akuoi in kon tua kon yua-yuak monia.”

MATIUS 24:3

Wakutu in ki Yesus iḻimitú kon tudu in Buḷud Zaitun, murí-Nea mita namangoidon kon i-Nia bo nongonguman-Neamai. Kai monia. “Pogumandon kon inami, mongó toonu in tua komintan mobaḻí bo onu in tanda kon koangoian-Mu bo tanda in kopaḷutan dunia naa?”

MATIUS 6:13

Donaaidon pomayá mako in kami kobuḻian in pirisaya kon dodai in kami koantugan in totungkuḷ, táe pilataidon in kami nongkon kawasa i inta Moraat! [Sin Ikobí in Datu inta mokawasa bo momulia dapot in mononoi. Amin.]’

MARKUS 16:20

Dá murí-Nea mita minayá nopotaa-taau mako in habar nongkon i Allah. Bo mosia in sinakinan i Tuhan kon bonu in binaya-bayáan mako monia. Tua pinoniata i Tuhan kon oaid mita inta mokoherang kon totuubí in pinotaau monia tua.] [

OUMAN IN RASUL MITA 2:42

Mosia morajing totok in mokidongog kon onu in sinundú in rasul mita tatua bo umuran moyosipun moyotakin mongaan bo mosambayang.

OUMAN IN RASUL MITA 20:27

Sin diábí kon dodai in onda in akuoi moḷagui mopohabar in bayongan tomayá i Allah kon i monimu komintan, sin tuabí in oaidanku.

KORINTUS 1 11:2

Pujionkubí totok in moiko sin umuran mokotorop kon i nakó. Bo onu inta sinundúku kon i monimu, umuran doman duduian monimu.

KORINTUS 1 11:23

Sin onu inta ain sinundúku kon i monimu, yo nongkon i Tuhanbí intua komintan: kon doḷom tua, wakutu in ki Yesus, Tuhan naton motoyongdon posarakan, Sia in nogamá kon roti,

KORINTUS 1 14:37

Aka rasaanmai monimu bo oyúonbí in totabi mopoyaput in habar nongkon i Allah, andeka inogoianbí i Allah in totabi kon soaḷ mita ibanea, yo intau tatua in mustibí mosadar kon onu inta pinaisku tanaa, komintanbí parenta nongkon i Tuhan.

ULANGAN 12:32

Aidaidon in bayongan inta pinoki aidku kon inimu; dika dugangan ande gaatan.

ULANGAN 5:32

Utat mita, duduiai pokosatia in bayongan inta pinarenta i Tuhan Allahmu kon inimu. Dika ḻimimpat kon tobatúmai nongkon parenta mita tatua.

KOLOSE 1:28

Ki Kristusbí tatua inta pinotaau nami kon intau mita. Kami nomaké in kabijaksanaan bo pongotahuan in mononggina bo motundú kon i monia, sinbá pomuḷoi in intau motaau diaan kon i Allah saḷaku intau inta noguyangdon in pirisaya, sin mosia ain notobatú i Kristus.

TIMOTIUS 2 4:17

Táe akuoi in umuranbí iḷukadan i Tuhan; bo inogoian-Neadon in ropot in akuoi sahingga in nokosanggupdon nopoyaput in Habar Mopia tatua, sinbá kodongogan domandon in bayongan intau inta deeman Yahudi, sahingga in akuoi noipilatdon nongkon onu inta mokobodito kon inakó.

YOSUA 1:5

Tobatúmai in intau diábí in mokotaḷow kon inimu, Yosua, kinoouputbí in kinobiaganmu. Sin umuran-Kubí takinan in iko ná ki Musa koḻipod. Diábí in Akuoi monaḷámai kon inimu.

PETRUS 2 3:2

Bo umuranku doman anjuron mako sinbá tantú monorop kon onu inta ain pinoguman in nabi mita i Allah tungkuḷ intua bo moponorop doman mako kon parenta i Tuhan bo i Datu Mopoposaḷamat, inta ain pinotaau in rasul mita kon i monimu.

WAHYU 1:18

Akuoi naa in Sia inta nobiag tua! Akuoi ain minatoi, táe indoiaika, Akuoi in nobiagbí bo diá bidon mato-matoi. Popatoi bo dunia in intau minatoi kon bonu bidon in kawasa-Ku.

WAHYU 22:14

Mosanangdon totok in intau inta nomatá kon jubahnea kinodarit totok. Mosia in motaau mokaan kon bungai in pangkoi in kayu kobiagan bo tumuot kon bonu in kotá mongin ngaranea.