MATIUS 27:56 - Alkitab Singog In Mongondow Masa In Tanaa

⁵⁶ Kon sigad monia tua, oyúon doman in ki Maria Magdalena, bo ki Maria inta ki iná i Yakobus bo i Yusup, bo ki buḷoi i Zebedeus.

MATIUS 27:56 ပူးပေါင်းရင်းမြစ်များ

MATIUS 13:55

Aka diá moyotaḷá yo Siabí naa inta ki Adí i bas? Bo ki iná-Nea in ki Maria degá; ki utat-Nea in ki Yakobus, ki Yusup, ki Simon, bo ki Yudas?

MATIUS 27:61

Táe ki Maria Magdalena bo ki Maria ibanea kon tuapa ḻimitú mako kon tayowon poḷoḷobongan tatua.

MATIUS 28:1

Naonda in singgai in Sabat noitaḻibdon, subupa totok kon singgai dungkuḷ Diminggu tatua, ki Maria Magdalena bo ki Maria ibanea minayá in poḷoḷobongan tatua noindoi.

MARKUS 15:47

Wakutu intua ki Maria Magdalena bo ki Maria ki iná i Yoses nonarukiramai mongo pinouḻid naonda in mayat i Yesus.

MARKUS 16:9

Naonda in ki Yesus nobiag nongkon kinopatoian-Nea, doḷo-doḷom kon singgai in Diminggu, muna-munamai nokipogontong in Sia kon i Maria Magdalena. (Ki Maria naa inta pinopoḷuaian i Yesus in dimukud moraat taya pitu.) Bobay mita tatua minayá kon i Petrus bo kon yobayatnea mita bodongka nongonguman notoyong kon bayongan inta ain pinotaau kon i monia i intau tayowmobiag tatua.

LUKAS 24:10

Tangoi in bobay mita inta nopotaau kon dumodudui i Yesus mita tua in ki Maria Magdalena, ki Yohana bo ki Maria inta ki iná i Yakobus bo bobay doman mita ibanea inta noyotakin monia.

LUKAS 8:2

Oyúon doman in bobay inta ain inundaman-Nea nongkon kinotoḷangan in dimukud mita moraat bo bayongan takit ibanea. Naa in tangoi monia tua: Ki Maria inta dinonoi ki Magdalena (pitu in dimukud moraat inta ain pinoḷuai kon inia);

YOHANES 19:25

Kon diug in kayu inta pinopopakúan kon i Yesus, sinimindog kon tua ki iná i Yesus, ki utat bobay i iná-Nea, ki Maria ki buḷoi Klopas, bo ki Maria Magdalena.

YOHANES 20:1

Kon singgai in Diminggu modiugpa mobayag, ki Maria Magdalena minayá in poḷoḷobongan. Inindoianneamai yo batu inta pinonaḷob noḻitoidon nongkon bubú in poḷoḷobongan tatua.

YOHANES 20:18

Dá binayá domandon i Maria pinotaau kon murí mita i Yesus, kon inontongneadon in ki Tuhan bo ki Tuhanbí doman in noguman kon tua komintan kon inia.