MATIUS 27:50 - Alkitab Singog In Mongondow Masa In Tanaa

⁵⁰ Ki Yesus in nomaḷú bui noḷangon bodongka noposarakan in nyawa-Nea.

MATIUS 27:50 ပူးပေါင်းရင်းမြစ်များ

DANIEL 9:26

Kon imbuit in sempo tatua itoi inta piniḻí i Allah tatua in hukumonbí, bokaka diábí in sia kotaḷá. Dá namangoidon in tobatú tontara i datu inta moropot, bo nonurub kon Yerusalem takin Baḷoi i Tuhan. Singgai tumi tua in mamangoibí naonda bo ḷunud inta nodia kon parang bo korimumudan, ná inta ain sinantú i Allah.

MATIUS 20:28

Ná ki Adí Intau namangoi deemanbí mokibantung, táe mamangoibí mobantung bo mobogoi in nyawa-Nea potobut kon dosa in intau mobarong.”

MATIUS 27:49

Táe intau mita ibanea in noguman, “Donaai, maníka bo indoian naton mongo ki Elia in mamangoi moposaḷamat kon i-Nia!”

MARKUS 15:37

Onda intua nomaḷú in ki Yesus bodongka minatoi.

LUKAS 23:46

Bo ki Yesus in nomaḷú noropot totok, kai-Nia, “Amá! Kon bonu in kawasa-Mu, posarakan-Kudon in nyawa-Ku.” Nosingog mako natua in Sia minatoidon.

YOHANES 10:11

Akuoibí naa in Gombala inta mopia. Gombala mopia in mobogoibí in nyawanea sin kopontingan in dombanea mita.

YOHANES 19:29

Kon tua oyúon in palo inta nopuḻing in anggur boil. Dá mosia in nogamá kon gabus bo pinoḷodok kon bonu in anggur boil tatua, bodongka pinopoturak kon buḷú topongkó bo pinopodiug kon bibig i Yesus.

YOHANES 19:30

Ki Yesus in nonginsip kon anggur boil tatua bo noguman, “Ain nopaḷut!” Bo kinumuyungdon in Sia bo poḷat minatoi.

IBRANI 2:14

Lantaran intau mita inta sinangoi-Nea adí tua, tongábí intau ilo-ilow inta mato-matoipabí, dá ki Yesus sinumongkaidon kon i monia bo nobiag naonda bo kaadaan intau. Tua pinomia-Nea, sinbá kinopatoian-Nea tua mokorimumud kon Ibilis inta nongawasa kon popatoi.

IBRANI 5:7

Kon wakutu in ki Yesus nobiagpa kon dunia naa, Sia in nosambayang bo nopoigum takin koamu-amui bo koomba-ombaḷ kon i Allah inta mokosanggup moposaḷamat kon i-Nia nongkon roriga in popatoi. Bo lantaran Sia umuran dinumudui kon onu in kinoibog i Allah, dá inindongogan i Allah in pinoigum-Nea tua.

IBRANI 9:14

Dá aka dugú bo ḷobud mokodarit kon onu inta nokotor kon intau mita tatua, yo bambíkabí dugú i Kristus! Pinongin Roho inta diá mato-matoi, ki Kristus ain noposumba in awak-Nea tontaní kon i Allah saḷaku kuruban inta nosompurna. Tuabí in nondarit kon gina naton nongkon upacara mita inta diá in baragunanea, sinbá kita umuran mosumba kon i Allah inta nobiag.