MATIUS 27:27 - Alkitab Singog In Mongondow Masa In Tanaa

²⁷ Onda intua tontara mita i gubernur nodia kon i Yesus pinobayá in baḷoi pongadilan, bo bayongan in tontara noyosipun kon ḻibumai i Yesus.

MATIUS 27:27 ပူးပေါင်းရင်းမြစ်များ

MATIUS 26:3

Kon dodai intua imang mita itoi bo guhanga mita in ḻipú intau Yahudi noyosipun kon palas i Kayapas, imang moḷoben.

YOHANES 18:28

Doḷo-doḷompa totok dinia monia in ki Yesus nongkon baḷoi i Kayapas pinobayá kon komaḻig i gubernur. Intau mita in Yahudi in diábí sinumuot kon komaḻig tatua, sinbá mosia in diá monajis podudui in agama monia, sin mosia in tumakindon mokaan kon kaanon in Paska.

YOHANES 18:3

Dá ki Yudas in namangoidon in tampat tatua takin kodia-dia in tokolompok in tontara in Rum bo tongonu domanmai in moḷoḷukad kon Baḷoi Tuhan inta pinotabá in imang mita itoi bo in intau mita in Parisi. Mosia in nodia kon ḷoḷutam, lantera bo poḷombow.

YOHANES 18:33

Ki Pilatus in sinumuot bui kon komaḻig bo nogoiní kon i Yesus poḷat noḻibó, “Degá Iko nion Datu Intau Yahudi?”

OUMAN IN RASUL MITA 10:1

Kon Kaisarea oyúon in tobatú ḷoḷaki, tangoinea in ki Kornelius. Sia naa in itoi in “Tontara in Rum”.

OUMAN IN RASUL MITA 23:35

sia in noguman nanaa, “Tua in nopia! Pirikisaanku in taḷámu aka intau mita inta mopongadu kon inimu kon naadon.” Bo pinarentaanneadon kon bá tahangon kon komaḻig i Herodes in ki Paulus.

OUMAN IN RASUL MITA 27:1

Naonda in notantú kon tumakoidon kon kapaḷ in kami sin mayá in Italia, ki Paulus takin tahanan mita ibanea pinosarakandon kon i Yulius, tobatú porwira in tontara in Rum inta tangoionmai “Totabá i Kaisar.”