MATIUS 27:64 - Alkitab Singog In Mongondow Masa In Tanaa

⁶⁴ Manangka intua pokiḷukadon kon moḷoḷukad mita in poḷoḷobongan tatua modapot in singgai intoḷunea; sin dika bo angoion in murí-Nea mita takowon in mayat-Nea, bo poguman monia kon Sia aindon nobiag bui kon sigad in intau mita minatoi. Sahingga in uboḷ kon singgai tumi in moraa-raatdon nongkon inta muna.”

MATIUS 27:64 ပူးပေါင်းရင်းမြစ်များ

MATIUS 12:45

Sia in bui minayá bo nogoiní kon pitu in dimukud inta noiḻiu kon koraatnea bo sinumuot in mosia mogutun kon intau tatua. Dá pangabisannea kaadaan in intau tatua noiḻiudon raat nongkon inta muna. Natua doman in mobaḻí kon intau mita moraat masa inta naa.”

MATIUS 27:63

bo noguman, “Tuang, kinotoropan nami, Intau mouboḷ tatua kon wakutu in nobiagpa, perna noguman, ‘Naonda in toḷu nosinggai mobiag in Akuoi bui.’

MATIUS 27:65

Dá ki Pilatus in noguman kon i monia, “Naa in moḷoḷukad mita, bayá bo ḷukadaidon kopira in poḷoḷobongan tatua.”

MATIUS 28:13

takin koyow nanaa, “Poguman kon intau mita, nanaa, kon tungkuḷ in doḷom moiko nosiug noḷoḷot. Bo Murí-Nea mita namangoi bo nogamá kon mayat-Nea.

TESALONIKA 1 2:3

Totundú nami in noitutuibí. Deemanbí makusud inta diá mopia andeka monombodok.