MATIUS 27:22 - Alkitab Singog In Mongondow Masa In Tanaa

²² Dá guman i Pilatus kon i monia, “Aka natua, yo onuonku in ki Yesus inta sinangoi ki Kristus?” Mosia in nomaḷú komintan, “Sia musti popopakú kon kayu pinoyotaḻempang!”

MATIUS 27:22 ပူးပေါင်းရင်းမြစ်များ

AYUB 31:31

Intau mita inta nogaid kon inakó nonotaaubí, kon ki inekabí tarimaankubí kon baḷoiku.

YESAYA 49:7

Ki Allah mokudus Mopoposaḷamat in Israel in noguman kon intau inta totok in siningkuḻe, bo inta kinodoí in bangusa mita bo inta nobaḻí ata in pongawasa mita, “Datu mita in mokoontongbí kon onu in aidan-Ku; mosia in simindogbí mohoromat kon i-Nakó. Pongawasa mita in mokoontongbí doman kon tua, bo tumungkud mosumba.” Tua in mobaḻí popisí in ki Tuhan ain nomiḻí kon mogogundoi-Nea; Ki Allah mokudus in Israel in mosatia kon dandi-Nea.

ZAKHARIA 11:8

Toḷu in gombala inta doí kon inakó nokoinggamá kon sabarku. Mosia in pinoguntunku kon bonu in tongobuḷan monag.

MATIUS 27:17

Popisí in mosia noyosipundon kon tua, dá ki Pilatus in noḻibó kon i monia, “Ki ine in koibog monimu poḷuaionku, ki Yesus Barabas andeka ki Yesus inta sinangoi ki Kristus?”

MATIUS 27:21

Ki gubernur noḻibó bui kon i monia, “Ki ine in kon ibog monimu poḷuaionku bo ogoi kon i monimu?” Mosia nomaḷú, “Ki Barabas.”

MATIUS 27:23

Sia in bui noḻibó, “Táe oaid moraat naonda inta aindon inaidan-Nea?” Táe mosia in kopiadon momaḷú in moguman, “Popopakú in Sia kon kayu pinoyotaḻempang!”

MARKUS 14:55

Imang mita itoi bo mahkama mita agama totok moḷongasi motayak kon bukti mita inta motaau popotaḷáan kon i Yesus sinbá motaau ḷabúan in hukuman matoi. Táe diá tobatúmai in nouḻí monia in bukti.

YOHANES 4:25

Bobay tatua in noguman kon i Yesus, “Kinotaauankubí kon Datu Mopoposaḷamat (inta sinangoi ki Kristus) in mamangoibí. Aka Sia mamangoi, potaau-Neabí in bayongan in yagi-yagi kon i naton.”

OUMAN IN RASUL MITA 13:28

Umpaka diá kinouḻían monia kon taḷá inta motaau baḻíon monia dodoyonan pohukuman kon i-Nia modapot in matoi, táe pinakisabí doman monia pinoki ḻimod kon i Pilatus in Sia.

OUMAN IN RASUL MITA 13:38

Tuamai utatku mita, mustidon kotaauan monimu kon pinongin i Yesusbí tuata habar soaḷ pongampungan kon dosa pinotaau kon i monimu; musti kotaauan monimu kon pomuḷoi in intau inta mopirisaya kon i-Nia, pinilatandon nongkon dosa mita inta diábí motaau tongá popatan pongin bayongan in parenta mita i Allah inta pinoyaput i Musa.