MATIUS 27:54 - Alkitab Singog In Mongondow Masa In Tanaa

⁵⁴ Itoi in tontara takin prajurit-Nea inta noḷukad kon i Yesus noondokdon totok naonda in nokoontong kon ḻinug bo onu inta aindon nobaḻí tatua, bo mosia nosingog, “Totuubí, kon Sia naa in ki Adíbí i Allah!”

MATIUS 27:54 ပူးပေါင်းရင်းမြစ်များ

MATIUS 26:63

Táe ki Yesus tongábí kibio-biómai. Bo imang moḷoben tatua in noguman kon i-Nia: “Popodoyon kon i Allah inta nobiag, yo pogumankadon kon inami, mongo Iko degá in ki Mesias ki Adí i Allah, andeka, deeman?”

MATIUS 27:36

Onda intua mosia iḻimitú kon tua noḷukad kon i-Nia.

MATIUS 27:40

Mosia in noguman, “Ei iko inta moibog mogumpag kon Baḷoi Tuhan, bo bui moposindog kon daḷom in toḷu nosinggai, aka Iko ki Adí i Allah, yo posaḷamatdon in awak-Mu tontaní bo poponagdon nongkon kayu pinoyotaḻempang tanion!”

MATIUS 27:43

Sia moharap mako kon i Allah mamangoi. Pomayá mako sinbá ki Allah in mamangoi bo moposaḷamat kon i-Nia, aka koibog i Allah in Sia! Sin Sia aindon nongaku kon Sia kaín in ki Adí i Allah.”

MATIUS 27:51

Bo indoiainmai, gorden in Baḷoi Allah nobisik nosilai doyowa nongkon ḻimonikannea nodapot in ḻimonagannea. Bo dinandúan bo buḷud mita in batu nongobotak.

MATIUS 4:3

Dá namangoidon Ibilis bo noguman kon i-Nia, kainia: “Aka Iko totu-totuu ki Adí i Allah, yo aidaidon roti in batu mita tanaa”.

MATIUS 8:5

Naonda in ki Yesus tumuotdon kon Kapernaum, namangoi in tobatú porwira kon i-Nia poḷat nopoigum, kainia.

MARKUS 15:39

Tobatú porwira inta sinimindog mako kon tayowon kayu pinoyotaḻempang tatua, nokoontong kon naonda in ki Yesus minatoi. Bo noguman in sia, “Totuubí kon ki Adíbí i Allah in Sia naa!”

LUKAS 22:70

Dá mosia komintan in noḻibó nanaa, “Aka natua, yo Iko naa in ki Adí i Allah?” Ki Yesus in notubag, “Moiko bidon tontaní in noguman kon Akuoi naa ki Adí i Allah.”

YOHANES 19:7

Intau mita in Yahudi tatua in noguman, “Podudui in hukum nami, Sia in musti hukumon matoi sin Sia in nongaku ki Adí i Allah.”

OUMAN IN RASUL MITA 10:1

Kon Kaisarea oyúon in tobatú ḷoḷaki, tangoinea in ki Kornelius. Sia naa in itoi in “Tontara in Rum”.

OUMAN IN RASUL MITA 2:37

Naonda in mosia nokodongog kon singog i Petrus tatua noḻiai in gina monia. Bo noḻibó in mosia kon i Petrus bo kon rasul mita ibanea, “Utat mita onu degá in musti pomiaan nami?”

OUMAN IN RASUL MITA 21:32

Dá itoi in tontara tatua ḷagi nosipun bo nodia kon anggotanea mita pinangkoipamai kon pangkat inta noompá modapot in pangkat inta noḷantud. Mosia in ḷagi minayá in tampat inta pinoropatoian tatua. Naonda in intau moantó kon tua nokoontong kon itoi in tontara in Rum tatua takin anggotanea mita, nogogaidon in mosia in nomongkug kon i Paulus.

OUMAN IN RASUL MITA 23:17

Dá nogoiní in ki Paulus kon porwira tobatú bo noguman kon inia nanaa, “Diápa in adí tanaa kon i itoimu sin oyúon in oumanonnea kon inia.”

OUMAN IN RASUL MITA 23:23

Onda intua itoi in tontara tatua in nogoiní kon tontara porwira doyowa bo noguman kon i monia nanaa, “Sadiadon in tontara doyowa nogatut bo pitu nopuḷú inta tumakoi kon kabaḷo takin doyowa nogatut in tontara inta mokadai kon totakuḷ sin mayá in Kaisarea doḷom doman naa jam insiownea.

OUMAN IN RASUL MITA 27:1

Naonda in notantú kon tumakoidon kon kapaḷ in kami sin mayá in Italia, ki Paulus takin tahanan mita ibanea pinosarakandon kon i Yulius, tobatú porwira in tontara in Rum inta tangoionmai “Totabá i Kaisar.”

OUMAN IN RASUL MITA 27:43

Táe inimaḷowan in porwira tatua sinbá ki Paulus in diá doman ḷutamon monia. Bo pinotabánea in intau mita inta motaau ḷumanguy, bo ḷumanguy muna mayá in toba;

SURAT I PAULUS KON JAMAAT RUM 1:4

Táe podudui kon i Allah yo noniata magí Sia in ki Adíbí i Allah. Tua komintan noniata kon kawasa inta totok in moḷoben inta nokobiag kon i-Nia nongkon kinopatoian-Nea.

WAHYU 11:13

Dá dodai intua nobaḻídon in ḻinug inta totok in moropot. Bo sepersepulú nongkon kotá tatua norimumud. Pitu noribu intau minatoi wakutu in ḻinug tatua. Intau mita ibanea in totokdon in noondok, dá nodayowdon in mosia kon koḷoḷoben in kawasa i Allah inta kon soroga.