MATIUS 28:17 - Alkitab Singog In Mongondow Masa In Tanaa

¹⁷ Naonda in inontong monia, sinumba monia in Sia, táe oyúon in topiḻik diá mopirisaya.

MATIUS 28:17 ပူးပေါင်းရင်းမြစ်များ

MAZMUR 2:12

Tungkudon kon tayowon-Nea takin urot, dika modapot in ki Tuhan tumorú bo moiko in baḷunea putúan, sin torú-Nea baḷúdon modokot. Pia in kamang in intau inta moniung kon i Tuhan!

MAZMUR 45:11

Ei adí bobay, indongogaipa in tosingogonku mita, ḻiongdon in bangusa bo inanakanmu.

MATIUS 16:28

Poguman-Ku kon i monimu! Kon sigad in intau mita kon naa oyúon in diápa matoi aka mosia in diápa mokoontong kon Adí Intau mamangoi momarenta saḷaku Datu.”

MATIUS 28:9

Bo ki Yesus in noyodungkuḷ monia bo noguman, “Salam kon inimu!” Dinimiug in mosia kon i-Nia bo ginumakap kon sioḷ-Nea bo nosumba doman kon i-Nia.

MARKUS 16:11

Táe naonda in kinodongogan monia kon ki Yesus in nobiag, bo ki Maria in nokoontongdon kon i-Nia, diábí in mosia nopirisaya.

MARKUS 16:13

Dá nobui in mosia bo nopotaau in soaḷ tatua kon murí mita i Yesus ibanea. Táe diá in mosia mopirisaya.

MARKUS 16:14

Pangabisannea, ki Yesus nokipogontong kon murí-Nea mita mopuḷú bomitá tatua, wakutu in mosia koyogot mongaan. Sinorúan-Nea in murí-Nea mita tatua sin diá totok mopirisaya bo motogat totok in gina sahingga in diá mopirisaya kon intau mita inta ain nokoontong kon ki Yesus in nobiagdon bui.

YOHANES 5:23

Pinomia i Amá intua sinbá bayongan in intau mohoromat kon i Adí ná mosia in mohoromat kon i Amá. Intau inta diá mohoromat kon Adí in diábí doman mohoromat kon i Amá inta nopotabá mangoi kon i Adí.

OUMAN IN RASUL MITA 1:3

Naonda in Sia buidon nobiag nongkon kinopatoian-Nea, opat nopuḷú nosinggai Sia nopoontong in oaidan-Nea kon rasul mita sinbá moniata kon i monia kon Sia tua in totu-totuubí nobiag. Mosia in nokoontong kon i-Nia, bo Sia in nongonguman kon i monia kon naonda in ki Allah momarenta saḷaku Datu.

KORINTUS 1 15:6

Noiduduimai kon tua, Sia in minayá doman nokipogontong kon intau mita inta nopirisaya kon i-Nia, degá ḻimamai nogatut in kobayong monia. Bo nobayongpabí in kon sigad monia tua in nobiagpa nodapot in masai naa. Tongá oyúon domandon in minatoi kon sigad monia tua.