MATIUS 27:66 - Alkitab Singog In Mongondow Masa In Tanaa

⁶⁶ Mosia in minayá in poḷoḷobongan tatua bo sinilotan monia bodongka iḷukadan.

MATIUS 27:66 ပူးပေါင်းရင်းမြစ်များ

DANIEL 6:17

Dá imbuitnea pinarentaandon i datu sinbá ki Daniel in domokondon bo pogonag kon bubú in singa. Guman i datu kon i Daniel, “Poigumon mako ki Allahmu inta sinumbamu takin satia tua in moposaḷamat kon inimu.”

MATIUS 27:60

Bodongka pinopouḻidnea kon poḷoḷobongan nobagu, inta kinaḻinea kon bonu in buḷud batu. Nopaḷut mako iḻingkopannea in batu moḷoben, bodongka minayá.

MATIUS 27:65

Dá ki Pilatus in noguman kon i monia, “Naa in moḷoḷukad mita, bayá bo ḷukadaidon kopira in poḷoḷobongan tatua.”

MATIUS 28:11

Naonda in mosia kon yuakdon in daḷan, namangoidon in intau mita inta noḷukad kon poḷoḷobongan. Mosia minayá in kotá bo nopotaau kon imang mita itoi kon bayongan inta ain nobaḻí.

MATIUS 28:2

Bo daḻíbí dinandúan noropot totok. Tobatú malaekat i Tuhan noponag nongkon soroga bo noḻitoi kon batu inta pinonaḷob tatua, bodongka iḻitúannea.

YOHANES 20:1

Kon singgai in Diminggu modiugpa mobayag, ki Maria Magdalena minayá in poḷoḷobongan. Inindoianneamai yo batu inta pinonaḷob noḻitoidon nongkon bubú in poḷoḷobongan tatua.

TIMOTIUS 2 2:19

Táe dodoyonan moroton inta ain pinomia i Allah tua in diá bidon in mokodandú. Kon ḻimoniknea in pinaisdon nanaa, “Kinotaauanbí i Tuhan in umat-Nea inta kinotabi-Nea,” bo “Intau inta mongaku umat i Tuhan in mustidon mogogai in mogaid kon inta noitaḷá.”

YOSUA 10:18

“Ḻitoidon in batu mita moḷoben kon bibig in angob tatua, bo pokiḷukadon kon pongawal kon tua,” guman i Yosua,

WAHYU 20:3

Onda intua pinogonagnea bui in naga tatua kon irang popatoi bodongka sinaḷobannea poḷat kinunsían, sinbá naga tatua in diádon monguboḷ kon bangusa mita kon tungkuḷ in diápa modait in wakutu toribu notaong. Mopaḷut mako in wakutu tatua sia in buḻianpa motoyong.